المحتويات
فوائد المشي متنوعة سواء للصحة الجسدية والعقلية وبيساعد على الوقاية من أمراض كتير، ولكن ضروري تعرف الطريقة الصحيحة للمشي بجانب فوائده وأنواعه المختلفة.
خطوات المشي الصحيحة
- دراسة بتأكد إنك لازم تبقى راسك مرفوعة وقت المشي وعشان تدرب نفسك على المشي بالطريقة دي تخيل رأسك كأنها مربوطة بخيط متصل بالسقف، هتفضل رأسك مرفوعة وده هيقلل آلام الرقبة
- لازم يبقى ضهرك مفرود طول الوقت لأن فرد الضهر أثناء المشي بيمنعك من التحميل على فقرات الضهر اللي ممكن يسبب آلام على المدى البعيد
- ضروري تشفط بطنك وقت المشي لأن شفط البطن أثناء المشي بيحافظ على التوازن وبيقلل الحمل على الضهر
- افتكر وقت المشي إن كتافك لازم تبقى نازلة لتحت وراجعة للخلف
- لأن نزول الكتفين لتحت وقت المشي بيمنع زيادة آلام الرقبة والكتف والضهر
- وعشان تتأكد إن كتافك في الوضع الصحيح ارفعهم لفوق وبعد كده نزلهم كذا مرة ورا بعض
- الأحسن يبقى تحميلك في بداية المشي على كعب وبعدين القدم لأن تحميلك على القدم كلها بيأثر على تدفق الدم فيها خصوصًا لو بدأت خطوتك على مشط القدم وممكن توسع الأوردة وتسبب تورم
- لازم تختار أحذية مريحة للرجل، لأن الأحذية غير المريحة بتسبب آلام في القدم وتورم وتشوهات في الأصابع على المدى الطويل خصوصًا لو بتمشي بيها لمدة طويلة
- الدراسات بتأكد إن الخطوات الطويلة بتسبب إجهاد لمفاصل أسفل القدم، وإن الحل الأمثل هو الخطوة المعتدلة في المشي
أنواع المشي
المشي العادي العام
- اللي بنمارسه في الحياة العادية زي أثناء التسوق أو التنزه مع الصحاب
- النوع ده شدته منخفضة يعني حوالي 1600 متر خلال 17 لـ24 دقيقة حسب مقدار الخطوة
- ممكن تحرق حوالي 1500 سعرة حرارية في الأسبوع لو التزمت بالمشي حوالي 16 لـ32 كيلومتر
المشي السريع
- النوع ده بيساعد في تقليل الوزن بشكل أكبر لأنه بيحرق سعرات أكتر
- بتكون سرعة الخطوة أكبر لكنها أقل من الجري يعني ممكن تمشي 1600 متر خلال 10 دقايق تقريبا
- دراسة بريطانية قالت إن المشي السريع المنتظم لمدة 45 دقيقة 3 مرات في الأسبوع بيحمي من الخرف والزهايمر
المشي على التريدميل
- بيساعد المشي على التريدميل على فقدان الوزن بشكل معتدل وتقوية العضلات وتحسين المزاج بيركز النوع ده على منطقة البطن وعضلات الجزء العلوي من الجسم وأسفل الأرداف
دور المشي السريع في تحسين الذاكرة
- دراسة أمريكية أثبتت إنه بيحسن صحة الدماغ وبيساعد على تحسين الضعف الإدراكي
- بيحسن مهارات التفكير والذاكرة للأشخاص اللي ظهرت عليهم علامات ضعف الذاكرة بين السيدات والرجال
- الانتظام عليه بيزود المهارات المعرفية وبيحسن اللياقة البدنية بشكل عام
- عند تقسيم الأشخاص اللي تم التجربة عليهم في مجموعتين
- المجموعة اللي انتظمت على المشي 3 مرات أسبوعيا قدروا يزودوا عدد مرات الرياضة لـ5 مرات تدريجيا وزاد عندهم تدفق الدم للدماغ
- ونتايج اختبارات مهارات التفكير واتخاذ القرار كانت أفضل من المجموعة الأولى اللي اعتمدت على تمارين التمدد الخفيفة
- وزادت قدرات التفكير والذاكرة بنفس القدر تقريبا لكن الأطباء قالوا إن التطورات بتظهر بعد حوالي سنة من الانتظام
فوائد المشي على الصحة
- بيقوي المناعة وبيحسن صحة القلب والأوعية الدموية
- بيحافظ على صحة العظام والمفاصل
- المشي بيحسن التنفس وبيزوّد فرص تدفق الأكسجين لخلايا الجسم
- بيقلل فرص الإصابة ببعض الأمراض زي السكر وهشاشة العظام وأمراض القلب والتهاب المفاصل
- بيحسن المزاج وبيقلل حالات الاكتئاب المزمن والتوتر والضغط النفسي الشديد
- بيزوّد الطاقة وبينظم الساعة البيولوجية وبالتالي بينعكس على مستويات النوم العميق
- بيحسن التوازن والتآزر بين عضلات رجلك وبين جسمك وبيزوّد لياقتك وبيخليك مستعد أكتر لأداء التمرينات الرياضية
- بيقلل الكوليسترول في الدم وبينظم الضغط المنخفض وبيساعد على ظبطه لمستويات طبيعية
- المشي المنتظم بطريقة صحيحة بيخفف حدة آلام بعض إصابات الضهر خصوصًا الانزلاق الغضروفي
تخفيف آلام احتكاك الفخدين وقت المشي
- السبب الرئيسي ليها زيادة حجم الفخدين وبتزيد جروح احتكاك الفخدين مع المشي أو الجري لمدة طويلة
- بتوصل أحيانًا لاحمرار الجلد وظهور حبوب متفرقة أحيانًا بتوصل لجروح
- بتظهر أكتر مع احتكاك الجلد بالملابس ومع زيادة الوزن وارتداء الملابس الضيقة اللي فيها نتوءات
- ارتداء الشورتات حادة الأطراف بتزوّد الألم عشان كده ضروري تدهن فازلين يوميًا على مناطق الاحتكاك
- بلاش تلبس بنطلونات ضيقة واختار خامات مُريحة والأحسن تبقى قطنية والعب رياضة في مكان جيد التهوية
- قلل السعرات في أكلك واشرب مياه كتير عشان تقلل جفاف الجلد
- نضّف المنطقة بصابون بدون ريحة عشان تقلل تهيّج الجلد والخبراء بيأكدوا إن إضافة الخل الأبيض أو التفاح بيقلل تأثير البثور الحمراء في الفخدين
