فوائد خل التفاح: مفيد لصحة المعدة وإنقاص الوزن وعلاج قشرة الشعر

فوائد خل التفاح متنوعة، لأنه بيحسن صحة الجهاز الهضمي وبيساعد على إنقاص الوزن، وغني بمكونات صحية بتساعد على خفض الكوليسترول الضار في الجسم.

العناصر المفيدة في خل التفاح

• المكون الأساسي لخل التفاح هو حمض الخليك Acetic Acid بنسبة 6-5%، واللي الدراسات أثبتت إنه مسؤول عن كل فوايد خل التفاح الصحية
• فيه كمية بسيطة من البوتاسيوم ولا يحتوي على كمية كبيرة من الفيتامينات والمعادن

 خل التفاح كمضاد للبكتيريا

• مفيد لقتل البكتيريا والطفيليات
• بيساعد الجسم على التخلص من الفطريات والخمائر لأنه بيتكون من إنزيمات طبيعية

خل التفاح لضبط مستوى السكر في الدم

• بعض الدراسات أثبتت دور خل التفاح في المساعدة لعلاج داء السكري من نوع 2
• الأشخاص غير المصابة بداء السكري يقدروا يستخدموه للحفاظ على مستوى السكر في الدم وتجنب الإصابة بالأمراض المزمنة الناتجة عن ارتفاعه
• الأبحاث أثبتت إن خل التفاح بيساعد في تحسين حساسية الأنسولين بنسبة 34-19% خاصة بعد أكل وجبة غنية بالكربوهيدرات
• تجربة تانية على 5 أشخاص أثبتت دوره في خفض مستوى السكر في الدم بحوالي 31.4% بعد أكل 50 جم من الخبز الأبيض
• تجربة تانية أثبتت إن الأشخاص المصابة بداء السكري المنتظمة على تناول معلقتين كبار خل التفاح قبل النوم يوميا قلل مستوى السكر في الدم الصايم بحوالي 4%
• مهم تنسق مع الدكتور الطريقة المناسبة للجمع بين الأدوية واستخدامات خل التفاح المناسبة ليك

 خل التفاح لإنقاص الوزن

• الدراسات أثبتت دوره في إنقاص الوزن لأنه بيسد الشهية وبيطول فترات الشبع
• دراسة تانية أثبتت إن تناوله مع وجبة غنية بالكربوهيدرات بيسبب الشبع لمدة أطول، وتقليل السعرات الحرارية على مدار اليوم بحوالي 275-200 سعر
• تجربة تانية أثبتت إن تناوله يوميا لمدة 3 شهور سبب خسارة دهون البطن
• بيساعد على تحسين حساسية الأنسولين في الجسم وبالتالي القدرة على التحكم في نظامك الغذائي

فوائد خل التفاح لصحة القلب

• الدراسات اللي اتعملت للنقطة دي كانت على الحيوانات
• الأبحاث أثبتت إن تناول خل التفاح بيقلل الكوليسترول الضار والدهون الثلاثية في الجسم وضغط الدم المرتفع، وبالتالي الوقاية من أمراض زي أمراض القلب والكلى

خل التفاح كمضاد للأكسدة

هو غني بمضادات الأكسدة اللي بتحمي خلايا وأنسجة الجسم من التلف، وبتحميه من الإصابة بالأمراض الخطيرة زي السرطان والشيخوخة المبكرة

 خل التفاح لقشرة الشعر

• استخدامه كآخر خطوة أثناء الاستحمام بعد خلطه بالمياه هيساعد في الحفاظ على صحة فروة الرأس
• هيعالج قشرة الشعر أو هيساعد في تجنبها
• بيخلص فروة الرأس من البكتيريا وتراكم الزيت والأتربة

الأعراض الجانبية لاستخدام خل التفاح

متوقع ظهور بعض الأعراض الجانبية في حالة حساسية المعدة من طعمه اللاذع والقوي، أو بعد تناوله بكميات كبيرة، وهي:

• حرقة المعدة
• الحموضة
• الغثيان والقيء
• تجنب استخدامه لو بتعاني من نقص البوتاسيوم في الجسم
• ممكن يتفاعل مع أدوية تانية زي الأدوية المدرة للبول، استشير دكتور الأول
• احتمالية تآكل مينا الأسنان

الكمية المناسبة

الجرعة العادية هي 2-1 معالق صغيرة (10-5 مللي) لحد 2-1 معالق كبار (30-15 مللي) في اليوم

طريقة استخدامه

• ممنوع تستخدمه بشكله الأصلي أو غير مخفف لأنه هيأثر سلبا على المعدة والمريء
• خففه بكوب مياه وممكن تتناوله الصبح أو في وسط اليوم حسب ارتياحك
• ممكن تضيفه للعصير الطبيعي أو وصفات الأكل
• ممكن استخدامه في تخليل الخضار زي الجزر والفجل
• الطريقة الأنسب لاستخدامه هي في وصفة دريسينج السلطة كبديل للخل العادي