علامة مائية مميزة على الملف الخاص سواء على الوورد أو الباوربوينت من الضروريات أحيانًا لو عايز تحوّل ملفك لصيغة PDF عشان تثبت ملكيتك للملف ده، أو أحيانًا بتبقى جزء من هويتك الشخصية أو المؤسسة اللي بتنتمي إليها ولكن أحيانًا بتحتاج تحمّل ملف بيحتوي على نص مغطى عليه بعلامة قوية مش بتقدر تميز منها محتوى الكلام المكتوب.
طريقة إضافتها على الوورد والباوربوينت
للباوربوينت
- افتح ملف الـ Powerpoint واختار طريقة عرض/ View ودوس منها الشريحة الرئيسية/ Slide Master
- مرر لحد أول شريحة في الصورة واختارها وافتح إدراج/ Insert واختار منها مربع نص/ Text Box
- خليك دايس على الفارة/ Mouse عشان ترسم مربع واكتب الكلمة أو الجملة اللي عايز تحوّلهم لعلامة مائية في المربع ده
- دوس على السهم المستدير فوق المربع عشان تلف الكلمة في الإتجاه المطلوب وقتها تقدر تختار الكلمة أو الجملة عشان تغيّر اللون أو الشكل أو شكل الكتابة
- اقفل الشريحة الرئيسية/Slide Master وبعدها هتلاقي العلامة المائية موجودة في كل الشرايح
للوورد
- ادخل على تصميم/ Design وافتح علامة مائية /Watermark واختار منها Custom WaterMark
- اختار صورة Picture Watermark واختار الصورة اللي عايزها من جهازك واضغط على موافق/ Ok
طريقة إزالتها من ملف PDF
- حمل تطبيق PDFelement وبعدها اختار Open files/ إضافة ملف وبعد فتح الملف حدد Watermarks واختار Remove Watermark وبعدها اختار Ok/ موافق
