المحتويات
قص الشعر من الخطوات اللي بتلجأ ليها السيدات لأكتر من هدف زي تغيير مظهرهم أو تكثيف شكل الشعر أو تحسين صحته والعناية بيه والتخلص من الأطراف المقصفة، وليه فوائد كتير وخطوات معينة لعمله في البيت.
فوائد قص الشعر
- زيادة كثافة الشعر لأن الأطراف المقصفة بتقلل وصول المواد المغذية لباقي خصل الشعر وجذوره، وبالتالي الشعر بيكون أكتر صحة ولمعان
- التخلص من الجزء المتقصف لأنه بيسبب ضعفه، وكل ما قصيته أسرع هيقل امتداد الجزء المتقصف فيه وهيبقى الجزء اللي لازم تقصه أقل، ومع الوقت هتختفي تماما الأطراق المقصفة
- الحفاظ على صحة الأطراف
- عمل الخطوة دي كل 6 شهور هيساعدك في التخلص من الأطراف القديمة اللي تعرضت لحاجات بتأثر عليه زي الحرارة والصبغة
- تسهيل عملية تصفيفه لأنه بيكون أسهل في العناية بيه وشكل التجعد فيه بيقل
عوامل غير قص الشعر بتساعد على نموه
- التغذية السليمة والاعتماد على الفيتامينات والمعادن المفيدة لصحة الشعر زي فيتامين (أ) و(ب) و(سي) و(هـ)
- الاهتمام بالحالة الصحية للجسم
- الحرص على تهوية الشعر
- عدم الإفراط في استخدام مكواة الشعر والسشوار
- تجنب وضع صبغات الشعر
- عدم استخدام كريمات فرد الشعر زي البروتين والكيراتين
- العناية بالشعر من خلال استخدام الشامبو المناسب، ووضع سيروم وكريم مرطب للشعر
- المواظبة على عمل حمامات زيت للشعر لتغذيته وتعزيز نموه
الوقت المناسب لقص الشعر
اختلفت الآراء حوالين الموضوع، بعض الخبراء قالوا إن أفضل وقت هو كل 4 شهور، والبعض الآخر رجح كل 6 شهور، لكن الموضوع نسبي وبيختلف من شخص للتاني حسب طبيعة الشعر وسرعة نموه وصحته
خطوات قص الشعر في البيت
الأدوات اللازمة لقصه
- مقصات مخصصة بنهايات حادة
- مشابك الشعر لتثبيت الخصل وتقسيم الشعر
- مشط سنونه واسعة وحجمه صغير
طريقة قص الشعر كاريه
- اغسلي شعرك الأول وجففيه كويس باستخدام المجفف الكهربائي (السيشوار)
- استخدمي مشط أسنانه واسعة للتخلص من التشابكات وتقسيم الشعر
- قسمي الشعر إلى نصفين أمامي وخلفي وبعدين قسمي النصف الأمامي لنصفين على جانبي الرأس
- ثبتي أقسام الشعر كويس باستخدام مشابك الشعر واستعيني بمرآة خلفية لقص الجزء الخلفي من الشعر بالطول اللي عايزاه بشكل متساوي
- قصي الأقسام الجانبية بشكل متدرج أو بنفس الطول حسب رغبتك
- في النهاية سرحي الشعر بالكامل للخلف وادمجي الأطراف مع بعض
قص الشعر مدرج قصير
- اربطي شعرك للأمام على مقدمة الرأس باستخدام ربطة مطاطية محكمة
- قصي شعرك بالمقص بطول متساوي
- قسمي شعرك لـ3 أجزاء وقصي جزء بسيط من الأطراف في الجزء الأيمن والأيسر
- سيبي الجزء اللي في النص بدون قص
طريقة قصة الغرة الأمامية
- باستخدام مشط رفيع.. سرحي الجزء الأمامي من مقدمة الشعر
- قسمي الغرة لـ3 أجزاء وقصي الجزء اللي في النص لحد الحواجب بطول متساوي
- قصي الجانبين بشكل مائل عشان يكونوا أطول من الجزء اللي في النص بدرجة بسيطة
