كيتولاك: دواعي استعماله وأعراضه الجانبية والبدايل

كيتولاك عبارة عن دواء مسكن ومضاد للالتهاب غير استيرويدي، وبيستخدم لتقليل آلام المفاصل والعضلات وخفض درجات الحرارة والصداع والالتهابات 

ما هو كيتولاك؟

بيحتوي على مادة كيتورولاك المضادة للالتهاب والمسكنة للآلام وخفض الحرارة ولتقليل الاحمرار والالتهاب

الشكل الدوائي

• أقراص بتركيز 10 مجم
• أمبولات بتركيز 30 مجم

دواعي الاستعمال

• بيساعد في تخفيف آلام العظام والمفاصل
• بيقلل آلام الدورة الشهرية
• آلام الجسم الشديدة 
• لتسكين آلام الأسنان والتهابات اللثة 
• بيقلل ألم الصداع والشعور بالالتهابات 

الجرعة وطريقة التناول 

الكبسولات

•  الجرعة الموصى بيها هي 10 مجم كجرعة مبدئية وبعدها جرعة ما بين 10-30 مجم كل 4-6 ساعات حسب الحالة 
• ممكن الجرعة تكون كل ساعتين في حالات آلام ما بعد الجراحة
• يجب عدم تجاوز الجرعة الكلية اليومية عن 90 مجم في حالة المرضى غير كبار السن، والجرعة اليومية أقصاها 60 مجم يوميا في حالة كبار السن، والمرضى المصابين بفشل كلوي ولا تتجاوز مدة العلاج يومين

الحقن

• بيتم حقنها عن طريق العضل أو الوريد
• عدم الانتظام عليها لأكتر من يومين لتجنب ظهور أعراض جانبية شديدة 
• 30 مجم كل 6 ساعات (حقنة واحدة) أو 60 مجم (حقنتين) كحد أقصى يوميا

طريقة التناول

• يفضل تناوله أثناء أو بعد تناول الطعام 
• ينصح باستخدام كيتولاك للعلاج قصير المدى (لحد 7 أيام) ولا ينصح باستخدامه لعلاج الحالات المزمنة
• لم يثبت فاعليته وأمانه للأطفال وبالتالي لا ينصح بتناوله لو أقل من 16 سنة

الأعراض الجانبية لكيتولاك

بيتسبب كيتولاك في بعض الآثار الجانبية زي باقي الأدوية واللي بتختلف حدتها من حالة للتانية، ولا يصاب بيها جميع الأشخاص ولكنه مصحوب بنسبة بسيطة بخطر الإصابة بالسكتة الدماغية أو النوبات القلبية

توقف عن تناول كيتولاك واستشير دكتور فورا في حالة ظهور أي من الأعراض دي:

• نزيف المعدة واللي بيظهر في القيء
• نزيف الشرج وبيظهر في صورة براز أسود أو لزج
• قرح أو ثقوب المعدة مع آلام البطن وأعراض الحمى
• ظهور مشاكل في البنكرياس وبتظهر في صورة ألم المعدة الممتد للضهر
• سوء حالة التهاب القولون التقرحي في حالة الإصابة بيه وبيظهر في صورة ألم وإسهال وفقدان الوزن
• ردود أفعال تحسسية زي (انتفاخ مفاجئ في الوجه والحلق والقدمين والإيدين أو صعوبة التنفس أو الشعور بالحكة وظهور طفح جلدي)
• طفح جلدي شديد يصاحبه تقشر الجلد والحمى والصداع والحكة وألم الجسم
• نوبات قلبية وتشمل ألم الصدر اللي ممكن يوصل للرقبة والأكتاف وأسفل الدراع 
• سكتة دماغية
• ضعف وتنميل العضلات وممكن يحصل في جانب واحد من الجسم 
• تغير مفاجيء في حاسة التذوق أو الشم أو السمع أو الرؤية أو حدوث ارتباك
• التهاب سحائي وأعراضه تشمل الحمى والإعياء وتيبس الرقبة والصداع والحساسية للضوء والارتباك
• اصفرار الجلد أو بياض العيون
• الشعور بالتعب وفقدان الشهية والإعياء ومشاكل صحية تتضمن الالتهاب الكبدي وبراز شاحب اللون
• مشاكل التبول زي الشعور بالرغبة فيه وامتلاء المثانة وبعدين مواجهة صعوبة في التبول 

