المحتويات
كريم اكرتين من أكتر الكريمات الطبية المستخدمة في علاج حب الشباب، ومعروف بفعاليته العالية، لكن مهم تكون عارف طريقة استخدامه الصحيحة، عشان توصل لأفضل نتايج، لأنه بيعمل على إزالة الخلايا الميتة المتراكمة على سطح الجلد وتقشيرها وتحفيز نمو خلايا جديدة.
التركيب الدوائي لكريم اكرتين
- بيحتوي على المادة الفعالة تريتينوين، وهي من مشتقات فيتامين A، ولها خصائص علاجية لحب الشباب، عن طريق تجفيفه وإزالة الآثار الناتجة عنه
- بيتوافر بتركيزين %0.025، 0.05%، وبيحدد الدكتور التركيز المناسب للاستخدام حسب شدة وعمق طبقات البشرة المتضررة، وكمان بيتوافر في شكل جل أو كريم
دواعي استعمال كريم اكرتين
- علاج حب الشباب
- إزالة آثار ندبات حب الشباب
- إزالة البقع وتوحيد لون البشرة وعلاج المناطق المتصبغة عن طريق تقشير طبقات البشرة
- التخلص من التجاعيد الخفيفة وعلامات تقدم العمر
- علاج المسام الواسعة، وتنعيم البشرة
- إزالة خشونة البشرة في منطقة الركب والأكواع وكعب القدم
- علاج علامات تمدد الجلد الحمراء والخطوط البيضاء
موانع الاستعمال
- الحساسية لمادة التريتنوين
- الإصابة بحروق الشمس
- الحمل والرضاعة
- مع البشرة الجافة لأنه بيقلل نسبة الدهون في الجلد وبيزود جفافها
- حول منطقة الفم والأنف وحول العين
- مرضى الإكزيما
- أثناء استخدام أي أدوية تانية لعلاج حب الشباب أو مكملات غذائية بتحتوي على فيتامين A
كيفية استخدام كريم اكرتين للتقشير
- قبل وضعه.. مهم تكون البشرة نضيفة تماما وجافة
- بيستخدم مرة واحدة بليل، على المناطق المصابة بس
- تجنب استخدامه والخروج في الشمس
- في أول أسبوعين.. بيستخدم الكريم على المناطق المصابة لمدة نص ساعة يوم بعد يوم، وبعدها بتغسله وتدهن كريم طبي مرطب على المنطقة المصابة لتهدئة آثاره وتسريع عملية التقشير
- في الأسبوعين التاليين.. بتستخدم الكريم يومياً لمدة من نص ساعة لساعة، وتغسله وتدهن كريم مرطب
طريقة استخدامه لعلاج حب الشباب
- اتأكد إن البشرة نضيفة وجافة وخالية من بقايا الميكاب
- في الأسبوع الأول والتاني.. بنحط كمية بحجم حبة البسلة، وتدلك بها الحبوب بطريقة دائرية
- استنى نص ساعة واشطفه كويس بمياه فاترة
- بتكرر الخطوات كل 3 مرات في الأسبوع قبل النوم
- بعد أول أسبوعين، يتم استخدام الكريم مرة واحدة يوميا، وبتسيبه من 30 لـ60 دقيقة
- استخدم كريم مرطب طبي للوقاية من جفاف الجلد بعده
- تجنب استخدامه حول العين والأنف والمناطق الحساسة
آثار كريم اكرتين الجانبية
- احمرار خفيف في البشرة
- تقشر خفيف في البشرة
- الحكة ألم في موضع استخدامه
- الصداع
- في بعض الحالات بيظهر طفح جلدي
سعره
- تركيز 0.5 بـ10 جنيه
- تركيز 0.25 بـ9 جنيه
