المحتويات
كابينة الشاور انتشرت في الفترة الأخيرة كموضة جديدة لديكور الحمام، ومع وجود تصميمات وأحجام مش هتواجهك مشكلة في الاختيار، لكن مهم تكون عارف مساحة حمامك، واحتياجاتك وطرق استخدامك، فلو الحمام العائلي مزدحم، مهم تختار خامة متينة وتستحمل الصدمات أكتر من اختيار الشكل والاستايل، هنقولك على نصايح تسهل عليك الاختيار.
مميزات كابينة الشاور
- تجنب العفن الفطري والجراثيم اللي بتسبب مشاكل صحية كتيرة، بسبب إن زجاج الكابينة غير مسامي وبيئة غير مناسبة لنمو الميكروبات عكس الستاير، وكمان سهل التنظيف
- بتساعد في استخدام كمية أقل من المياه عكس البانيو
- سهلة التعامل مع الأشخاص اللي بيعانوا صعوبة في الحركة زي كبار السن ومرضى المفاصل
- تجنب الانزلاق لأن فيها إكسسوارات معدنية تسمح بالإمساك بها
- مناسبة للحمامات الصغيرة لأنها بتوفر مساحة أكتر من البانيو العادي
- تجنب الحمام المبلل بسبب تبعثر المياه في الأرضية بعد الاستحمام
عيوب كابينة الشاور
- الزجاج بيحتاج لتنظيف بشكل مستمر
- الصيانة بشكل دوري
- الكباين بتصميم ممتد للسقف.. مش بتسمح بالتهوية الكافية وبتحتفظ ببخار المياه لفترة طويلة وده بيسبب مخاطر زي الاختناق وانخفاض ضغط الدم
نصايح لاختيار أفضل كابينة شاور
- قيم احتياجاتك زي مساحة الاستحمام وأدواتك/ وجود أطفال أو كبار سن/ الميزانية/ مساحة حمامك
- حدد المساحة.. تعتبر أهم خطوة ومهم تراعي مساحة الفراغ حول منطقة الدش عشان تضمن استحمام مريح وفي نفس الوقت ماتأثرش على مساحة الحمام نفسه
- اختيار الخامات زي الزجاج أو الأكريليك.. وده بيعتمد على استخداماتك واحتياجاتك من الدش ومساحة الاستحمام
- مهم تختار خامة كابينة سهلة التنظيف والاستخدام.. لو عندك أطفال الأفضل تختار الأكليرك لأنه مش سهل الكسر أو الخدش
- الأبواب الجرارة أكتر تصميم منتشر وعملي لأنه بيحافظ على المساحة وسهلة الاستخدام
- بعض التصميمات تم إضافة عليها الألومنيوم ويعتبر اختيار مثالي لأنه له خصائص بتتحمل الرطوبة والحرارة جوه الحمام
أفكار وأشكال ممكن تساعدك
