المحتويات
فيروس نيباه من الفيروسات اللي انتقلت من الحيوان للإنسان وبينتقل من إنسان لآخر، وبيرتبط ظهوره بخفافيش الفاكهة وانتشاره بيزيد مع شرب عصير نخيل التمر، وبعض التقارير بتقول إن فرص الوفاة بعد الإصابة به أعلى من فيروسات تانية ومنها فيروس كورونا المستجد، ومنظمة الصحة العالمية صنفته من أكتر الفيروسات الخطيرة في العالم.
تاريخ ظهور فيروس نيباه
- ظهرت أول حالة في ماليزيا سنة 1998 ووقتها أصيب 260 شخص بالمرض مات منهم 115
- السبب المعلن وقتها هو انتقال عدوى فيروسية من خفافيش الفاكهة لبعض أنواع الخنازير ووقتها اعدمت ماليزيا أعداد كبيرة من الخنازير
- انتشرت العدوى بوتيرة سريعة ومستمرة لفترة طويلة في بعض الدول الآسيوية زي بنغلادش والهند والفلبين وغيرها من الدول
الأعراض
- بتتقسم الأعراض لمتوسطة وشديدة
- الأعراض المتوسطة زي:
- الصداع المستمر
- ارتفاع درجة الحرارة
- آلام شديدة في العضلات
- الإحساس بالغثيان والرغبة المستمرة في القيء
- السعال المستمر
- صعوبة التنفس
- ألم الحلق
- لكن في حالة تفاقم الحالة بتظهر الأعراض الشديدة زي:
- تشوش الذهن والارتباك
- تورم أنسجة الدماغ والتهابها
- حدوث نوبات صرعة مستمرة
- الدخول في غيبوبة
طريقة التشخيص
- الخبراء بيقولوا إن تشخيص المرض ده صعب لأن أعراضه متشابهة مع أمراض تانية وبالتالي تشخصيه بيحتاج وقت
- لأنه بينتقل من شخص للتاني فممكن يعدي المريض أكتر من شخص دون قصد
- التشخيص بيحصل عن طريق (Polymerase Chain Reaction-PCR) وهو قياس تفاعل سوائل الجسم المختلفة والعينة بتستخرج من الأنف أو الحلق وفي بعض الأحيان بتفحص السائل الشوكي أو عن طريق الدم والبول
- في بعض المستشفيات بيتم فحص استنبات خلايا الفيروس للتأكد من الإصابة
- في مراحل العلاج بتحصل مقايسة الامتصاص المناعي المتصل بالإنزيمات (Enzyme-linked immunosorbent assay)
طرق الانتقال
- سوائل اللعاب أو الدم من الجسم المصاب
- استهلاك منتجات غذائية من جسم الحيوانات المصابة أو الاتصال المباشر بيها
- التعامل المباشر مع الحيوانات المصابة بالفيروس سواء خنازير أو خفافيش أو ملامسة منتجات غذائية كانت ملامسة لجسم حيوان أو شخص مصاب
فترة الحضانة
- بيرجح العلماء فترة حضانة بتتراوح بين 4 و14 يوم لكن تقارير أكدت طول مدتها اللي بتوصل أحيانًا لـ45 يوم
فرص الوفاة بعد الإصابة
- بتتراوح معدلات الوفاة من 40% لـ75% وأكتر من 60% من المصابين بيدخلوا في غيبوبة خلال 24 لـ48 ساعة
- بتزيد المضاعفات عند كبار السن والأطفال والأشخاص اللي بيعانوا من أمراض الأعصاب
العلاج
- الأدوية المضادة للفيروسات هي العلاج الرئيسي للفيروس ومفيش دواء محدد يعالج من الفيروس نهائيًا أو لقاح للحماية منّه
الوقاية
- ارتداء الكمامة في الأماكن العامة وبجوار أي شخص عنده أعراض مشابهة لأعراض الفيروس
- غلي السوائل المستخرجة من النخيل قبل استخدامها في الطهي أو لأغراض تجميلية
- الابتعاد عن أي ثمار بتحتوي على علامة لدغة خفاش
- غسل الإيدين بانتظام قبل وبعد إصابة أي مريض عنده الأعراض دي حتى لو متأكد إنها بسبب مرض تاني
- لو بتزرع امنع وصول الخفافيش للمنتجات الغذائية الموجودة على الأشجار
