صحة
غذاء ملكات النحل: العناصر الغذائية وفوائده والكميات المناسبة
إزاي تفهم تأثير غذاء ملكات النحل على جسمك؟
المحتويات
غذاء ملكات النحل غني بالعناصر الغذائية اللي بتحمي من الأمراض وبتخفف أعراض أمراض كتير، ولكن ضروري تناوله باعتدال لأن الإفراط فيه ممكن يسبب مشاكل صحية.
العناصر الغذائية في غذاء ملكات النحل
- مياه بنسبة من 60% لـ 70%
- بروتين من 12% لـ 15%
- دهون من 3% لـ 6%
- سكر من 10% لـ 16%
- أحماض أمينية وأملاح وفيتامينات من 2% لـ 3%
- بيحتوي على نسب بسيطة من الحديد والنحاس والفسفور والكبريت والبوتاسيوم والكالسيوم والسيليكون ومركبات زي ركبات مهمة مثل الجلوبين جاما (gamma globulin)
فوائد غذاء ملكات النحل
- بيخفف حدة أعراض متلازمة ما قبل الحيض زي انحباس السوائل وزيادة الوزن
- بيستخدم في تصنيع أدوية بتعالج تقرحات القدمين بسبب مرض السكر وبيساعد على إزالة الأنسجة الميتة
- بيعالج ارتفاع نسبة الكوليسترول في الدم وبيقلل تدفق الدم لبعض الخلايا السرطانية
- بيحسن جوّدة المبايض عند السيدات والحيوانات المنوية عند الرجال
- غني بمركبات طبيعية بتحمي الجلد من الجفاف وبتكافح الالتهابات
- بيقلل فرص التجاعيد وعلامات تمدد الجلد
- الكميات المناسبة منّه بتساعد على تنظيم مستويات السكر في الدم وإزالة الدهون المترسبة في الأوعية الدموية وبالتالي الحفاظ على صحة القلب
الكمية المناسبة
- الدراسات بتنصح بتناول من 8 لـ 10 جرامات منّه يوميًا (معلقة بحجم معلقة الشاي) للحصول على الاستفادة الممكنة
أضرار الإفراط فيه
- بعض الأعراض بتظهر نتيجة تناول كمية كبيرة منه زي:
- الغثيان
- القيء
- صعوبة التنفس
- ألم البطن
- الإسهال
- رد فعل تحسسي عند بعض الأشخاص بيظهر في الحكة الشديدة أو تورّم الوجه والأطراف
- ممكن تطور الأعراض لحدوث نزيف في القولون وخروج دم مع البراز وبالتالي ضروري تتناوله بكميات قليلة وتحت إشراف طبيب متخصص لو بتعاني من أمراض الجهاز الهضمي
تأثيره على الجلد
- بعض خبراء التجميل بينشروا فوائد غذاء ملكات النحل للجلد ولكن دهنه على الجلد لازم يكون بكميات محسوبة
- الأفضل تستخدم مستحضرات التجميل والكريمات المستخلصة من غذاء ملكات النحل ولو هتحطه في صيغته الخام ضروري تبقى الكمية بسيطة
استخدامه للحوامل والمرضعات
- ضروري لأي حامل أو مرضعة استشارة طبيب متخصص قبل تناوله عشان يقيم حالتها الصحية ويحدد الكميات المناسبة ليها
تفاعله مع أدوية التجلط
- الدراسات بتقول إن بعض الأدوية اللي بتمنع السيولة بتتفاعل مع غذاء الملكات وبالتالي ضروري تستشير طبيبك والأحسن تتجنب تناوله
