خدمات
كيفية الاشتراك في التأمينات الاجتماعية للعمالة غير المنتظمة والمقيمين في الخارج
إزاي تشترك في التأمينات الاجتماعية؟
المحتويات
التأمينات الاجتماعية في مصر بتديرها الهيئة القومية للتأمين الاجتماعي وبتوفر حماية اجتماعية للقوى العاملة في مصر واستثمار أموال الاشتراكات في صناديق الاستثمار التابعة للدولة، وبتقدر توفر تعويضات للفئات المستحقة، وبالتالي ضروري تعرف خطوات الاشتراك فيها سواء كنت جزء من العمالة غير المنتظمة ومش تابع لهيئة أو مؤسسة معينة أو عايش خارج مصر.
خطوات الاشتراك في التأمينات للعمالة غير المنتظمة
- لازم تملا النموذج رقم 1 وتقدمه لمكتب التأمينات اللي في دائرة نشاطك ولازم يكون بعض المستندات:
- صورة شهادة ميلاد مميكنة وصورة بطاقة الرقم القومي
- طلب اشتراك مؤمن عليه بالنسبة للعاملين بالقطاع الخاص
- صحيفة البيانات الأساسية عشان تكشف لو فيه مدد اشتراكات قبل كده وفقًا للنموذج رقم 3
- بيان بمدد الاشتراك السابقة وفقًا للنموذج رقم 4
- تقرير من جهة طبية مختصة بيشير للياقة الشخص الطبية وقت بداية الاشتراك
- بيان بتدرج المهنة من مصلحة الأحوال المدنية
كيفية اشتراك العاملين بالخارج في منظومة التأمينات
- بيتطلب من العاملين بالخارج نفس المستندات المطلوبة من العمالة غير المنتظمة ولكن بيتطلب معاهم مستندات تانية
- صورة موثقة من جواز السفر الساري وصورة من عقد العمل في الخارج
- عقد عمل سواء كانت هيئة دولية أو سفارة أجنبية أو منظمة دولية
- صورة عقد العمل في السفن الأجنبية وصورة من جواز السفر البحري (ضروري يبقى ساري المفعول)
- بعد تقديم البيانات بيتفتح اشتراك للمواطن المتقدم وبيتسجل في قاعدة معلومات الهيئة
خدمات إلكترونية للتأمينات الاجتماعية على بوابة مصر الرقمية
- بدأت الدولة من خلال بوابة مصر الرقمية في التحول التدريجي لربط كل البيانات داخل شبكة حكومية واحدة
- مثلًا تقدر تستعلم عن الرقم التأميني من خلال رابط تابع للهيئة القومية للتأمين الاجتماعي
- من خلاله هتقدر توفر على نفسك وقت ومجهود الذهاب لمكتب التأمينات للاستعلام عن الرقم
- أتاحت مؤخرًا بعض الخدمات على صفحة التأمينات على بوابة مصر الرقمية للاستعلام عن الخدمات المختلفة زي:
- الرقم التأميني
- مدد الاشتراك والأجور الخاصة بكل مدة في التأمين الاجتماعي
- آخر مدة تأمينية
- الاستقطاعات الخاصة بالمؤمن عليه
- البيانات الأساسية لملف المعاش
- الاستقطاعات للقائمين بالصرف
- المعاشات المستحقة للمستفيد
- بيانات السيارة
- كشف حساب السيارة
- سدادات العاملين بالخارج
- رصيد العاملين بالخارج
- العمليات المستمرة التابعة للمقاول
