المحتويات
حمام الملح من الأشياء المفيدة لصحة الجسم والعقل لأنه بيساعد على الاسترخاء والتخلص من ضغوطات اليوم، وبيوفر مساحة وقت كافية للشعور بالهدوء والتفكير المنظم.
فوائد حمام الملح
- بيساعد على الشعور بالاسترخاء وتقليل أعراض الصداع والتوتر
- بيقلل نسبة التهابات المفاصل والعضلات وآلام الجسم بشكل عام
- بيساعد على تنشيط الدورة الدموية
- بيخلص الجسم من السموم المتراكمة وبيساعد في علاج الإمساك
- بيعالج الجلد المتهيج
- بيقلل الشد العضلي وتشنجات المفاصل
- بيعالج كعب القدم وكوع الإيد الخشن
أنواع حمام الملح
حمام ملح الديتوكس
- حط كوبايتين ملح الإبسوم في بانيو مليان مياه دافية
- الأفضل تضيف الملح والمياه بتجري عشان يدوب أسرع
- اقعد فيها 20 دقيقة
- ممكن تضيف زيوت أساسية زي زيت اللافندر أو النعناع عشان يحسن حالتك المزاجية
لتقليل آلام العضلات
- حط كوبايتين ملح الإبسوم في بانيو مليان مياه دافية
- الأفضل تضيفه والمياه جارية أو تقلبه بإيدك عشان يدوب أسرع
- اقعد فيه لمدة 12 دقيقة
حمام الملح لالتهابات الجلد
- حط كوباية ملح عادي أو الإبسوم في بانيو مليان مياه دافية
- اتأكد من ذوبانه في المياه كويس
- اقعد فيه لمدة 20 دقيقية
- ممكن تضيف 4 قطرات من زيت الشاي لأنه بيقلل التهابات الجلد
حمام الملح للجلد الجاف أو المسبب للحكة
- حط كوباية أو اتنين من ملح الإبسوم مع معلقة صغيرة زيت زيتون في بانيو مليان مياه دافية
- اتأكد من ذوبان الملح وزيت الزيتون
- اقعد فيه لمدة ربع ساعة من مرتين لـ 3 مرات في الأسبوع
- ممكن تضيف الشوفان أو زيت اللوز عشان تساعد على ترطيب الجلد
لتقليل التهاب المفاصل
- حط كوبايتين من ملح الإبسوم في بانيو مليان مياه دافية واتأكد من ذوبانه في المياه
- اقعد فيه لمدة 20 دقيقة
- لازم يبقى بعد ممارسة الرياضة
- ممكن تضيف قطرات من زيت الجنزبيل لأن فيه خصائص مضادة للالتهاب
- اتأكد من وصول المياه الدافية لمكان الألم
هل حمام الملح آمن لكل الأشخاص؟
- المياه الدافية والملح آمنين لكل الأشخاص، ولكن في اعتبارات مهمة عند عمله زي:
- تجنبه لو عندك جرح مفتوح أو عند ظهور رد فعل تحسسي زي الحبوب أو التهاب جلدي
- استشير الدكتور الأول قبل عمله لو مصاب بالصدفية أو الإكزيما أو حب الشباب
