المحتويات
غسالة اطباق وفيها إمكانيات تساعد على غسل كمية كبيرة من الصحون في وقت محدود هي الهدف الرئيسي من شرائها، ولكن لازم لأي شخص ناوي يشتريها يفحصها كويس ويفهم معايير اختيار غسالة أطباق جيدة الصنع وطرق تنضيفها.
الاستعدادات قبل شراء غسالة اطباق
- لازم تحدد المكان اللي هتحط الغسالة فيه وحجمها اللي بيقرر السعة اللي تتحملها من الأطباق أو الأدوات اللي بتغسلها
- اعرف إذا كان عندك مكان مناسب لتركيب غسالة الأطباق فيه ويكوّن قريب من ماسورة مياه ولا لأ
- بتتراوح سعة الغسالة بين 4 لـ 15 طقم (الطقم بيساوي 10 قطع)
- يعني لو هتشتري غسالة بتساع 10 أطقم ده معناه إنها تقدر تغسل 100 قطعة في وقت واحد
- وتقدر تحدد استهلاكك بناء على عدد أفراد الأسرة في البيت أو عن طريق الاستهلاك اليومي سواء كان قليل بسبب عدم قضاء مدة طويلة في البيت أو كبير نتيجة بقاء أغلب أفراد الأسرة في البيت خلال ساعات النهار
- اعرف إن وجود طفل في البيت بيزوّد استهلاك الصحون بنسبة كبيرة في البيت وبالتالي هتحتاج غسالة صحون سعتها أكبر
كيفية اختيار غسالة اطباق جيدة
- ضروري تتأكد إنها بتحتوي على البرامج الأساسية للغسل واللي بتتنوع من 3 لـ 11 برنامج
- وبالتالي مهم تتأكد إنها بتحتوي على الخواص اللي محتاجها زي الغسل لدرجة حرارة مرتفعة جدًا أو الغسيل الذكي وغيرها من البرامج
- ضروري تختار الغسالة اللي بتحتوي على خاصية الشطف السريع بدون منظف لأنك هتحتاجها لو تركت الأطباق بدون تنضيف ليوم أو أكتر
- راجع آراء المستخدمين في الغسالة سواء عن طريق الإنترنت أو حتى عن طريق سؤال المقرّبين منّك عن نوع غسالة الأطباق اللي بيستخدموها
- اشتري من محل مضمون وموثوق فيه وبيقدم فترة ضمان جيّدة
- الأحسن تختار غسّالة بتحتوي على أرفف متحركة للتحكم في ارتفاعها
- أغلب الغسالات الجديدة بتحتوي على خاصية التجفيف التلقائي بعد الانتهاء من الغسل مباشرة
طريقة تنضيف غسالة الأطباق
- خلي الغسالة فاضية من أي أطباق أو معالق واسحب الحاملات والأرفف عشان تغسلهم
- املا وعاء كبير أو حوض المطبخ بالمياه وضيف عليها كوبايتين خل وكوباية عصير ليمون
- انقع الأجزاء الصغيرة في المياه وبلل قطعة إسفنج صغيرة ومررها على أجزاء الأرفف الكبيرة
- هات قطعة قماش نضيفة ومررها على الأجزاء الداخلية للغسالة عشان تشيل أي بواقي للطعام
- استخدم خِل الأسنان في إزالة أي بقايا طعام صغيرة موجودة على أماكن دقيقة زي الثقوب مصدر المياه في الغسالة
- مرر قطعة قماشة عليها خل أو مياه بصابون على حواف الباب وادعكها بفرشة أسنان قديمة
- بلاش تستخدم الكلور أو أي مادة كيميائية لإزالة البقع غير الصابون المخصص ليها
- رش بيكنج صودا في قاع الغسالة عشان تمتص أي روايح كريهة وركّب الأرفف تاني بعد تنضيفها واملا كوباية خل وحطها في الرف العلوي للغسالة
- اظبط الغسالة على دورة غسيل درجة حرارتها عالية ووقّف الغسالة أثناء دورة الغسيل (بعد مرور 10 دقايق) وافتح بابها
- سيب الخل لمدة 20 دقيقة لأنه هيساعد في إزالة أي أوساخ أو شوائب وكمّل دورة الغسالة وبعدها جففها كويس من الداخل بقطعة قماش
- الأحسن تغسلها كل شهر لمنع تراكم أي بواقي أكل أو فطريات وللحفاظ على عمرها الافتراضي
غسيل أشياء مختلفة في غسالة الأطباق
- حاجات كتير تقدر تنضفها في غسالة الأطباق غير الأطباق والشوك والمعالق والكوبايات زي:
- جوانتي الفرن المصنوع من السيليكون
- إسفنج التنضيف
- أرفف التلاجة
- قطع الديكور الصغيرة زي الزهريات وملحقات المكتب وأواني الخزف أو الزجاج
- إكسسوارات الحمام زي علبة الصابون السايل ومسند الصابون وعلبة فرش الأسنان
- أدوات العناية الشخصية زي المقص والقصافة ومبرد الأظافر والمشط وفرشة الشعر والملقاط
- لعب الأطفال المصنوعة من المطاط أو البلاستيك
- شبكة الشوي
- إكسسوارات السيارة زي حصير الأرضية المطاطي وحامل الأكواب
الاستخدام الصحيح لغسالة الأطباق
- اتخلص من بواقي الأكل على الأطباق قبل التشغيل لتجنب أي عفونة
- لو هتغسل أطباق وجبة واحدة.. شغل دورة الغسيل القصيرة بدل الكاملة
- تجنب تكديس الأطباق لأنه مش بيضمن وصول المياه لكل طبق
- حط الأطباق الكبيرة في جنب الرف السفلي أو الجزء الخلفي لأنها ممكن تعيق وصول المنظف لباقي الأطباق
- أقراص المسحوق مهم تتحط في مكان المنظف مش مع الأطباق زي غسالة الهدوم
- نضف الغسالة كل فترة.. بتشغيل دورة فاضية مع كوباية بيكربونات صوديوم وخل
- تجنب غسل الأدوات الخشب والحديد الزهر والنحاس فيها
- الجزء الأعلى من السكاكين الأفضل يكون لتحت والشوك لفوق واخلطهم بين المعالق
