المحتويات
كومتركس دواء مناسب لعلاج نزلات البرد والزكام اللي بيصاحبه أعراض زي الرشح والعطس واحتقان الأنف والحاجة للراحة وضرورة شرب السوايل الدافية، وهنقدملك أهم المعلومات المتعلقة بيه.
ما هو كومتركس؟
هو دواء للبرد سريع المفعول وكل قرص مكون من مواد:
- أسيتامينوفين (باراسيتامول) بتركيز 500 مجم وهي مادة لتسكين الألم وتخفيض الحرارة ولا تسبب مشاكل المعدة زي باقي المسكنات
- سودوافيدرين هيدروكلوريد بتركيز 30 مجم وهي مادة مضادة للاحتقان لأنها بتضيق الأوعية الدموية
- برومفينيرامين ماليات بتركيز 2 مجم وهو مضادة لمادة الهستامين (الهستامين هو مادة يفرزها الجسم بتسبب ظهور أعراض الزكام زي الكحة والرشح والعطس ودموع العين)
الشكل الدوائي
أقراص حمراء
دواعي استعمال كومتركس Comtrex
- يخفف الأعراض المصاحبة للبرد زي الألم والصداع والحمى واحتقان الجيوب الأنفية والتهاب الحلق واحتقان الأنف والعطس
- ليه دور في تسكين الألم وتقليل الصداع
- بيخفف الأعراض الناتجة عن احتقان الجيوب الأنفية زي العطس والصداع
الجرعة وطريقة الاستعمال
- مناسب للبالغين والأطفال من 12 سنة بجرعة 2 قرص مع كوب مياه كل 6 ساعات في حالة استمرار الأعراض
- لا تتجاوز الجرعة اليومية عن 8 أقراص (خلال 24 ساعة)
- لا يستخدم للأطفال أقل من 12 سنة
- تجنب الاستمرار عليه أكتر من 7 أيام متواصلة
الأعراض الجانبية
- قد يسبب عصبية زايدة خاصة عند الأطفال
- الميل للنعاس وبالتالي خلي بالك في حالة القيادة أو العمل
- عدم وضوح الرؤية
- الإمساك
- الشعور بالغثيان
- جفاف الفم أو الحلق
- الدوخة
- اضطرابات المعدة
- في حالة استمرار أو تكرار الأعراض دي.. استشير دكتور متخصص
كومتركس والحمل والإرضاع
لازم تستشيري دكتور قبل تناول دواء كومتركس لأن بعض مكوناته لم يثبت علميا آمانها في حالة الحمل
موانع الاستخدام
- في حالة الحساسية لأي مكون من مكونات الدواء
- استشير دكتور لو بتعاني من مشاكل تنفسية أو التهاب شعبي مزمن أو مرض القلب أو داء السكري
- تجنبه في حالة الإصابة بارتفاع ضغط الدم لأنه بيسبب ارتفاعه
- لو بتواجه صعوبة التبول في حالة تضخم البروستاتا
- لو منتظم على تناول المهدئات
- لا يستخدم في حالة تناول أدوية مثبطات الأوكسيديز (أدوية لعلاج الاكتئاب أو مرض باركنسون)
تحذيرات استخدام كوتركس
- لو التهاب الحلق شديد واستمر لأكتر من يومين مع استمرار أعراض الحمى أو الغثيان أو الصداع لازم تستشير دكتور
- في حالة عدم التحسن بعد الاستمرار عليه لمدة 7 أيام لازم تستشير دكتور
- لو حصل صداع أو بثور أو غثيان أو قيء توقف عن تناوله واستشير دكتور فورا
- استشير دكتور قبل تناوله في حالة المعاناة من مشكلة تنفسية زي تمدد الرئة أو مرض بالغدة الدرقية أو اضطرابات الكبد
- قد يسبب لبعض الحالات ضعف الانتصاب بسبب مادة سودوافدرين
- تجنب المشروبات الكحولية أثناء تناول كوتمركس
التفاعلات مع أدوية تانية
- تجنبه في حالة الانتظام على دواء فيه مثبط مونوامين أوكسيديز (مخصص لعلاج الاكتئاب أو مرض باركنسون) أو لمدة أسبوعين بعد التوقف عن استعماله
- لو منتظم على أدوية فيها مركب الأسيتامينوفين لأن الكمية الزايدة منه بتسبب مشاكل في الكبد
بدايل كومتركس
Panadol Cold&Flu
FlutabCetal Cold&Flu
سعر كومتركس
30 جنية (كل علبة فيها 2 شريط فيه 10 أقراص حمراء مغلفة)
