تكنولوجيا
كيفية استرجاع الصور المحذوفة من الموبايل وكارت الميموري
إزاي تسترجع الصور المحذوفة من الموبايل؟
المحتويات
(كيفية استرجاع الصور المحذوفة) سؤال بيشغل بال مستخدمي الموبايلات اللي بيخزّنوا أغلب ذكرياتهم على الموبايل أو على الكاميرا سواء صور أو فيديوهات، ولكن ممكن يفقدوها في أي وقت نتيجة مشكلة في الموبايل أو كارت الميموري اللي بتتخزن عليه الصور.
استرجاع الصور من الموبايل الأندرويد
- اعمل نسخة احتياطية من الصور على Google Drive
- افتح Settings وبعدها ادخل على Setup ومنها اختار System واضغط على BackUp
- فعّل BackUp and Sync سواء على Google Photos أو Google Drive
- افتح تطبيق Google Drive وادخل على القائمة/ Menu ومنها اختار النسخ الاحتياطية/BackUp
- هتلاقي مختلف أنواع الملفات وتقدر من خلالها تحدد الملف اللي عايز تسترجعه مرة تانية
- بداية من نسخ أندرويد 9 هتلاقي ملف بيضم الملفات المحذوفة حديثًا/ Recently deleted Files
- بس ضروري تفعّل التخزين فيه عن طريق فتح الـ Gallery والضغط على الـ 3 نقاط فوق بعض واتأكد إن اختيار سلة المهملات/ Recycle bin مفعّل
- تطبيقات كتير على الموبايل ممكن تساعدك زي Dumpster أو EaseUS MobiSaver وتقدر من خلال الكومبيوتر تسترجع ملفات من خلال برنامج Recuva
- ولو عايز تسترجع البيانات من على كارت الميموري تقدر تحمّل برنامج Recoverit عشان تسترجع في مدة بسيطة
كيفية استرجاع الصور المحذوفة على آيفون
- افتح Photos واختار Recently Deleted عشان تسترجع أي صورة اتمسحت خلال 30 يوم
- لو المدة أطول من كده صعب تلاقيها على الموبايل وهتضطر توصّله بأقرب جهاز كومبيوتر ليك
- حمّل برنامج Disk Drill عليه سواء للماك أو للويندوز وافتح البرنامج واختار الآيفون من ضمن الأجهزة الخارجية المتوصلة بالكومبيوتر الخاص بيك
- اختار Recover عشان تحاول تسترجع بيانات أو صور خاصة بيك مش موجودة في الـ Recently Deleted
خطوات استرجاع الصور من كارت الميموري
- بلاش تسجّل أي ملفات أو تلتقط صور أو فيديوهات جديدة عليه لأنك ممكن تضيع فرصة استرجاع الصور أو الفيديوهات المحذوفة لو سجّلت عليها محتوى جديد
- بعض البرامج بتزود فرص استرجاعك لبعض البيانات زي برنامج Disk Drill سواء على الويندوز أو الماك
- برنامج (Recuva) لنظام الويندوز أحيانًا بيواجه بعض المستخدمين مشاكل بعد تثبيته على الجهاز ولكن خليك دايس على Shift لما تعمل Restart/ إعادة تشغيل للكمبيوتر
- اختار اكتشاف الأخطاء وإصلاحها/ Troubleshoot وبعدها خيارات متقدمة/ Advanced Options
- اختار إعدادات بدء التشغيل/ Startup Settings واضغط على إعادة التشغيل في الوضع الآمن مع الشبكة/ restart into Safe Mode with Networking
- بعد تفعيل البرنامج اختار جميع الملفات/ All Files from All Drives واحتفظ بأي بيانات تلاقيها على الجهاز مش على الكارت
- اعمل مسح عميق/ Deep Scan عشان تزوّد فرص العثور على أي بيانات
- برنامج LazeSoft Mac Data Recovery للماك من البرامج السريعة في استرجاع الصور المفقودة
- اختار بين المسح السريع/ Fast Scan وبين المسح العميق/ Deep Scan اللي بياخد وقت أطول
