المحتويات
قص الشعر وحلاقة الدقن من المهارات الأساسية اللي لازم كل شخص يتعلمها، ومهم يعرف يعتمد على نفسه فيها وقت غياب الحلاق أو الاضطرار لقص الشعر وحلاقة الدقن بنفسه لأي ظروف طارئة، عشان كده مهم تعرف خطواتهم بطريقة سهلة وسريعة.
طريقة قص الشعر بأمان
- اغسل شعرك كويس وسرحه عشان مهم يبقى مبلول قبل الحلاقة
- اقعد قدام مراية وغطي كتفك بقماشة لأنك هتحتاج مراية تانية لضهرك
- افرق شعرك من الجنبين ولو طويل أوي امسك الجزء العلوي ببنسة أو مشط المسافة بين أسنانه ضيقة
- استخدم ماكينة الحلاقة على سرعة 1 أو 2 لحلاقة كل جنب لوحده
- احلق باتجاه من تحت لفوق وامشي مع انحناءات شعرك وراسك
- في ماكينات معاها القطع المخصصة لحلاقة الأجزاء خلف الأذن بسهولة
- بعد ما تخلص الجنبين احلق الجزء الخلفي من تحت لفوق ولازم تستخدم مراية عشان تقدر تحلق بنفس الطول
- امشي على الجنبين والجزء الخلفي بالماكينة تاني بطول أقصر من الأول عشان توحد طول الشعر
- استخدم مقص حاد عشان تقص الجزء اللي فوق من شعرك
- شد خصلة من شعرك بالمشط وامسكها بين صوابعك وابدأ بقص الجزء اللي إنت عايزه
- لما تقص خصلة جديدة خلي معاها جزء من اللي قصيته عشان تحدد نفس الطول
- -لما تخلص قص الشعر شدّه تاني عشان تتأكد إنه نفس الطول ولو في زيادة قصها
- لو عايز السوالف طويلة فنهايتها تبقى مع نهاية الأذن ولو قصيرة ساويها مع انحدار عضمة الخد وساوي خط الرقبة من الخلف
- اغسل شعرك كويس وحط كريم وساوي أي تفاوت في الطول
طريقة اختيار الماكينة الكهربائية
- حدد ميزانية مناسبة ليها وقارن بين أسعار الأنواع المختلفة
- اختار بين الأنواع السلكية أو اللاسلكية حسب طبيعة استخدامك
- الأنواع السلكية أقوى ولكن بتحتاج مصدر كهرباء قريّب عكس اللاسلكية اللي هتحتاج تشحن بطاريتها
- اعرف جودة البطارية في الماكينات اللاسلكية واختار الأعلى جودة منهم
- اختار ماكينة فيها أكتر من مشط عشان تتيح لك استخدامها لحلاقة الشعر
- اتفرج على فيديوهات بتشرح كيفية استخدام كل نوع عشان تختار الأسهل بالنسبة لك
- فرّق بينهم حسب مدة الضمان وتوفّر خدمات ما بعد البيع واتأكد إنها مصنوعة من الفولاذ المقاوم للصدأ ( stainless steel) وعليها طبقة مطاط
- اسأل عن أسعار قطع الغيار الخاصة بيها وعن مدى انتشارها واعرف آراء المستخدمين السابقين على مواقع البيع أونلاين أو على صفحات الشركة على مواقع التواصل
حلاقة الدقن بطريقة سهلة
- لو سنك من 16 لـ19 سنة ابعد عن الموس
- الحلاقة بالموس في السن ده بتتقل الدقن زيادة وبتسبب التهابات للبشرة لأن الشعر في البداية بيبقى قليل
- الأحسن تحلقها بالماكينة الكهربائية عند الحلاق مرة كل شهر
- لو هتستخدمها بنفسك يبقى احلق في اتجاه واحد بس وماتطلعش بيها فوق الدقن عشان الشعر مايظهرش بكثافة في كل الوجه
- ماكينة الحلاقة أساسية لو عندك حب شباب
- ابدأ احلق شنبك بداية من سن 19 سنة وقبل ما تحلق اغسل وشك بمياه دافية وصابون ونشفه كويس
- المياه الدافية هتفتح المسام وهتنعم شعر اللحية
- هتشيل الجلد الميت وأي زيوت وهتساعدك تحلق بسهولة
- استخدم كريم الحلاقة قبل ما تبدأ عن طريق نقط بسيطة منه على الدقن كلها
- افرده باستخدام الفرشاة المخصصة وتكون مبلولة
- اتأكد من تغطية الدقن وابعد عن باقي الوجه خصوصًا تحت العين وجنب الأنف
- سيبه لمدة 5 دقايق
- خد في الاعتبار كثافة الشعر ودرجة حساسية البشرة
- لو جلدك حساس وشعر دقنك كثيف.. استخدم ماكينة الحلاقة التقليدية متعددة الشفرات
- ماتضغطش بإيدك لأقصى درجة وإنت بتحلق عشان تساعد الشعر الجديد يخرج من تحت الجلد وينمو
- الضغط الشديد هيعرض جلدك للالتهاب وممكن تجرح نفسك
- خلي تمريراتك خفيفة على الدقن وماتحلقش نفس المكان مرتين
- حافظ على أدوات الحلاقة نضيفة لأن نضافتها أو استخدامها عدة مرات بيسبب التهابات
- لو دقنك طويلة الأحسن تقصها عشان حلاقتها بالموس هتسبب ألم شديد
- استخدم الماكينات اللي فيها أدوات دقيقة بتوصل لمناطق أسفل الأنف وبتحدد بيها السوالف
- احلق ببطء وتركيز وابدأ بجانب واحد من دقنك وخلصه قبل ما تحلق التاني
- اشطف شفرات الماكينة كل شوية وماتخبطهاش في الحوض عشان تتجنب إتلافها
- قبل ما تخلص مرر إيدك على دقنك وأتأكد من عدم وجود أطراف خشنة واغسل وشك بمياه باردة ونشفه كويس
وممكن تستخدم كريمات بعد الحلاقة
تجنب الحرقان بعد حلاقة الدقن
- استخدم شفرة جديدة لأن الشفرات غير الحادة بتنمو فيها البكتيريا
- لو من النوع اللي بيستخدم أكتر من مرة وغيرها كل 5 مرات
- احلق مع اتجاه نمو الشعر لأن الحلاقة عكسه بتخليه ينمو للداخل وبتزيد الالتهابات
- استخدم كريم الحلاقة لأنه مخصص لحماية البشرة من الشفرات الحادة
- احلق بعد الاستحمام عشان الشعر وقتها بيبقى لين وسهل في حلاقته أكتر من مجرد غسل الوجه
- بلاش تضغط بعنف والأحسن تمرر الشفرة فوق الكريم أو الجيل
- قلل عدد التمريرات قدر المستطاع لأن كتير منها بيبقى مالوش لازمة
- احلق بالليل لأن الحلاقة بالنهار بتعرضك لاستخدام مزيلات العرق والعطور
- مع التعرق في ساعات النهار واختلاط السموم والبكتريا بمسام البشرة بيزيد الحرقان
- استخدم جل أو لوشن بعد الحلاقة عشان ينعش البشرة واسخدم غسول الوجه باستمرار حتى لو مش هتحلق دقنك لأنه بيحتوي على بعض الأحماض اللي بتقتل البكتيريا
- جل الألوفيرا على مناطق الحلاقة هيهدي البشرة
