علاج تورم القدمين الناتج عن احتباس السوائل في الجسم ضروري لأن ممكن يسبب مضاعفات خطيرة زي تقرحات جلدية أو التهابات شديدة بتسبب دمامل وآلام شديدة مع صعوبة في المشي.
تعريف تورّم القدمين
- بيحصل بسبب تراكم واحتباس السوائل أو التهاب الأنسجة والمفاصل
- بتنتفخ القدمين وبيبقوا في حالة غير طبيعية
- بيحصل نتيجة للإصابة ببعض الأمراض أو حتى نتيجة قلة الحركة وعدم بذل أي محهود بدني
- ممكن يبقى مؤشر خطير لو في نفس الوقت بيعاني الشخص من ألم في الصدر وصعوبة في التنفس
الأسباب
- مشكلة في عضلة القلب
- أمراض الكلى والفشل الكلوي الحاد
- تليف الكبد
- انسداد الجهاز اللمفاوي
- الإفراط في تناول المسكنات خصوصًا الآيبوبروفين
- ارتفاع ضغط الدم زيادة عن الطبيعي
- الحمل
- الجلوس لعدد ساعات طويلة أو ارتداء حذاء أو شراب مقاسهم ضيق
- القصور الوريدي وهو حالة بترد فيها أوردة الساق الدم لعضلة القلب مرة تانية
- بعض إصابات الرباط الصليبي
- وجود كسر في القدم
- التهاب المفاصل الروماتويدي
- التواء الكاحل
- الإصابة بالحروق
- زيادة الوزن بشكل غير طبيعي
- أحيانًا بيزيد تورّم القدمين في الصيف نتيجة ارتفاع درجة الحرارة وتمدد الأوعية اللي بتتوسع وبتبقى جزء من عملية التبريد الطبيعية للجسم وبالتالي بتزيد فرص تورّم القدمين
المضاعفات
- عدم القدرة على المشي أو الحركة بشكل طبيعي وزيادة الآلام المبرحة وقت المشي
- تغيرات شديد في لون الجلد
- قرح جلدية بتسبب دمامل والتهابات شديدة بتأثر على صحة الجلد وممكن ينتج عنها بكتيريا خطيرة
علاج تورم القدمين
- لازم تستشير طبيب متخصص عشان تفهم سبب التورم ويساعدك تعالجه
- شرب كميات كافية من المياه والسوائل يوميا لتجنب تورمها (مش أقل من 3 لتر مياه يوميًا)
- البس الشرابات الضاغطة هيساعدك بس ابدأ بتجربة الأخف في الوزن واختار شراب مريح في اللبس بالنسبة لك
- انقع القدمين في حمام مياه باردة وملح الإبسوم من 15- 20 دقيقة لأنه هيساعدك على الاسترخاء وبيقلل التهابات القدم
- ارفع مستوى رجليك عشان يكون أعلى من مستوى القلب باستخدام المخدات أثناء النوم أو الجلوس خاصة لو حامل
- تجنب الوقوف لفترات طويلة وحاول تتحرك كل ساعة في الغرفة
- تورم القدم ممكن يبقى علامة على تخزين المياه في الجسم بسبب نقص المغنيسيوم فيه
- ممكن تعوضه بأكل اللوز والكاجو والسبانخ والبروكلي والأفوكادو والشوكولاتة الغامقة والتوفو
- زيادة الصوديوم في الجسم ممكن يبقى سبب فمهم تقلل كميات الملح اللي بتستخدمها في الأكل
- زيادة الوزن بيقلل نشاط الدورة الدموية فمهم تغير عاداتك الغذائية عشان تقلل وزنك وضروري تحافظ على كميات متوازنة من الألياف وتقلل النشويات والسكريات
- عمل مساج للقدمين في اتجاه القلب باستخدام ضغط بسيط هيقلل التورم
- نقص البوتاسيوم بيسبب تخزين المياه في الجسم وارتفاع ضغط الدم وبالتالي تورم القدمين
- تقدر تعوضه عن طريق أكل البطاطا والفاصوليا البيضاء والموز والفسدق والسلمون والفراخ وتجنب المشروبات الغازية
الوقاية
- العب رياضة قدر المستطاع واتحرك عشان تزوّد تدفق الدم للأوردة
- ارفع رجليك أثناء الجلوس وبلاش تقعد لفترة طويلة بدون الوقوف أو رفع القدم عشان تبقى في مستوى القلب
- ابعد عن الأملاح قدر المستطاع لأنها بتسبب احتباس لسوائل الجسم وبالتالي بتزوّد فرص التورّم
