المحتويات
فوائد الخروب متنوعة ومتعددة زي الحماية من السرطان وتخفيف حدة أعراض هشاشة العضام، ولكن الإفراط فيه ممكن يسبب بعض الأعراض، وبالتالي ضروري تعرف فوائده والقيمة الغذائية فيه وأضرار الإفراط فيه بجانب طريقة إعداده.
الخروب
- بيعتبر من عائلة البازلاء بينمو على شجرة دائمة الخضرة وبيستخدم الخروب المجفف سواء عصير أو بذور
- أما الخروب المجفف بيستخدم في صناعة المخبوزات والوجبات الخفيفة وبيعتبر بديل للقهوة والكاكاو أحيانًا
القيمة الغذائية في الخروب
- كل 100 جرام من دقيق الخروب المطحون بتحتوي على:
- 222 سعر حراري
- 88 جرام كربوهيدرات
- 4.6 جرام بروتين
- 0.6 جرام دهون
- 39 جرام ألياف
- 827 مليجرام بوتاسيوم
- 348 مليجرام كالسيوم
- 35 مليجرام صوديوم
فوائد الخروب
- بيقلل مستويات الكوليسترول الضار في الجسم لأنه غني بمضادات الأكسدة والدراسات بتأكد إن الفاعلية بتزيد مع تناوله باستمرار لمدة 6 أسابيع
- بيعتبر مشروب مثالي لمرضى ضغط الدم لأنه خالي من الكافيين وبيحتوي على نسبة بوتاسيوم بتحسن صحة القلب
- بيساعد على الوقاية من بعض أنواع السرطانات وتحديدًا سرطان الرئة
- استهلاكه بنسب معقولة بيقلل فرص الإصابة بالسكر وبيحسن صحة مريض السكر وبيحافظ على مستويات السكر الطبيعية
- غني بمواد زي الفوسفور والكالسيوم وبعض الأحماض اللي بتحمي من هشاشة العظام وبتقلل فرص الإصابة بشلل الأطفال
- تناوله باعتدال وبكميات محسوبة بينظم هرمونات الجوع والشبع في الجسم وبالتالي بتقل الكمية اللي بيطلبها الجسم للأكل عشان كده دوره أساسي في مكافحة السمنة
- بعض الدراسات بتقول إنه بيقلل فرص القيء والغثيان مع بداية الحمل، لكن ضروري لأي مرأة حامل تستشير طبيبها المتخصص عشان يقرر لو هتشربه ولا لأ ويحدد الكمية المناسبة منّه
- بينظم عملية الهضم وبيقلل أعراض الإسهال الحاد عند الكبار أو الأطفال بجانب إنه مسموح بيه لمرضى حساسية القمح
- بيحتوي على حمض الغاليك اللي بيساعد على تخفيف حدة الآلام وبيشتغل مع المعادن والفيتامينات الأخرى كمضادات للفيروسات والجراثيم
طريقة تصنيع الخروب الجاف وفوائده
- بتجفف قرون الخروب عن طريق تعريضها للشمس لفترة طويلة وبعدها بتطحن وبيستخدم أحيانًا كبديل للكاكاو
- بيعتبر مصدر رئيسي للألياف القابلة للذوبان ولكنه بيمد الجسم بكمية عالية من السعرات الحرارية والسكريات وبالتالي ضروري تبقى حريص وقت تناوله
- بيعالج حالات الإسهال والتهاب الحلق وبيخفف القيء وبيعالج أمراض القلب والأنفلونزا
- خالي من الكافيين وبالتالي أغلب المواد اللي بيدخل فيها الخروب الجاف بتساعد على تخفيف حدة العصبية والتهيج واضطراب المعدة وارتعاش العضلات
- بيحمي من إصابة الشخص بضربات القلب السريعة وبيحافظ على معدل ضربات القلب الطبيعية
أضرار الإفراط في تناول الخروب
- بعض الأشخاص بيصابوا بأعراض مزعجة وقت تناول الخروب خصوصًا اللي بيعانوا من حساسية من بعض المسكرات والبقوليات
- بيزوّد مستويات السكر في الدم لأنه غني بالسعرات الحرارية وبالتالي ممكن يسبب مضاعفات خطيرة لمرضى السكر
طريقة تحضير الخروب
المكونات
- كوبايتين خروب مجروش
- كوباية سكر (بتقلل كمية السكر أو بتزوّدها حسب الحاجة ولكن الأفضل تقللها لو مريض سكر أو عندك تاريخ وراثي معاه)
- 4 كوبايات مياه
الطريقة
- حط الخروب مع السكر على النار وقلب لحد ما السكر يتحول لكراميل وضيف المياه بالتدريج وقلب كويس وسيب الخليط على النار يغلي لمدة 3 دقايق
