المحتويات
علاج المرارة من الحاجات الضرورية لأن المرارة اللي مكانها تحت الكبد في الجنب اليمين من البطن بتخزن العصارة الصفراوية الهاضمة في الأمعاء الدقيقة، وأحيانًا بتحصل مشاكل كتير في المرارة زي الحصوات أو التهاب شديد والاتنين لازم يتعالجوا في أسرع وقت.
أسباب التهاب المرارة
- تكوّن الحصوات اللي بتسد القناة اللي بتمر فيها العصارة المرارية وبالتالي بتتراكم العصارة الصفراوية في المرارة وبتسبب التهابها
- قلة تدفق الدم للمرارة بسبب مشاكل في الأوعية الدموية
- تورّم المرارة بيسبب تراكم العصارة اللي بيسبب الالتهاب
- بعض العدوى الفيروسية والأمراض المناعية بتساعد على زيادة فرص التهابات المرارة
- الإصابة بالسكر أو فقر الدم المنجلي والسمنة
- الدراسات بتقول إن فرص الإصابة بيها بتزيد عند السيدات بعد سن الـ 50 وعند الرجال بعد سن الـ 60
مضاعفات التهاب المرارة
- تراكم الصفراء في المرارة بيسبب التهابها
- ممكن تتطور الأعراض وتسبب انسداد الأمعاء والتهاب البنكرياس
- تراكم الالتهاب لفترة طويلة دون علاج بيسبب مشاكل في الأنسجة ممكن تموّتها وتسبب قطع وانفجار في المرارة
- تورّم المرارة والتهابها بيسبب وجود ثقوب فيها
أعراض التهاب المرارة
- الغثيان والتقيؤ المستمر
- ارتفاع درجة الحرارة
- اصفرار الجلد والعينين
- أحيانًا بتظهر الآلام في شكل نوبات متقطعة مش مستمرة لمدة طويلة وبعض الأطباء بيصنفوه على إنه التهاب المرارة المزمن
أسباب حصوات المرارة
- هي ترسبات صلبة في السائل الهضمي وحجمها ممكن يبقى كبير أو صغير حتى زي حبة الرمل
- زيادة كمية الكوليسترول في العصارة الهضمية
- تكسير الجسم لخلايا الدم الحمراء بيزوّد إفراز مادة كيميائية اسمها البيليروبين اللي بتخزّن العصارة الصفراء في المرارة
مضاعفات حصوات المرارة
- الإصابة بالتهاب المرارة نتيجة انسداد الغدد الصفراوية والاحتفاظ بالعصارة داخلها
- الحصوات ممكن تسبب انسداد قناة البنكرياس وبالتالي التهابه
- في بعض الحالات النادرة ممكن توصل للإصابة بسرطان المرارة
أعراض حصوات المرارة
- ألم شديد أعلى البطن أو في منتصفه وتحديدًا أسفل الصدر
- آلام شديدة في الضهر والكتف
- الإحساس بالغثيان والقيء المستمر
- بتستمر الآلام لدقايق وممكن توصل لساعات كاملة
طرق التشخيص لتحديد علاج المرارة
-
- عن طريق الأشعة HIDA اللي بتعرّفك الحالة الصحية للمرارة والكبد والقنوات الصفراوية والأمعاء الدقيقة
- تحاليل المرارة بتكشف عن وجود حصى والتهابات المرارة ومدى تسرب القنوات الصفراوية وبتعرفك الحالة الصحية للغدد الصفراوية
- لازم تبقى صايم قبل التحليل بـ 4 ساعات على الأقل (عن الأكل بس) وبتتحقن بمادة معيّنة بتابع أداء المرارة
- لازم بعدها تشرب مياه كتير عشان تتخلص من المادة دي من جسمك سواء عن طريق البول أو البراز
علاج المرارة في المستشفى
- عن طريق البقاء في المستشفى لمدة من يومين لـ 3 في حالات الالتهاب الشديد
- بيصوم المريض تمامًا عن الأكل والشرب وبيتعوض احتياجه من الغذاء عن طريق سوائل بتتحقن في الوريد عشان تمنع الجفاف
- بيستخدم الأطباء أحيانًا بعض الأدوية لعلاج الالتهاب زي المضادات الحيوية لمكافحة أي عدوى أو المسكنات لتخفيف الألم
- في أغلب حالات الالتهاب الشديد بيحتاج استئصال المرارة لتفادي أي أخطار محتملة ممكن تزوّد خطورة الحالة
- قبلها بيحتاج الطبيب لإجراء عملية منظار اسمها ERCP أو تصوير البنكرياس والقنوات الصفراوية بالتنظير الباطني ودورها إزالة أي حصوات بتسد القنوات الصفراوية
- بعد استئصال المرارة بتمر العصارة من الكبد للأمعاء مباشرة بدون التخزين في المرارة
علاج المرارة بالأدوية
- بعض الأدوية بتخفف الحصوات وبتساعد على علاج المرارة زي رواكول (Rowachol) اللي بيساعد على تفتيت الحصوات أورسوديول (Ursodiol) بس لازم تستشير طبيب متخصص عشان ينصحك بأفصل علاج لحالتك الصحية
طريقة علاج المرارة بدون أدوية
- دراسة بتقول إن خل التفاح دوره أساسي في علاج آلام المرارة نتيجة لخصائصه المضادة للالتهاب
- اخلط معلقتين خل تفاح مع معلقة عصير ليمون على كوباية مياه دافية
- الخبراء بيأكدوا إن الكركم غني بمضادات الالتهاب ومادة الكركمين
- بيساعدوا على إنتاج العصارة الصفراء وبالتالي إخراج المتراكم منها في المرارة
- اخلط معلقة كركم على كوباية لبن دافية أو ضيفه على أكلك بكمية معتدلة
- اشرب شاي الكركم باستمرار
- الخيار والجزر فوايدهم كتير وفيهم ألياف بتساعد المرارة على إكمال عملها الطبيعي
- دراسة بتأكد إن الخيار غني بمضادات الالتهابات ومزجه مع الجزر بيساعد على تخفيف الألم
- كُل كميات منهم خصوصًا قبل الوجبات أو قطعهم واضربهم في الخلاط واشربهم مرتين يوميًا
- النعناع بيحتوي على مركب اسمه تربين (Terpene) بيساعد في تفتيت الحصوات
- اغلي المياه وضيف عليها معلقة نعناع مجفف.. لو مش بتحب طعمه ضيف نص معلقة عسل
- دراسة تانية بتقول إن الأكلات غنية بالماغنسيوم دورها كبير في تفتيت الحصوات
- موجود في الموز والسبانخ والسمك والبقوليات خصوصًا فول الصويا
- تناولهم باعتدال لأن الإفراط فيه مُضر
- دراسة بتأكد إن الرياضة والنشاط البدني بيقللوا فرص الالتهاب والحصوات خصوصًا في المرارة
- الأكلات المقلية والغنية بالدهون والسكريات بتزود فرص الالتهابات وبتضعف علاجها
- لازم تستشير طبيبك المتخصص وتسأله بالتفصيل عن المسموح والممنوع في نظام الغذائي
الوقاية
- حدد مواعيد محددة لوجباتك يوميًا والتزم بكميات محدودة وقلل الدهون قدر المستطاع
- خلي وجبتك الأساسية غنية بالألياف وقلل اللحوم خصوصًا الحمراء
- الدراسات بتقول إن شرب المياه باستمرار وتناول الفاكهة والخضار بيساعد على تقليل فرص تكوين الحصوات
