فيوسيدين: الفرق بين أنواعه ودواعي وموانع استخدامه

فيوسيدين سواء المرهم أو الكريم، من المضادات الحيوية المشهورة بسبب تعدد استخداماته وسرعة فعاليته، بيتم استخدامه في علاج الأمراض الجلدية المختلفة وكمضاد حيوي لبعض إصابات المناطق التناسلية، له 4 أنواع لكل واحد منهم لون على العبوة وتركيب دوائي مختلف، لكن معظم الناس مش بتعرف تفرق بينهم.

التركيب الدوائي الأساسي

• حمض الفيوسيديك وهو مضاد حيوي موضعي بيستخدم لمعالجة الالتهابات الجلدية وتطهير البؤر الجرثومية والجروح الملتهبة
•  بيدخل في التركيبة الأساسية لكريم ومرهم الفيوسيدين بأنواع الـ4

الأعراض الجانبية لفيوسيدين

• خشونة الجلد
• طفح جلدي  
• حكة واحمرار 

التفاعلات الدوائية

• تجنب استخدام فيوسيديك أسيد مع المضادات الحيوية من مجموعة الكوينولون
• لازم تفصل بين العلاجات الموضعية مدة ساعتين

موانع الاستخدام

• فرط الحساسية تجاه مكوناته
• الحمل والرضاعة.. يفضل الرجوع للدكتور قبل استخدامه

أنواع فيوسيدين

كريم فيوسيدين الأحمر 

• كريم خفيف سريع الإمتصاص يحتوى على حمض الفيوسيديك
• بيعمل كمضاد للبكتيريا عن الطريق التحكم فيها والسيطرة على العدوى التخلص منها 
• تجنب استخدامه لفترات طويلة عشان ممكن يسبب مقاومة للبكتيريا 
• بيستخدم في:

1. علاج الدمل والخراج
2. الجروح 
3. حب الشباب
4. الحروق
5. الحبوب في فروة الرأس 
6. الحبوب اللي بتظهر بعد عمليات التقشير والليزر
7. بعد العمليات الجراحية كعلاج موضعي لحماية الجلد من البكتيريا 
8. علاج التهابات الجلد المختلفة
9. لمرض الحصف (هو مرض جلدي بيظهر حول الفم فى الغالب وعبارة عن قشور دهنية)

مرهم فيوسيدين البرتقالي

• مرهم ملمسه تقيل بسبب زيادة نسبة الهيدروكروبون أكتر من الأنواع التانية بجانب حمض الفيوسيديك
• له نفس استخدامات النوع الأحمر لكنه فعال أكتر للبشرة الجافة 
• تجنب استخدامه على البشرة 

كريم فيوسيدين H (الأحمر والأسود)

• كريم سريع الامتصاص يحتوي على حمض الفيوسيديك والكورتيزون
• بيستخدم في علاج:

1. الأكزيما والصدفية
2. حساسية الجلد
3. الطفح الجلدي
4. التهاب الجلد المصاب بالبكتيريا الحساسة لحمض الفيوسيديك (بكتيريا المكورات العنقويدة الذهبية)
5.  بيساعد على علاج حبوب الشباب
6. علاج الالتهابات والحكة والحبوب فى فروة الرأس
7. علاج التسلخات الجلدية والتهابات البشرة الدهنية

• بيمنع استخدامه إلا باستشارة دكتور في حالات زي:

1. الالتهابات الفطرية
2. تهيج جلدي بعد تلقي التطعيم
3. آفات جلدية أو إصابات جلدية متعلقة بمرض الزهري
4. أمراض فيروسية زي الهربس البسيط والجدري المائي

• مهم تسشتير دكتور إذا كنت بتعاني من:
• مرضى الكبد والكلى
•  وجود عدوى بكتيرية أو فطرية أو فيروسية خطيرة
•  مرضى القلب
• المرضى اللي بيعانوا من الإصابة بهشاشة العظام
•  مرضى السكرى

• بيحتوي على حمض الفوسيديك مع مضاد حيوي تاني اسمه بيتاميثازون فاليرات
• بيستخدم في علاج: 

1. الأمراض الجلدية سببها العدوى البكتيرية زي الاكزيما والصدفية وبعض أنواع التهابات الجلد والذئبة الحمراء والحزاز البسيط
2. الحكة والاحمرار وتخفيف تورم والتهاب الجلد
3.  الكدمات والإصابات المختلفة في الجسم 
4. تجنب استخدامه لفترة طويلة على الوجه 

• موانع استخدامه

1.  مع الفطريات زي قدم الرياضي
2. حالة جلدية ناتجة عن فيروس زي قرح البرد أو جدري المائي
3. الأمراض الجلدية بسبب البكتيريا زي الدمامل أو البقع
4. التهاب الجلد حول الفم 
5. مع حالة جلدية اسمها الوردية (هو احمرار والتهاب على الأنف والخد) 

سعر فيوسيدين

• بيتوافر منه أنبوبة بـ3 أحجام لكل: 

1. 15 جرام بـ18 جنيه
2. 20 جرام بـ22.25 جنيه
3. 30 جرام بـ32.5 جنيه