صحة

علاج فطريات الفم وأسبابها وطرق الوقاية منها

إزاي تعالج فطريات الفم؟

علاج فطريات الفم ضروري لأنه بيحصل نتيجة نوع معيّن من الخمائر اللي بتتركز في الفم تحديدًا وبتسبب عدوى خطيرة ممكن تزوّد حدة الأعراض وتعرض المريض لمضاعفات خطيرة.

علاج فطريات الفم

الأسباب 

  • بتظهر نتيجة ظهور نوع معيّن من الخمائر اسمه (Candida albicans) ولكنها بتتطور وبتتكاثر وبتزيد عن الحد وبتسبب أعراض خطيرة
  • العلماء اكتشفوا أسباب كتير لظهور الخمائر المكوّنة للفطريات منها:
  • التوتر والقلق المستمر
  • التدخين
  • الإفراط في استخدام غسول الفم
  • بعض المشاكل الصحية زي جفاف الفم والسكر وحتى الإصابة بالأورام السرطانية الخبيثة
  • سوء التغذية وقلة تناول الأطعمة الغنية بالألياف والبروتينات الغنية بالفيتامينات والمعادن
  • الخضوع لعملية زرع أعضاء بتسبب استجابة مناعية مفرطة ممكن تبقى سبب في ضعف المناعة تجاه مقاومة الفطريات
  • عدم الحفاظ على صحة الفم واستخدام تقويم أسنان بجودة منخفضة بدون الاعتناء به
  • بعض أدوية الكورتيزون ومنع الحمل والمضادات الحيوية والعلاج الكيماوي والإشعاعي  بيزوّدوا فرص الإصابة بالفطريات

فرص الإصابة بالعدوى 

  • دراسات كتير بحثت في فرص الإصابة بالعدوى من فطريات الفم وانتقالها من شخص للتاني
  • التقارير بتأكد إن التواصل الطبيعي مع الشخص المصاب مش بينقل البكتيريا ولكن بعض السلوكيات ممكن تبقى سبب في انتقالها من شخص للتاني زي:
  • التقبيل
  • الجنس الفموي
  • انتقال الفطريات من الأم للجنين اللي بترضعه طبيعي لأنه بينتقل عن طريق حليب الأم

الأعراض 

  • ضعف التذوق
  •  تشقق واحمرار الفم خصوصًا في الزوايا 
  •  نزيف وقت محاولة الحكة فيها 
  •  احمرار وتهيّج في اللثة 
  •  فطريات ظاهرة بلون أبيض على اللسان وسقف الفم واللثة 
  •  أحيانًا بتزيد صعوبة البلع مع انتشارها أسفل المريء
  • امتناع الرضيع عن الرضاعة
  • في بعض الحالات النادرة (خصوصًا مع الإصابة بالسرطان أو فيروس نقص المناعة المكتسب) بتزيد فرص ظهور فطريات وإحساس غير مريح وألم شديد في المريء

علاج فطريات الفم 

  • بعض الأطباء بيحددوا أدوية زي: 
  • فلوكونازول (Fluconazole) 
  • نيستاتين Nystatin 
  • أمفوتيريسين (ب) (Amphotericin B) 
  •  بس لازم تستشير طبيب متخصص قبل تناولهم لأن تناول أي علاج لازم يكون تحت إشراف طبيب يقيم الحالة بجرعات محددة

الوقاية وتسريع فرص الشفاء 

  • الخبراء حددوا خطوات معينة تسرع فرص الشفاء بجانب إنها بتحميك من الإصابة بالمرض
  • اغسل أسنانك يوميًا بفرشة أسنان ناعمة ولو بتلبس طقم أسنان لازم تنضّفه يوميًا
  • مضمض فمّك بمياه دافية وملح بس بدون ابتلاعهم خصوصًا إن الملح من أكتر الحاجات اللي بتقتل البكتيريا المسببة للفطريات
  • أكل الزبادي بيسرع فرص الشفاء وبيحميك من الفطريات، وممكن يوميًا تدعك الفم واللسان بالزبادي وتسيبه لمدة 5 دقائق على الأقل في فمك وعلى لسانك
  • اخلط 10 قطرات قرفة مع معلقة زيت زيتون ودلّك بيهم تجويف الفم واللسان
  • امضخ توم أو دلّك لسانك وتجويف الفم بـ 10 قطرات من زيت التوم (بس ضروري تستخدمه بعد استشارة طبيبك)
  • نضّف بخاخات الفم لو بتعاني من الربو لأنها ممكن تبقى مصدر إصابة بالفطريات

مقالات ذات صلة

زر الذهاب إلى الأعلى