علاج انسداد الانف ضروري لأنه بيسبب إحساس غير مريح وممكن يبقى مصدر رئيسي للإصابة بالتهابات الأنف، اللي ممكن تأثر على جودة التنفس وبتضعف حاسة الشم، وبالتالي بتقل القدرة على تمييز الروائح المختلفة.
أسباب انسداد الأنف
- الإصابة بفيروسات البرد الشائعة أو التهابات الجهاز التنفسي العلوي وبينتج عنها التهاب الجيوب الأنفية المعدية
- مسببات الحساسية في البيئة بتسبب حساسية الجيوب الأنفية الشديدة
- الاستجابة لحبوب اللقاح سواء أشجار أو أعشاب بتزيد في الشتاء والخريف وبالتالي بتزيد فرص التهاب الجيوب الأنفية التحسسي الموسمي
- بعض الالتهابات غير التحسسية سببها المواد الكيميائية والدخان أو الملوثات البيئية بتزوّد احتقان الأنف وفرص انسداده
- التهاب الجيوب الأنفية التحسسي الدائم بيظهر مع بعض المواد زي الغبار ووبر الحيوانات
- الأشخاص اللي بيتحركوا قليل معرضين أكتر لانسداد الأنف خصوصًا لو بيستلقوا على ضهرهم طول الوقت لأن الاستلقاء بيصعّب التخلص من المخاط
- تضخم اللوزة البلعومية عند الأطفال (الموجودة في الجزء الخلفي من الأنف) بتزوّد فرص الانسداد
- انحراف الحاجز الأنفي (الموجود بين تجويفي الأنف) ممكن يسبب إغلاق لجهة أو اتنين من الأنف
- بتبدأ الأنسجة في الارتخاء والهبوط من طرف الأنف وبالتالي بيزيد الإحساس بالانسداد
علاقة انسداد الأنف بفيروس كورونا
- منظمة الصحة العالمية بتقول إن 5% فقط من المصابين بكورونا بيمرّوا بأعراض انسداد الأنف وإن الأغلبية بيعانوا من:
- سعال جاف
- شعور بالتعب والإنهاك الشديد
- زيادة سمك المخاط من فتحتي الأنف
العلاج
- اخلط معلقة عسل كبيرة على معلقتين خل تفاح وضيف عليهم كوباية مياه دافية واشربها
- اغلى كوباية مياه على النار وضيف عليها 3 فصوص توم وزوّد نصف معلقة كركم
- اغلي كوبايتين مياه في وعاء كبير وغطّي رأسك بفوطة كبيرة واستنشق بخار المياه
- اخلط معلقة ملح صغيرة مع كوباية مياه وضيف كمية بسيطة منها في إيدك واستنشق المياه بملح بفتحة أنف
- ضيف معلقة صغيرة فلفل حار على معلقة كبيرة عسل وكلها
- ضيف قطع زنجبيل صغيرة على عصير الليمون لمدة 10 دقائق قبل شرب العصير
- اشرب مياه بانتظام (مش أقل من 3 لتر يوميًا)
- ابعد عن منتجات الألبان والسكريات والبطاطا
- اشرب شوربة فراخ خفيفة والأفضل تبقى سخنة
- خلي راسك مرفوعة أثناء النوم
- اعمل كمادات مياه باردة على المناطق اللي بتألمك في رأسك
- ضروري تستشير طبيب متخصص في أسرع وقت لو الموضوع زاد عن الطبيعي
- ممكن يوصفلك بعض المضادات الحيوية عشان تقلل الأعراض
- ضروري تلتزم بنظام غذائي صحي غني بالألياف وقلل النشويات والسكريات قدر المستطاع
