المحتويات
علاج التسلخات ممكن عن طريق أدوية في شكل أقراص مضادة للفطريات أو كريمات لتلطيف الجلد، أو ممكن عن طريق بعض الطرق الطبيعية لتقليل تأثيرها والسيطرة عليها، ولكن ضروري تعرف طرق الوقاية منها للأطفال والكبار.
تعريف التسلخات الجلدية
- عبارة عن ثنيات وطيات بتظهر في أوقات الحرارة الشديدة في مناطق تحت الإبط والعانة والمؤخرة والثدي وبين الفخذين
- بتظهر على أجزاء معينة في الجلد مش بكامله وإهمال علاجها بيزوّد تراكم المشكلة
أعراضها
- احمرار ظاهر
- رغبة مستمرة في الحكة
- إحساس بالحرقان وعدم الراحة
- ظهور فقاعات أو بثور
علاج التسلخات بوصفات طبيعية
- اخلط كركم بالمياه بكمية مناسبة بحيث تشكّل عجينة طرية تفردها على مناطق التسلخات أطول مدة ممكنة
- أو ادهن كمية مناسبة من زيت جوز الهند على المناطق المصابة من 3 لـ 4 مرات يوميًا
- املا وعاء صغير بخل التفاح واغمس فيه قطع قطن صغيرة ودلّك بيها أماكن التسلخات 3 مرات يوميًا
- اخلط توم مع زيت زيتون واتأكد إن القوام أشبه بعجينة شبه متماسكة وغطي بيها المنطقة المصابة
- اترك الخليط لأطول وقت ممكن قبل شطف المنطقة المصابة بمياه فاترة
أدوية علاج التسلخات
- بعض الكريمات بتلطف الآثار الجانبية للتسلخات وبتساعد على علاجها زي:
- ميكسدرم (mixderm)
- باندريم (panderm)
- بوليدرم (Polyderm)
- بيتاديرم (Betaderm)
- كيناكومب (Kenacomb)
- بعض الكريمات المخصصة للأطفال زي:
- كير باي كير (Care By Care)
- كريم سيباميد (Sebamed)
- بعض البخاخات المضادة للفطريات بتساعد على العلاج زي كلوسول (closol)
- لو مش قادر تتحملها وبتلاحظ تفاقم الأعراض الأحسن تستشير طبيب متخصص
الوقاية من التسلخات للأطفال
- حافظ على نضافة طفلك باستمرار وتغيير الحفاضة في أسرع وقت بعد اتساخها
- تجنب المناديل المعطرة أثناء تنضيف الطفل
- استخدم صابون مرطب للبشرة الحساسة
- افتكر إن ترك الطفل لفترة من غير حفاضة مفيد لتهوية الجلد
- استخدم زيت جوز الهند أو الزيتون بدل الكريمات الكيميائية
- ادهن منطقة الحفاضة بفازلين لأنه بيمنع احتكاك بشرة الطفل وصول البلل ليها
طرق الوقاية من التسلخات للكبار
- ابعد عن الملابس الضيقة عشان بتزود الاحتكاك والتسلخات خصوصًا الملابس الداخلية
- اهتم بالخامات اللي بتلبسها والأحسن تبقى أغلبها قطن لأنه بيهوي الجلد قدر المستطاع وبيقلل الضرر من أي تسلخات موجودة
- وقت جفاف البشرة استخدم الكريمات المرطبة لأن الجفاف بيسبب تسلخات
- إفرازات العرق مضرة بالجلد والأحسن تستحمى لما تعرق زيادة
- نشف جسمك كويس لأن زي ما الجفاف مضر كمان البلل الزيادة بيزوده
- تقليل الوزن مهم عشان بيسبب احتكاك زيادة في الجلد
- نضف مناطق التسلخات بصابون من غير ريحة
- نشف المنطقة كويس بفوطة قطن نضيفة
- استخدم جل الصبار أو مرطبات زي زيت اللوز والخروع على التسلخات مرتين يوميا أو أكتر حسب الحالة
- الأحسن تحط شاش طبي على المناطق اللي بيحصل فيها احتكاك بالجلد أو الملابس
- زيت الزيتون مهم في تلطيف الجلد وتقليل أي التهاب أو تسلخات
