المحتويات
علاج البواسير ضروري لأن البواسير من الأوردة الدموية المتورمة في الشرج والمستقيم وبتنتشر داخل المستقيم أو تحت الجلد وبتسبب آلام شديدة ممكن توصل لمضاعفات خطيرة.
الفرق بين البواسير الداخلية والخارجية
- تورم أوردة الشرج والمستقيم الداخلي (العضلة الأسطوانية المتصلة بنهاية القولون واللي بيخرج البراز عبرها لخارج الجسم لكن تورمات الجلد حوالين الشرج اسمها البواسير الخارجية
- البواسير الهابطة بتظهر وقت تورّم البواسير الداخلية والتصاقها بفتحة الشرج
- نوع تاني اسمه البواسير المخثورة بسبب تخثر (تجلط) الدم في نسيج البواسير وبتظهر في شكل كتل وتورمات عند فتحة الشرج
أعراض البواسير
البواسير الخارجية
- الإحساس بالحكة والتهيج في منطقة الشرج
- إحساس بالألم وعدم الراحة خصوصًا وقت الجلوس
- تورّم في فتحة الشرج
- نزيف دموي
البواسير الداخلية
- نزيف مع ألم خفيف وقت التبرز
- بتلاحظه في هيئة دماء سواء نزيف أو بكمية بسيطة (نقاط)
- مع الوقت بتسبب آلام شديدة وتهيّج في فتحة الشرج
البواسير المخثورة
- آلام شديدة
- تورمات والتهابات
- كتل صلبة قريب من فتحة الشرج
الأسباب
- الإجهاد الشديد وقت التبرز
- الجلوس لمدة طويلة على المرحاض
- ممارسة الجماع من الشرج
- رفع الأثقال بانتظام بدون أي إجراءات وقائية
- تناول الألياف بكميات بسيطة
- زيادة الوزن
- الإصابة بالإمساك أو الإسهال المزمن
- الحمل
مضاعفات التأخر في علاج البواسير
- فقر الدم وعدم وجود خلايا دم حمراء كافية لنقل الأكسجين لباقي أعضاء الجسم
- في بعض الأحيان وجود تورمات في الجلد أو أوردة الشرج بيسبب النزيف أحيانًا ممكن يتطور لجلطات مؤلمة
- بيزيد الخطر مع كبر السن لأن الأنسجة اللي بتغذي أوردة المستقيم بتضعف مع الوقت
- الحوامل معرضين للإصابة بالبواسير لأن وزن الطفل بيضغط على فتحة الشرج
علاج البواسير بالأدوية
- لازم تستشير طبيب متخص قبل تناول أي دواء سواء أقراص أو مرهم عشان يحدد العلاج الأنسب ليك
أقراص
- دافلون (Daflon)
- دافركس (Dafrex)
- ديفلوروتاسين (Diflorutacine)
- ديوسمين (Diosmin)
- فاريكوسان (Varikosan)
مراهم
- فاكتو (Faktu)
- بروكتوسيديل (Proctosedyl)
- سيديبروكت (Sediproct)
طريقة علاج البواسير جراحيًا
- جراحة استئصال البواسير بينتج عنها التخلص من الأنسجة الزايدة المسبببة للنزيف
- الخبراء بيوصفوا إنها الاختيار الأكثر فاعلية لعلاج البواسير خصوصًا مع تراكم الأعراض وحدتها
- بيزيد الألم لمدة بسيطة بعد العملية وبيتعالج بالمسكنات أو عن طريق الجلوس في حمام مياه دافية
- بعض الدراسات اقترحت تدبيس البواسير كوسيلة نتيجتها أسرع وبتخفف الأعراض الجانبية للعملية وبتقلل فترة النقاهة بعدها
- عملية التدبيس بتحصل لما بيتمنع الدم من دخول أنسجة البواسير وبيزيد استعمالها مع البواسير الداخلية
- خبراء كتير أكدوا إن ليها بعض المضاعفات زي تكرار تدلي المستقيم وظهوره عند فتحة الشرج
- عمليات استئصال البواسير أو تدبيسها أحيانًا بتسبب احتباس بولي وعدوى في الجهاز البولي ممكن علاجها بالأدوية
- بعض الأطباء بيحقنوا نسيج البواسير بمواد كيميائية لزيادة فرص صغر حجمه
- تقنيات الليزر والأشعة تحت الحمراء بيستخدمها الأطباء أحيانًا لزيادة فرص تصلّب البواسير خصوصًا صغيرة الحجم
- أحيانًا بيحاول الأطباء ربط شريط مطاطي حوالين البواسير لقطع الدم عنّها ومع الوقت بتتيبس وتسقط خلال أسبوع
- الإجراء ده كتير بيحذروا من مضاعفاته لأنه بيزوّد فرص حدوث نزيف ومش فعّال في أوقات كتير
الوقاية
- خلي نظامك الغذائي غني بالألياف سواء أكل زي البسلة والبروكلي أو أدوية
- شرب 6-8 كوبايات مياه يوميا بيحميك من الإمساك
- الرياضة بتحافظ على صحة القولون وبتحميك من البواسير
- لو بتاخد أدوية ملينة مهم تبقى بتزود المياه في الجسم وبتعالج الإمساك وراجع النشرة بتاعتها لأن فيه أنواع بتسبب تقلصات في الأمعاء ودي ممكن تزوّد فرص ظهور البواسير
- بلاش تشيل حاجات تقيلة وتقعد مدد طويلة
- مهم تعمل حمام بالطريقة الصح وتقلل الحزق والمدة اللي بتقعد فيه على المرحاض قدر المستطاع
- حط رجلك على كرسي صغير عشان ركبك تبقى أعلى من الفخد
- افرد ضهرك وميل جسمك لقدام واسند كوعك على ركبتك
