المحتويات
طريقة عمل الكوكيز سهلة وممكن تدخل عليها إضافات لذيذة مع حبيبات الشوكلاتة وقطع المارشملو الصغيرة، وتعتبر الكوكيز حلوى مفضلة للكبار والأطفال، خاصة إنك ممكن تضيفها للانش بوكس، وممكن تعملها بطرق صحية عشان تضيف قيمة غذائية للنكهة اللذيذة.
طريقة عمل الكوكيز التقليدية
المكونات
- كوبايتين دقيق
- تلت أربع كوباية سكر
- كوباية زبدة
- بيضتين
- كوبايتين حبيبات الشوكولاتة (شوكولت شيبس)
- معلقة صغيرة بيكربونات الصوديوم
- معلقتين صغيرين فانيليا
- رشة ملح
الطريقة
- اخفق الزبدة مع السكر والفانيليا والبيض
- ضيف الدقيق وبيكربونات الصوديوم والملح على الخليط السابق وقلب كويس
- ضيف حبيبات الشوكولاتة
- في حالة إن العجينة جافة ومش متجانسة ضيف معلقة كبيرة مياه سخنة
- قسم العجينة لكرات صغيرة ورصها متباعدة في صينية غير قابلة للالتصاق أو على ورق زبدة
- دخلها الفرن لمدة 11 دقيقة على درجة حرارة 180
طريقة عمل كوكيز بالشوكولاتة
المكونات
- كوباتين ونص دقيق
- 4 معالق كبار كاكاو خام
- كوباية ونص زبدة
- بيضتين
- معلقتين صغيرين بيكنج بودر
- معلقة صغيرة فانيليا
- كوباية سكر
- كوباية حبيبات الشوكولاتة
الطريقة
- أخفق الزبدة بمضرب البيض لحد ما قوامها يبقى طري ولونها فاتح
- ضيف السكر والبيض والكاكاو والفانيليا واخلط كويس وبعد كدة ضيف الدقيق والبيكنج بودر
- بعد ما يبقى قوام الخليط متماسك.. ضيف حبيبات الشوكولاتة
- ممكن تستبدل حبيبات الشوكولاتة بقطع صغير من نوع شوكولاتة مفضل
- شكل العجينة لكرات صغيرة ورصها متباعدة في صينية عليها ورق زبدة
- دخل الصينية الفرن على درجة حرارة 180 لمدة 10 دقائق
طريقة عمل كوكيز الريد فيلفيت
المكونات
- كوباية وتلت دقيق
- 4 معالق صغيرين كاكاو
- نص معلقة صغيرة بيكربونات الصوديوم
- رشة ملح
- نص كوباية زبدة
- بيضة
- نص كوباية سكر
- معلقتين صغيرين لون طعام أحمر
- معلقة صغيرة فانيليا
- كوباية رقائق شوكولاتة بيضاء
- معلقة صغيرة خل
الطريقة
- اخلط الدقيق مع الكاكاو وبيكربونات الصوديوم والملح
- بالمضرب الكهربائي.. اخفق الزبدة مع البيض والسكر والفانيليا والخل
- ضيف خليط الدقيق وقلب لحد ما يتجانس الخليط.. وضيف رقائق الشوكولاتة
- شكل العجينة لكرات صغيرة ورصها في صينية عليها ورق زبدة
- دخل الصينية الفرن لمدة 10 دقايق على درجة حرارة 180
طريقة عمل الكوكيز الصحية بالشوفان
المكونات
- كوباية شوفان خشن
- معلقة صغيرة بيكنج بودر
- كوباية دقيقاأسمر
- نص كوباية دقيق درة
- كوباية عسل نحل
- نص كوباية زيت
- بيضة
- نصف كوب رقائق الشوكولاتة الخام/ الغامقة
- رشة ملح
- معلقة صغيرة فانيليا
- نص معلقة صغيرة قرفة
الطريقة
- اخلط الشوفان مع الدقيق الأسمر ودقيق الذرة والبيكنج بودر والملح والقرفة
- اخلط العسل مع البيض والزيت والفانيليا
- ضيف الخليط الجاف وقلب لحد ما يبقى عجينة وضيف رقائق الشوكولاتة
- ممكن تستبدل رقائق الشوكولاتة بزبيب أو الجرانولا
- شكل العجينة كرات صغيرة ورصها متباعدة في صينية عليها ورق زبدة
- دخل الصينية الفرن لمدة 10 دقايق على درجة حرارة 180
