المحتويات
فوائد المشروم متنوعة لأنه غني بمضادات الأكسدة والألياف والعناصر الغذائية اللي بتساعد على تخفيف حدة الإصابة بالالتهابات والحماية من مضاعفات الأمراض المزمنة زي السكر والضغط.
العناصر الغذائية في المشروم
- الخبراء بيأكدوا إن المشروم من الأكلات الغنية بالعناصر الغذائية وبيحتوي كل 100 جرام فيها على:
- 21.1 سعر حراري
- 3 جرام بروتين
- 3.1 جرام نشويات
- 2.9 مليجرام كالسيوم
- 0.5 مليجرام حديد
- 8.6 مليجرام مغنيسيوم
- 82.6 مليجرام فوسوفر
- 305 مليجرام بوتاسيوم
- 4.8 مليجرام صوديوم
- 0.5 مليجرام زنك
- 8.9 مليجرام سيلينيوم
- 16.6 مليجرام كولين
- 3.5 مليجرام نياسين
فوائد المشروم لتقوية العظام
- غني بفيتامين د الأساسي لبناء خلايا الجسم والحفاظ عليها من أي ضرر وبيدخل في تركيب الأسنان والعظام بجانب إنه غني بالكالسيوم اللي بيحافظ على صحة العظام لأطول فترة وبيسرّع مدة شفاء الكسور
وظيفة المشروم في الوقاية من فقر الدم
- بيعوض جزء من نقص الحديد اللي بينتج عنّه والمشروم بيعتبر من الأطعمة الغنية بالحديد ودراسات كتير بتأكد إن المشروم بيزوّد فرص امتصاص المعادن في الجسم واهمها الحديد
- مكملات الحديد والأغذية الغنية بالحديد من بروتوكول علاج فقر الدم والأنيميا
فوائد المشروم لمرضى السكر
- بيعتبر المشروم مصدر رئيسي للألياف الغذائية ومش بيحتوي على الدهون المشبعة والكوليسترول وبالتالي بيعتبر مصدر ضروري للغذاء لمرضى السكر من النوع الأول أو الثاني
- الخبراء بيقولوا إن الألياف الغذائية بتسيطر على مستويات السكر في الدم وبتنشط الكبد والبنكرياس وتنظم عمل الغدد الصماء والهرمونات في الجسم
- بيحمي المشروم مريض السكر من الالتهابات المختلفة لأنه غني بمضادات الأكسدة
- بيقلل نسب الكوليسترول الضار في الجسم (LDL) وبيرفع مستويات الكوليسترول الجيد (HDL)
المشروم وتقوية المناعة
- غني بمعدن السيلينيوم الأساسي في تقوية المناعة والحماية من الالتهابات والوقاية من أمراض الكبد لأنه بينقيه من السموم وبيحارب نمو الخلايا السرطانية
- مصدر رئيسي لحمض الفوليك وبالتالي بيمنع تكوّن الطفرات المسببة للسرطان
- بيحتوي على فيتامينات زي حمض اللينوليك المسيطرة على هرمون الإستروجين ومادة البيتا جلوكان اللي دورها أساسي في مقاومة السرطان خصوصًا سرطان البروستاتا
فوائد المشروم لخفض ضغط الدم
- المشروم من مصادر البوتاسيوم اللي بيحافظ على توزارن السوائل في الجسم وبالتالي بيقلل فرص ارتفاع الضغط وبيحافظ على معدلاته المنتظمة خصوصا إنه بيحتوي على نسبة قليلة من الصوديوم (الملح)
