طريقة عمل لانشون اللحمة

اللانشون من الأطعمة اللذيذة وسهلة التحضير ومفضلة لكل الأسرة خاصة للأطفال، لكن في الفترة الأخيرة انتشرت دراسات علمية بتحذر من استهلاكه بسبب المواد الكيميائية التي بتدخل في تصنيعه، وارتبطت بأمراض متعلقة بالكبد والتسمم الغذائي والسرطان.. نقدم لك في هذا الموضوع طريقة لتحضيره بشكل آمن في المنزل  

المكونات:

– 1/2 كيلو لحمة مفرومة

– بيضتين

– معلقة كبيرة دقيق

– معلقتين كبار بقسماط ناعم

– معلقة كبيرة بابريكا 

– معلقة صغيرة كمون

– معلقة صغيرة ملح

– معلقة صغيرة  فلفل أسود 

– معلقة صغيرة توم مفروم

– زيتون أسود أو أخضر حلقات 

– ماء مغلي

– ورق لورا

الطريقة:

1- في الكبة.. اخلط اللحمة مع ملح وفلفل وتوم

2- ضيف الكمون والبابريكا والبقسماط والدقيق والبيض 

3- رش فلفل أسود وزيتون على ورق حفظ الأكل البلاستيك

4- افرد خليط اللحمة على الورق وخليه طبقة متساوية

5- لف الورق رول ولفه تاني في ورق فويل

6- في مياه مغلية.. حط ورق لورا وفلفل أسود

7- ضيف اللحمة في الفويل وسيبه ساعة لحد ما يستوي

8- سيبه يبرد وبعد كدة دخله التلاجة