المحتويات
كردون بلو أكلة لذيذة وشهية ومن الوصفات اللي بيحبها الكبار والأطفال، خاصة عشاق الفراخ البانيه، وبيرجع أصلها للمطبخ السويسري، وهي عبارة عن رول محشي بالجبنة والتركي المدخن، لكن كتير من المطابخ العالمية زودت بصمتها على الوصفة الأصلية زي استبدال الفراخ باللحمة أو إضافة صوص أو كريمة.
كردون بلو بالطريقة الأصلية
المكونات
- كيلو صدور فراخ
- ربع كيلو تركي مدخن (ممكن تستبدله بلنشون فراخ)
- ربع كيلو جبنه شيدر شرايح
- معلقتين كبار توابل (توم بودرة/ بصل بودرة/ كمون/ بابريكا)
- ملح وفلفل أسود
- بيضتين
- كوباية دقيق
- 3 ملاعق لبن
- كوباية بقسماط
الطريقة
- استخدام مدق اللحوم.. دق صدور الفراخ لحد ما تبقى شرايح رفيعة
- اخلط كل التوابل وتبل صدور الفراخ
- افرد شريحة فراخ وافرد عليها شريحة تركي أو لنشون وجبنة شيدر ولفها رول
- لف كل رول فراخ بكيس أو استريتش ودخلها الفريزر لمدة ساعة
- اخفق البيضتين واللبن وتبل الفلفل الأسود
- حط رول الفراخ في الدقيق وبعد كدة في البيض والبقسماط ودخلها الفريزر لمدة ربع ساعة
- حمر الفراخ في زيت غزير وقطعها شرايح وقدمها مع سوتيه وبطاطس محمرة
كردون بلو بالكريمة
المكونات
- 6 صدور فراخ مخلية
- 6 شرائح من جبنة سويسرية أو شيدر
- معلقة صغيرة بابريكا
- 6 قطع سلامي
- 3 ملاعق من الدقيق
- 6 ملاعق كبار زبدة
- نص كوباية خل تفاح
- مكعب مرقة فراخ
- كوباية كريمة
- ملح وفلفل أسود
الطريقة
- استخدام مدق اللحوم.. دق صدور الفراخ لحد ما تبقى شرايح رفيعة
- افرد كل شريحة فراخ وعليها شريحة جبن وقطعة أو 2 سلامي ولفها رول واقفلها بخلة أسنان
- دخل الفراخ التلاجة لمدة ساعة
- اخلط الدقيق مع البابريكا، واغمس كل رول في الخليط
- سيح الزبدة واقلي فيها الفراخ لحد ما يبقى لونها دهبي
- ضيف الخل والمياه وافرك مكعب المرقة
- غطي الحلة أو الطاسة وسيب الفراخ لمدة 25 دقيقة
- ارفع الفراخ من على النار ووزع عليها الكريمة
كردون بلو باللحمة
المكونات
- نص كيلو بفتيك شرايح غير سميكة
- شرايح تركي مدخن وشيدر بنفس عدد شرايح اللحمة
- معلقة صغيرة مستردة
- 3 معالق كبار بشاميل خفيف
- ملح وفلفل أسود
- معلقة كبيرة زبدة
الطريقة
- تبل شرايح البفتيك بالملح والفلفل الأسود
- افرد شرايح التركي والجبنة وممكن تضيف شرايح مشروم على كل شريحة بفتيك
- لف كل شريحة واقفلها بخلة الأسنان
- سخن طاسة، وسيح الزبدة وشوح قطع البفتيك لحد ما يبقى لونها بني
- ارفع قطع الكردون بلو.. وضيف البشاميل والمستردة وقلب كويس
- وزع الصوص على قطع الكردون بلو
