كويز: جاوب على الأسئلة واعرف لو عندك وسواس قهري ولا لأ

#1. بتغسل إيدك على مدار اليوم..

بدون داعي حتى لو ممسكتش حاجة بإيدك

لما تمسك حاجة ملوثة

مرتين في اليوم

مريض الوسواس القهري بيخاف من التلوث والجراثيم زيادة عن اللزوم وبدون داعي حتى لو قاعد لوحده في البيت

#2. قبل النوم بتفكر طول الليل..

في خططك لليوم اللي بعده

في أكتر وضعية نوم مريحة لضهرك

لو باب الشقة مفتوح ولا مقفول وبتقوم تطمّن أكتر من مرة إنه مغلق بإحكام

بتتكرر وساوس عند المريض مرتبطة باقتراب الخطر عليه بسبب باب مفتوح نسي يقفله

#3. لو عندك حاجات كتير قديمة..

بتتخلص منها بسهولة

صعب عليك تتخلص من أي حاجة منها حتى لو عديمة الفايدة

بتشوف المفيد عشان تحتفظ بيه وترمي الباقي

#4. لو لاقيت أي حاجة مش مترتبة..

بتضايق لو مش منظمة بنفس الشكل اللي في دماغك وبترتبها فورًا

بتهمل الموضوع ومش بتركز فيه

بترتبها في وقت فراغك

مش بيقدر مريض الوسواس القهري يتجاهل أي إهمال في البيئة المحيطة، وبيفضل متوتر وخايف طول ما المكان اللي حواليه مش مترتب بالطريقة اللي يحبها ويرتاح فيها

#5. لو حصل حوار بينك وبين أي حد مهما كان حوار عابر..

بتحلل شخصية اللي قدامك عشان تفهمه صح

بتنسى الحوار لحظة انتهائه

بتفكر في التفاصيل زيادة عن اللزوم وبتخاف لو الشخص زعلان منك

بيحس مريض الوسواس القهري بالذنب من أقل كلمة قالها، وبيفكر في مشاعر الآخرين، وبيزيد معاه جلد الذات لو افتكر إنه ممكن يكون جرح مشاعر الآخر بأي كلمة ولو بسيطة

#6. وقت غسل الأواني..

مدته زيادة عن اللزوم

بينتهي لما بتتأكد من نضافتها

بتبذل مجهود كبير عشان تتخلص من أي طاقة سلبية

خوف مريض الوسواس القهري من الجراثيم بيوصل بيه إنه يغسل الأواني أو أي شيء بيمسكه باستمرار بدون توقّف

#7. لو ماشي في مول أو محل..

بتتفرج على الملابس في المحلات

بتركز على هدفك المحدد من التسوق

بتعد البلاط وبتحاول تمشي بعدد خطوات معينة

بيحس مريض الوسواس القهري بالذنب لو مشي بشكل طبيعي بدون عدّ البلاطات أو عدد الخطوات اللي مشيها في المول

#8. لو متضايق من شخص معين..

بتتجنب التعامل معاه

بتتخيل إنك بتأذيه جسديًا وبتشتمه

بتواجهه بالحقيقة

مريض الوسواس القهري بيتخيل الأشخاص اللي بيحبهم في صورة سيئة سواء في صور جنسية أو بيرسم سيناريو في خياله بينتصر عليهم فيه سواء بالإيذاء الجسدي بالضرب أو حتى الاغتصاب