القرض الشخصي من بنك الإسكندرية، واحد من الخدمات أو المنتجات اللي بيقدمها البنك ضمن برامج التمويل الشخصي للأفراد، وعموما البنوك بتقدم قروض بنسب فائدة مختلفة والنسب دي بترجع لعوامل زي إمكانية تحويل المرتب على البنك أو قسط القرض ونوع وظيفة العميل (موظف حكومي أو خاص أو مهن حرة) ودرجة تصنيف الشركة اللي بيشتغل فيها العميل والعمر وفترة السداد.. هنقولك شروط والأوراق المطلوبة لبنك الإسكندرية.
الشروط والمستندات المطلوبة
- سن المقترض مايقلش عن 21 ومايزدش عن 65 سنة
- مدة الخدمة في العمل ما تقلش عن 3 شهور
- صورة من بطاقة الرقم القومي
- خطاب مفردات الراتب
- فاتورة مرافق حديثة (غاز – كهرباء – تليفون) تاريخها مايتعداش الـ3 شهور
- كشف لحساب بنكي خلال 3 شهور
- لأصحاب المهن الحرة.. سجل مهني بطاقة مزاولة المهنة/كشف حساب بنكي 12 شهر/ بطاقة ضريبية سارية/ مستخرج لسجل تجاري حديث (لا يتجاوز 3 شهور)
قيمة القرض
- حد أقصى 3 مليون جنيه على 12 سنة
- لأصحاب المهن الحرة.. قيمته من 5 آلاف جنيه وبتوصل لـ2.5 مليون جنيه وفترة السداد 7 سنين قيمة
قيمة الفايدة
- فائدة القرض تبدأ من 14.5% وتتناقص بشكل سنوي كلما قلت فترة سداد القرض
المزايا
- تأمين مجاني على الحياة طوال مدة التمويل
- أسعار الفوائد والعوائد تنافسية مع إمكانية الاختيار بين أسعار متغيرة أو ثابتة
- عدم وجود مصاريف الاستعلام الائتماني
- تقدر تاخد قرض بضمان الودائع أو الشهادات وقيمته بتوصل لـ90% من قيمة الضمان وفترة سداد 10 سنين
