المحتويات
الموسيقى بأنواعها ليها فوائد كتير للصحة العقلية والجسدية، وكل نوع ليه الوقت المناسبة لاستماعه اللي تأثيرها على الشخص بيكون أقوى فيه، فهي مرتبطة بذكريات مختلفة وبتأثر على خلايا المخ بطرق إيجابية.
فوائد الموسيقى للصحة العقلية
- الدراسات أثبتت إنها بتأثر على وظايف المخ والسلوك البشري وبتقلل التوتر والألم وأعراض الاكتئاب وبتحسن القدرات المعرفية ونمو الخلايا العصبية
- بتنشط أجزاء من المخ لأصحاب الأمراض التنكسية زي الزهايمر وبيستمر أثرها لوقت بسيط بعد توقف الموسيقى
- لأنها مرتبطة معاهم بذكريات عاطفية قديمة فصعب ينسوها وده بيحمسهم إنهم يرقصوا ويغنوا معاها
- تجارب أجريت في معهد (Brain and Activity Institute) أثبتت إن معظم أجزاء العقل بتنشط عند الاستماع ليها والقشرة السمعية بتستقبلها وبتحلل ارتفاع ونغمة انسجامها
- والقشرة الحركية بتنشط لما بنبدأ نرقص ونحرك جسمنا بالتدريج معاها والمخيخ بينظم تفاعلنا معاها ومنطقة الـ(Hippocampus) بتنشط لما بترتبط الموسيقى بذكرى معينة عندنا
- بتعدل المزاج للأفضل عن طريق ارتفاع نشاط منطقة النواة المذنبة لما بتتوقع إن المقطع ده هيأثر عليك وتتفاعل معاه
- دراسة في جامعة ستانفورد أثبتت إن دراسة الموسيقى بتحسن الذاكرة اللفظية ومعالجة صعوبات فهم اللغة عند الأطفال
- أثبتت دراسة استمرت 5 سنين على الأطفال العازفين إنها بتأثر على تكوين المخ وسهولة التناغم بين الجانب الأيمن والأيسر
- وتطور قدراتهم على اتخاذ القرار واستقرارهم العاطفي وسهولة التواصل بين اللي بيسمعوه ويحسوه
- دراسات كتير أثبتت إن الشعور بالمتعة أثناء الاستماع للموسيقى منبعه مجموعة من الدوائر العصبية الدماغية
- واللي بتشترك في تقييم الحوافز والمكافآت بنفس درجة الفرح اللي بيحسها الشخص عند تناول الشوكولاتة
- أظهرت مجموعة كبيرة من الأبحاث إن الموسيقى أداة فعالة لتعديل الحالة المزاجية وتنظيم العواطف وتقليل التوتر أو القلق أو الاكتئاب
- وبتساعد على خلق الروابط الاجتماعية وتقويتها وعلى سبيل المثال، بعض مؤلفين عملوا دراسة للتحقق من فائدة الاستماع للموسيقى أثناء الموجة الأولى من جائحة كوفيد-19
- وده من خلال جمع البيانات من أكثر من ألف فرد من البلدان الأكتر ضررا، وهي الولايات المتحدة الأمريكية وإسبانيا وإيطاليا
- ومن بين الأنشطة المختلفة التي تم اختبارها واللي شملت التمرين والطبخ والقراءة والموسيقى، اختار الأشخاص الموسيقى في أغلب الأحيان باعتبارها أفضل نشاط للتعامل مع الضيق النفسي المرتبط بالإغلاق وأزمة كوفيد-19
فوائد الموسيقى للجسم
- الاستماع ليها في الخلفية أثناء عمل نشاطات تانية بيقلل من حدتها وشعورك بالتعب، وبتساعد في زيادة إنتاجيتك وتقليل المدة اللي بتنجز فيها
- بتزود قدرة الشخص على التحمل أثناء ممارسة الرياضة وبتقلل شعورك بالملل
- الدراسات أثبتت إن استماع المرضى ليها في المستشفيات بتساعدهم على الشعور بالاسترخاء وبتزود تدفق الأوعية الدموية
- ليها تأثير المهدأ، لأنها بتبعد الأفكار المقلقة وبتساعد على التخلص من هرمونات التوتر
- مفيدة للأشخاص اللي بيعانوا من أعراض الاكتئاب لأنها بتساعد على تخفيفها وإمداد مشاعر القوة والسيطرة على الأشياء
- ثبت علميا إنها بتساعد على تخفيف الألم، وده سبب وجودها في معظم عيادات الأسنان
- هي علاج جيد بيساعد المرضى من التعافي من الجراحة بسرعة لأن الاستماع ليها ممكن يسرع حالة الانتعاش لمرضى السكتة الدماغية وتساعد مرضى جراحة القلب على الشعور بالهدوء وبالاسترخاء
الموسيقى والصحيان من النوم
- الأبحاث الأسترالية أثبتت إن نوع النغمة اللي بتصحى عليها بتأثر على سرعة ودرجة تيقظك وإن رنة المنبه اللي الموسيقى فيها بترتفع وتنخفض بتساعد على الانتباه والشعور بالنشاط
- ده عكس رنات المنبه العادية اللي بتعتمد على نغمة واحدة مكررة ممكن تسبب القلق الزايد وعدم التركيز
- وإن في علاقة بين حالة جمود النوم بعد الاستيقاظ اللي بتأثر على التفكير/ التركيز/ التفاعل والنغمة المستخدمة في المنبه
- اللحن اللطيف والمحبب المشابه للأغاني بيساعد على القيام من السرير والاستعداد السريع وتيقظ العقل
تطبيقات لتعلمها
- Simply Piano
- Yousician
- Uberchord
- Tonal Harmony Analysis
- Tomplay Sheet Music
- Flowkey
