عملية الليزك: كل اللي محتاج تعرفه عنها وإزاي تعرف لو مناسبة ليك

عملية الليزك بتعتبر من عمليات تصحيح النظر عن طريق أشعة الليزر وبتصحح أي خلل في الرؤية وانعكاسات البصر وبتساعد على تركيز الضوء على شبكية العين وبالتحديد في الجزء الخلفي من العين.

تعريف  عملية الليزك 

• عملية بتزوّد فرص سقوط الضوء على الشبكية مباشرة خلف العين وبتقلل الحاجة لارتداء النضارات الطبية أو العدسات اللاصقة
• بيستخدم أطباء العيون أشعة الليزر عشان يعدّلوا شكل قرنية العين عن طريق إزالة طبقة رقيقة جدًا منها
• بيتشال جزء من النسيج الداخلي لحد ما تتتكون الطبقة السطحية تاني واللي بتلتحم بدون جراحة
• بيقعد المريض على كرسي كأنه في عيادة طبيب الأسنان وبيستخدم الطبيب بنج موضعي من خلال قطرة في العين
• بيستخدم الطبيب أشعة ليزر عشان تأثر على القرنية عن طريق فتحها وتعديل أي انحراف موجود

دواعي عملية الليزك

قصر النظر

• معناه رؤية الأشياء القريبة بوضوح وتشوش رؤية الأشياء البعيدة وبيحصل بسبب مقلة عين أطول من الطبيعي أو بسبب تحدب القرنية
• الضوء بيتركز أمام الشبكية وبتزيد فرصة تشوش رؤية الأشياء البعيدة

طول النظر

• بيدل على رؤية الأشياء البعيدة بوضوح وتشوش رؤية الأشياء القريبة بسبب مقلة عين أقصر من الطبيعي وقرنية مسطحة زيادة عن اللزوم
• الضوء بيتركز خلف الشبكية مش عليها مباشرة وبالتالي بتتشوش رؤية الأشياء القريبة

اللابؤرية (الاستيجماتيزم)

• بتعتبر خلل عام وتشوش في الرؤية وبيحصل بسبب انحناء في القرنية وبالتالي بتقل فرص وضوح الرؤية من قريب أو من بعيد
• القرنية وعدسة العين بيحصل فيهم إنحناءات غير متطابقة والمنحنى بياخد شكل بيضاوي مش مجرد منحنى واحد في هيئة كرة وده بيسبب عدم وضوح الرؤية في كل المسافات
• عمومًا أغلب المشاكل اللي بتؤدي لعمل جراحة الليزك هي بسبب عدم سقوط الضوء على الشبكية خلف العين

أنواع عملية الليزك 

الليزك السطحي PRK 

• بيتسمى أحيانًا بقشط القرنية الليزري
• من أقدم عمليات الليزك وبتستخدم في وقت ضعف القرنية وعدم قدرتها على تحمّل أشعة الليزر الحديثة
• بيتسلط الليزر على القرنية مباشرة بدون إزالة طبقة القرنية السطحية
• أحيانًا بتزيد بعض الآلام في العين بتستمر لمدة 3 أيام وبتسبب تشوش بسيط في الرؤية

عملية الليزك التقليدية

• بيستخدم طبيب العيون جهاز اسمه مبضع القرنية المجهري (microkeratome) عشان يفصل طبقة القرنية السطحية
• بيحافظ على وجود جزء بسيط منها قبل تسليط الليزر لعلاج أي تحديب في القرنية وبعدها بترجع طبقة القرنية الرقيقة تلتحم تاني مع العين

الفيمتوليزك Femto-Lasik 

• بتعتبر عملية سريعة وآمنة وبيستخدم فيها الأطباء الحد الأدنى من الأدوات الحادة والدقيقة لأن عملية إبعاد الطبقة الدقيقة عن القرنية بتتعمل عن طريق الليزر
• الليزر بيكوّن طبقة دقيقة ورقيقة بعد كده بتبعد عن سطح العين باستثناء جزء بسيط منها
• بيتعاد تشكيل سطح القرنية مرة تانية وبتتكون تاني الطبقة الرقيقة اللي بتغطي سطحها