الآثار الجانبية الأقل خطورة

• حرقان المعدة وسوء الهضم والإمساك أو الإسهال
• مشاكل الدم زي زيادة نسبة البوتاسيوم ونقص الصوديوم أو الأنيميا
• صعوبة النوم 
• الشعور بالقلق أو العصبية والاكتئاب أو النشوة
• الهلاوس وخلل الرؤية والسمع 
• الصداع والشعور بالنعاس والدوخة وعدم الاتزان 
• خلل في التركيز والذاكرة
• تنميل الإيد والقدم
• خلل في السمع 
• تورم الإيد أو القدم وممكن يصاحبه ألم الصدر والإعياء وقصر التنفس
• خفقان وبطء ضربات القلب وارتفاع ضغط الدم
• خلل في ضخ الدم من القلب لباقي أجزاء الجسم مع الإعياء وقصر التنفس والإغماء
• الحكة والتعرق وشحوب الجلد
• الحساسية للضوء والطفح الجلدي 
• ألم الجنبين
• زيادة عدد مرات التبول

 الأعراض الأقل في الخطورة

• ألم موضع الحقن
• الشعور بالعطش وجفاف الفم
• التعب المستمر وزيادة الوزن
• تقلصات العضلات أو ضعفها 
• التهاب الفم

الحمل والإرضاع مع تناول كيتولاك

ممكن يسبب صعوبة في حدوث حمل 

تجنبي تناول كيتولاك أثناء الحمل وعند الولادة وأثناء الرضاعة 

موانع استخدام كيتولاك

• لو الشخص المصاب أقل من 16 سنة 
• في حالة الإصابة بمشاكل المعدة زي القرحة
• المعاناة من مشاكل الكبد أو الكلى أو القلب
• التعرض لمشكلة نزيف المخ قبل كده
• المعاناة من مشكلة ممكن تسبب النزيف بسهولة
• لو كنت بتتناول أي أدوية لمنع التجلط
• الإصابة بالربو أو الحساسية
• المعاناة من انخفاض حجم الدم
• لو كنت مصاب قبل كده بسليلات أنفية
• في حالة تناول أي أدوية تانية مضادة للالتهاب غير ستيرويدية زي الايبوبروفين 
• لو كنت بتتناول الأكسبنتيفيللين (علاج للدورة الدموية) أو البروبينيسيد (علاج للنقرس) أو الليثيوم (علاج لمشاكل الصحة العقلية)
• لو كنتي حامل أو بتخططي ليه أو بعد الولادة أو أثناء الرضاعة
• قبل إجراء عملية جراحية

تحذيرات الاستخدام 

• لازم تستشير الدكتور المتخصص لو بتعاني من أمراض القلب أو سكتة دماغية سابقة أو معرض لخطر ارتفاع ضغط الدم أو داء السكري أو ارتفاع نسبة الكوليسترول أو لو مدخن
• المرضى كبار السن أكتر عرضة للمشاكل 
• وجود مشاكل في الكلى أو الكبد
• ارتفاع ضغط الدم
• مشاكل الأوعية الدموية (الشرايين) في أي مكان بالجسم 
• ارتفاع نسبة الدهون في الدم
• الإصابة بحالات المناعة زي الذئبة الحمامية واللي بتسبب الحمى والطفح الجلدي وآلام المفاصل
• التهاب القولون

التفاعل مع أدوية تانية

لازم تقول للدكتور المتخصص عن الأدوية المنتظم عليها زي الفيتامينات والأدوية بدون وصفة طبية والأعشاب والمسكنات،ةلتجنب تفاعل كيتولاك مع باقي الأدوية وظهور ردود أفعال سلبية زي أدوية:

• مضادات الالتهاب غير الستيرويدية زي الاسبرين والايبوبروفين
•  الأدوية اللي بتوقف تجلط الدم
• البروبنيسيد 
• البنتوكسيفيلين 
• أدوية علاج ضغط الدم
• الأكسبنتيفيللين
• الليثيوم
• الأقراص المدرة للبول 
• أدوية القلب اللي فيها مادة الجليكوسيد
• الأدوية الستيرويدية لعلاج التورم والالتهابات زي الديكساميثازون 
• المضادات الحيوية اللي فيها مادة الكينولون
• الميثوتريكسات لعلاج مشاكل الجلد والتهاب المفاصل
• السيكلوسبورين لعلاج مشاكل الجلد 

بدايل كيتولاك

• أدولور
• كيتورولين
• دولومين
• الجيكاي