المحتويات
فيلر الشفايف من الحاجات اللي السيدات بتلجأ ليها في أعمار مختلفة، وبالرغم من انتشاره الفترة الأخيرة إلا إنه ليه أعراض جانبية ومخاطر لازم تعرفيها قبل اللجوء ليه.
ما هو فيلر الشفايف؟
هي عملية بيتم من خلالها ملء الفراغات الموجودة بين خلايا الشفايف ببعض المواد اللي بتختلف عن بعضها، وبتزود حجم الشفايف وبتعالج بعض مشاكلها، وعلى حسب مشكلة الشفايف يتم تحديد نوع الفيلر.
مميزات فيلر الشفايف
- إخفاء آثار الشيخوخة وعلامات التقدم بالعمر حوالين الفم أو اللي بيسببها التدخين
- توريد الشفايف وإزالة التصبغات فيها
- حقن الفيلر عملية غير جراحية ولا يسبب النزيف في حالة حقنه بشكل صحيح
- غير مؤلم لأنه بيتم تحت تأثير البنج الموضعي والفيلر نفسه فيه نسبة مخدر موضعي
- سريع ولا يحتاج لوقت
- مدة التعافي سريعة وبترجعي لممارسة حياتك بشكل طبيعي
- نتيجته فورية وبتقدري تشوفيها بعد الحقن مباشرة
- بياخد حوالي 4 أسابيع عشان تظهر النتايج وبيستمر لحد 6 شهور
الآثار الجانبية لفيلر الشفايف
تختلف الآثار الجانبية اللي ممكن تظهر من شخص للتاني وحسب درجة خطورتها، زي:
الآثار الجانبية المتوقعة
بتستمر لأيام قليلة زي:
- نزيف مكان الحقن
- تورم وكدمات
- احمرار الجلد مكان الحقن
- إعادة تنشيط البثور والقرح أو الهربس البسيط في الشفايف أو المنطقة المحيطة بيها
الآثار الجانبية الأكتر خطورة
- تورم أو كدمات شديدة بتستمر لـ10 أيام
- عدم تناسق الشفايف
- ظهور تكتلات فيها
- عدوى
- تقرح أو تصلب أو تندب الشفايف
- رد فعل تحسسي يسبب احمرار أو حكة أو تورم حوالين الشفايف
أنواع فيلر الشفايف
هيالورونيك أسيد
- أغلب الأنواع فيها حمض الهيالورونيك وهي مادة موجودة بشكل طبيعي في الجسم وبتسبب ترطيب البشرة، وحقنها بيساعد على زيادة حجم الشفايف ومعالجة آثار التجاعيد فيها
- سهل التحكم في الكمية اللي بيتم حقنها
- مادة طبيعية وبالتالي فرص رد الفعل التحسسي أقل
- نتائجه غير دائمة، فممكن تستمر من 4 شهور لسنة
- ممكن تسبب بعض الاحمرار والانتفاخ بعد حقنها
فيلر الشفايف بحقن الدهون
- بيستمر مدة أطول نسبيا عن باقي الأنواع، من سنة لـ3 سنين، وبتستخرج الدهون اللي بيتم حقنها من الشخص نفسه
- مكلف أكتر من حقن حمض الهيالورونيك
- عادة لا يسبب الحساسية
فيلر الشفايف بالكولاجين
- الكولاجين مادة بتفرز بشكل طبيعي في الجسم داخل خلايا البشرة، وبعض خلايا الغضاريف لأنه بيزود مرونة الجلد
- بيقل مع التقدم في العمر وبالتالي ظهور التجاعيد وخطوط التعبير في الوجه
- بتعمل نتيجة فورية في زيادة حجم وليونة الشفايف إلا إن مدتها قصيرة، من شهرين لـ8 شهور تقريبا
- بعض الأنواع ممكن تسبب رد فعل تحسسي للشخص
حقن الشفايف بالبلازما
- مش من الأنواع الملئة للشفايف الصريحة لأنها لا تعطي حجم للشفايف بعد حقنها
- فهي بتعزز إفراز الكولاجين والإيلاستين اللي بيملوا الشفايف وبيزودوا نضارتها
حقن الشفايف بالبوتكس
- من أنواع حقن الشفايف اللي بتساعد على إخفاء التجاعيد
- شبه البلازما في إنها مادة غير مالئة ولكن بتساعد على إخفاء التجاعيد حوالين الفم