الفيمتو سمايل Femto-Smile 

• من أحدث التقنيات الطبية لعلاج الليزك وبتعالج مشاكل القرنية حتى لو الطبقة السطحية رقيقة جدًا
• بتفصل أشعة الليزر طبقة رقيقة من طبقة القرنية وبعدها بتعمل ثقب بشعاع الفيمتو سكند طوله 3 مم عشان تستخرج طبقة القرنية اللي فصلتها الأشعة
• وبالتالي مش هيبقى فيه أي داعي لرفع أي جزء من نسيج القرنية

مدة العملية 

• بتستغرق العملية حوالي من 5 لـ 7 دقايق في كل عين يعني مدة العملية كلها حوالي من 10 لـ 15 دقيقة

عوامل الخطورة 

• لازم طبيب العيون يفحص حالة العين بدقة عشان يحدد إذا كانت ملائمة للمريض ولا لأ
• بيسأل المريض عن حالته الصحية عشان يتأكد من عدم وجود أي خطورة عليه
•  الخبراء بيوصّوا بعدم إجراء أي عملية ليزك في بعض الحالات زي:
• ضعف المناعة بسبب بعض الأدوية أو وقت الإصابة بفيروس نقص المناعة البشري (الإيدز)
• بعض اضطرابات المناعة زي التهاب المفاصل الروماتويدي
• جفاف العين المزمن
• تغيرات الهرمونات بسبب الحمل والولادة والرضاعة
• اضطراب جفن العين والتهاب القرنية والتهاب العنبية وإعتام عدسة العين
• الإصابة بأي مرض في العين بيسبب ترقق القرنية
• عدم وضوح الرؤية بسبب التقدم في العمر
• ممارسة رياضية بتسبب صدمات في الوجه
• توسع شديد في حدقة العين أو ترقق القرنية

مميزات عملية الليزك 

• تحسين الإبصار لأعلى درجة (بيوصل لـ 6/6)
• عدم وجود أي ألم وسرعة فترة نقاهة (بتستمر لمدة 3 أيام)
• بتستغرق مدة بسيطة جدًا (مش أكتر من 15 دقيقة كحد أقصى)

مضاعفات عملية الليزك 

• جفاف العين لأنها بتقلل إنتاج الدموع مؤقتًا وده اللي بيخلي الطبيب يوصف قطرات لعلاج الجفاف بعد العملية
• إزالة قدر بسيط من أنسجة العين بيخلي التصحيح ناقص وبيتطلب إعادة العملية مرة تانية
• الإفراط في التصحيح بسبب تراكم أشعة الليزر فوق أنسجة العين ممكن يسبب مشاكل في الرؤية
• عدم الدقة أو إزالة النسيج بشكل غير متساوي بيسبب الاستيجماتيزم بيحتاج جراحة تانية لعلاجه أو حتى ارتداء نضارة طبية أو عدسات لاصقة
• المضاعفات نسبتها قليلة طالما

الاستعداد لعملية الليزك 

• بلاش تدخن يومها أو قبلها
• الأطباء بينصحوا بعدم ارتداء العدسات اللاصقة قبلها بشهر
• تجنب استخدام أي عطور على الوجه أو غسول في يوم العملية وقبلها بيومين وضروري للسيدات تجنب أي مكياج في العين
• لازم يبقى معاك حد عشان يوصلك البيت بعد العملية لأن بعدها بتبقى الرؤية ضبابية أحيانًا

أعراض ممكن الشعور بيها بعد العملية 

• حكة أو خشونة أو حرقان في العين
• إفراز دموع بكمية كبيرة في البداية وبتجف العين بعدها بمدة بسيطة
• ألم بسيط في العين وإحساس بجفافها
• اعرف إن رؤيتك هتتحسن بعدها بمدة بسيطة لكن هتبقى حادة وقوية في خلال شهر أو اتنين حسب مدى جودة الرؤية