المحتويات
فوائد الحرنكش متنوعة لأنه غني بالعناصر الغذائية المفيدة للصحة ودراسات كتير أكدت إنه بيحسن صحة القلب والعظام وبيمنع الإصابة ببعض أنواع السرطانات.
العناصر الغذائية في الحرنكش
- الحرنكش بيسمى أحيانًا بالتوت الذهبي ولونه برتقالي وبتحميه قشرة خارجية سهل تشيلها قبل تناوله، وكل 140 جرام حرنكش فيهم:
- 74 سعر حراري
- 2.26 جرام بروتين
- 15.4 مليجرام فيتامين C
- 3.92 مليجرام فيتامين B3
- 5 مليجرام فوسفور
- 0.15 مليجرام فيتامين B1
- 50 مليجرام فيتامين أ
- 1.4 مليجرام حديد
- 13 مليجرام كالسيوم
فوائد الحرنكش لتقوية النظر
- بيحتوي على الكاروتين الضروري لصحة العينين والخبراء بيأكدوا على أهمية أكله بكميات معتدلة للأشخاص اللي شغلهم أغلبه على الإنترنت
الحرنكش والوقاية من السرطان
- بيحتوي على نسبة عالية من مجموعة فيتامينات ب في الجسم اللي بتشتغل لإصلاح أي أضرار في الجينات والـ DNA
- بيقلل فرص الإصابة بتشوهات الخلايا وانقسامها الشاذ وبيمنع نمو الأورام خصوصًا أورام البروستاتا
فوائد الحرنكش لتقوية المناعة والوقاية من الإنفلونزا
- فيتامين C في الحرنكش بيقلل فرص الإصابة بالإنفلونزا وبيقوي المناعة
الحرنكش ومرضى السكر
- بيعتبر غذاء مثالي لمرضى السكر لأنه خالي من الصوديوم والكوليسترول وبالتالي بيقلل فرص ارتفاع نسبة سكر الدم
فوائد الحرنكش لتقوية العظام
- الفسفور والكالسيوم في الحرنكش بجانب معادن تانية كلها عناصر بتغذّي العظام وبتساعد بعض المواد الكيميائية الطبيعية في الحرنكش على سرعة امتصاص الكالسيوم في العظام وبالتالي بتقل فرص التهابها وبتزيد فرص التئام كسورها
أهمية الحرنكش لمرضى القلب
- مضادات الأكسدة في الحرنكش بتمنع أكسدة الكوليسترول الضار في الجسم وبالتالي بتقل فرص الإصابة بأمراض القلب وبتقل المضاعفات لو الشخص مريض بقصور في عضلة القلب
- البوتاسيوم والفلافانول الموجودين في الحرنكش بينظموا ضربات القلب وبيوسّعوا الأوعية الدموية وبيحافظ الحرنكش على ضغط دم طبيعي داخل جسم الإنسان حتى لو مريض ضغط
أضرار الإفراط في تناول الحرنكش
- بيزوّد مستويات السكر وقت الإفراط في تناوله وبالتالي أكل كميات بسيطة منّه مع الالتزام بأدوية السكر بجرعاتها المقررة أساس الوقاية من أضراره
- تجارب كتير أكدت إن الحرنكش بيزوّد خطر الإصابة بالنزيف وبالتالي ضروري تستشير طبيب قبل تناوله لو هتعمل جراحة قريبًا أو لسه خارج من جراحة
- بعض الدراسات بتقول إن الحرنكش بيأثر بالسلب على وظائف الكلى والكبد وقت تناول كميات كبيرة منّه
