فوائد المانجو متعددة لأنها غنية بالفيتامينات والمواد الكيميائية النباتية اللي بتساعد على مكافحة بعض الأمراض والوقاية منها، لكن الدراسات بتأكد إن الإفراط فيها بيزوّد الأملاح في الجسم، بجانب إن بعض الأشخاص بيعانوا من حساسية تجاه المانجو وممكن تسبب بعض المضاعفات خصوصًا عند الحوامل ومرضى السكر.
القيمة الغذائية في المانجو
- الخبراء بيقولوا إن كل 100 جرام مانجو بيحتوي على:
- كربوهيدرات 15 جرام
- البروتين 0.82 جرام
- سكر 13.6 جرام
- كالسيوم 11 مليجرام
- الدهون 0.4 جرام
- بيتا كاروتين 640 ميكروجرام
- حمض الفوليك 43 ميكروجرام
- بوتاسيوم 168 مليجرام
- فيتامين ج 36 مليجرام
- فسفور 14 مليجرام
فوائد المانجو للصحة
- أكلها بكميات بسيطة بدون إضافة سكر مش بيزوّد الوزن لأن كل كوباية فيها 165 جم من قطع المانجا بتحتوي على 110 سعر حراري
- وفيها 25% من احتياجك اليومي لفيتامين أ المهم للمناعة وصحة البشرة والنظر والعظام
- بجانب 76% من احتياجك اليومي لفيتامين (سي) الضروري للمناعة وامتصاص الحديد كويس في الجسم
- الدراسات أثبتت إن المواد الكيميائية النباتية فيها بتقلل الخلايا الدهنية في الجسم
- بجانب إنها غنية بالمغذيات الدقيقة اللي بتحارب الخلايا السرطانية خاصة سرطان الثدي
- بتساعد في معالجة الإمساك وتحسين الهضم وزيادة نسبة الأحماض الدهنية الصحية اللي بتساعد على توازن عمليات الجسم
- نسبة الألياف وفيتامين (سي) فيها بيساعدوا على تقليل الكوليسترول الضار في الجسم
- بتساعد على تحسين صحة البشرة وتوهجها وبتعالج مشاكل المسام
- غنية بحمض الطرطريك وحمض الماليك اللي بيوازنوا قلوية الدم في الجسم بجانب الفيتامينات اللي بتساعد على تحسين الذاكرة والتركيز
- مناسبة للأشخاص اللي بيعانوا من الأنيميا والحوامل لأنها غنية بالحديد وغنية بفيتامين ك اللي بيحمي من هشاشة العظام وأمراض القلب وبيخفض ضغط الدم
- استخدام خليط المانجا مع عسل ولبن كسكراب للجسم أو للبشرة مفيد لأنها غنية بمضادات الأكسدة اللي بتحمي من التهاب المفاصل والأمراض المناعية والضمور البقعي
أضرار الإفراط في تناول المانجو
- بتحتوي على مادة اسمها يوروشيول اللي بتسبب أحيانًا طفح جلدي عند ملامستها للبشرة وخصوصًا فوق الفم
- بتسبب صدمة تحسسية عند بعض الناس وبتظهر أحيانًا بعد يومين أو أكتر من تناول المانجو وبتظهر في شكل طفح جلدي
- من أعراضها هبوط الضغط وآلام البطن وصعوبة التنفس والقيء ومهم توقّف تناولها وقت شعورك بالأعراض دي لأن ممكن المانجو تبقى سببها
- على الرغم من فوايد فيتامين سي وحمض الستريك اللي موجودين بنسبة كبيرة في المانجو لكن الإفراط فيها ممكن يسبب التهاب في الحلق
- بترفع السكر في الدم بكميات كبيرة وبالتالي بتعتبر خطر على مرضى السكر أو الأشخاص اللي عندهم استعداد للإصابة بيه
- السكر الأساسي في المانجو هو الفركتوز وبيتهضم في الكبد فقط لكن مع تناوله بكميات كبيرة مع الوقت بيضغط على الكبد وبيزوّد فرص الإصابة بالسكر
- دراسات كتير بتأكد إن المجهود الكبير اللي بيبذله الكبد في التخلص من السكر في المانجو ممكن يزوْد فرص الإصابة بالسرطان وأمراض القلب المختلفة
- بتسبب ترسيب للأملاح في الجسم وبتزوّد نسبة الدهون الثلاثية في الدم
- الخبراء بيأكدوا خطورة تناول كميات كبيرة من المانجو على الحوامل لأنها فيها مواد زي الزرنيخ والفسفور بيعتبروا خطر على الحامل والجنين
- بيسببوا ظهور بعض الأعراض الجانبية على الحوامل زي:
- شعور بالتخدر في الأطراف
- آلام الرأس
- الدوخة
- تقلبات المزاج
- تشنجات في الجسم كله
