طنين الاذن حالة صحية بيسمع فيها الشخص رنين أو ضوضاء في الأذنين أو في أذن واحدة منهم، وبيصيب من 15% لـ 20% من الأشخاص وبينتشر أكتر عند الأشخاص الأكبر سنًا وبيبقى نتيجة لمضاعفات صحية خطيرة.
تعريف طنين الاذن
- الإحساس بالطنين هو إحساس غير موضوعي بتسمع من خلاله ضجيج في الأذنين وبيسمّى إحساس غير موضوعي لأنه قاصر فقط على الشخص المصاب وصعب أو مستحيل تمييزه عن طريق الفحوصات
- مصدر الطنين هو الأذن الوسطى وبيزيد لو الشخص في مكان ساكن وبيقل لو الشخص في مكان فيه ضجيج عالي
الأعراض
- سماع رنين في الأذن حتى مع غياب صوت خارجي ومن أنواع الرنين أصوات زي:
- الأزيز
- الزئير
- الهمهمة
- بتختلف شدّته من زئير منخفض لضوضاء صاخبة وأحيانًا بيبقى عالي لدرجة بتمنعك من سماع أي شيء تاني
- أحيانًا بيحصل الطنين بشكل نبضي أو انفجاري بشكل متزامن مع ضربات القلب ووقتها لو بتشتكي من النوع ده من الطنين تقدر توصف للطبيب طبيعة الطنين وهيقدر يسمعها أثناء الكشف عليك
- بيسبب الطنين أعراض زي الدوار أو الدوخة وأعراض تانية زي الاكتئاب والقلق والخوف المستمر
المضاعفات
- الاكتئاب
- القلق والتوتر
- سهولة العصبية وفرط الاستثارة
- مشكلات كبيرة في العمل والحياة الأسرية
- صعوبة النوم
- مشاكل الذاكرة واسترجاع المعلومات
الأسباب
- تناول بعض الأدوية زي المضادات الحيوية والأدوية المدرّة للبول والأدوية المضادة للاكتئاب وأدوية الملاريا
- الإصابات في الدماغ أو الرقبة أو مشاكل أعصاب السمع
- التهاب الأذن بسبب تراكم السوائل أو الشمع فيها وبالتالي بتتغير مستويات الضغط في الأذن
- تني الشعيرات الداخلية أو كسرها في الأذن الداخلية بتسبب تسرّب لبعض النبضات الكهربائية العشوائية للدماغ وبالتالي بتزيد فرصة طنين الأذن
- فقدان السمع أو ضعفه الشديد لأنه الشعيرات السمعية الدقيقة في الأذن الداخلية بتتحرك لما الموجات الصوتية بتمر على الأذن والحركة دي بترسل إشارات كهربائية على طول العصب السمعي للدماغ وده بيفسر الدماغ للإشارات دي على إنها صوت وبيظهر في هيئة طنين
- تشنجات عظام الأذن الداخلية
- أورام العصب السمعي أو أورام في الرأس والرقبة
- اضطرابات الأوعية الدموية زي تصلّب الشرايين وارتفاع ضغط الدم
- مشاكل الغدة الدرقية والصداع النصفي وفقر الدم واضطرابات المناعة زي التهاب المفاصل والذئبة
- داء مينيير وهو اضطراب في الأذن الداخلية بسبب ضغط سوائل الأذن الداخلية
علاج طنين الأذن
- اعرف إن أغلب طرق العلاج هدفها الرئيسي تخفيف حدة طنين الأذن وصعب العلاج الكامل من الشعور به
- بعض الأدوية اللي بتخفف التهابات الأذن وبتقلل حجم المضاعفات
- أو بيوصي الطبيب بتغير دواء لدواء تاني بيقلل أعراض طنين الأذن على المريض خصوصًا إن من ضمن أسبابه تناول بعض الأدوية
- إزالة انسداد الشمع بتخفف انسداد أعراض طنين الأذن
- علاج مشاكل الأوعية الدموية أحيانًا بيخفف حدة الطنين
- لو الموضوع مرتبط بكبر العمر ومصاحب لضعف عامل في السمع فضروري تستخدم أدوية مساعدة على السمع لكن بعد استشارة طبيب متخصص
- بعض الأجهزة المحاكية لأصوات الطبيعة زي أصوات المطر أو الطبيعة بتخفف حدة الطنين
- أجهزة تانية بتتركب داخل الأذن بتسبب صوت ضجيج أبيض خفيف وبتخفي صوت الطنين المزعج
الوقاية
- البس سماعات واقية من الصوت العالي الموجود في المكان اللي إنت فيه خصوصًا لو بتقضي مدة طويلة
- العب رياضة وحافظ على تناول كميات أكل صحية ومناسبة عشان تقلل فرص الإصابة بأعراض أمراض الضغط والقلب والشرايين اللي من ضمنها طنين الأذن
- قلل تناول المشروبات الكحوليات أو التدخين قدر المستطاع عشان تقلل فرص سماعك لطنين الأذن أو التعرض لمشاكل في السمع عمومًا خصوصًا إن دراسة في جامعة ويسكونسن ماديسون بتقول إن التدخين المستمر أو التعرض للمدخنين بيزود فرص فقدان السمع
- اعمل اختبارات السمع لأنها أساسية في اكتشاف أي مشكلة
- تناول الأطعمة الغنية بفيتامينات A/C/E بالإضافة لفيتامين B12 بتحميك من فقدان السمع
- حافظ على الهدوء والثبات الانفعالي وتجنّب الصعبية الزائدة لأنها بتأثر على السمع.
