لما بتفكر تعمل بيتزا في البيت، بيكون أصعب مرحلة هي العجينة، وكتير مننا له تجارب سيئة كانت نتيجتها بيتزا ناشفة أو سميكة زيادة عن اللازم، بنقدم لك طريقة عمل عجينة البيتزا بسهولة وخطوات بسيطة هتاخد منك دقايق وتكون جاهزة.
المكونات
- 4 كوبايات دقيق مخبوزات
- معلقة صغيرة سكر
- كيس خميرة فورية
- معلقتين صغيرين ملح
- كوباية ونص مياه دافية
- زيت زيتون
طريقة عمل عجينة البيتزا:
- اخلط الدقيق مع السكر والخميرة والملح في العجان
- ممكن تضيف معلقة صغيرة زعتر ناشف + نص معلقة بودرة توم
- ضيف المياه ومعلقتين كبار زيت زيتون
- كمل عجن على سرعة متوسطة لحد ما تبقى عجينة متماسكة
- لو العجينة كانت لسه لزجة ضيف معلقة كبيرة لحد ما تتماسك
- لو كانت ناشفة ضيف معلقة مياه
- رش الرخامة شوية دقيق وابدأ في العجن
- ادهن بولة عميقة بمعلقتين صغيرين زيت زيتون وحط العجينة
- غطي البولة بالإسترتش وسيبها في مكان دافي لمدة ساعة
- اقلب العجينة على سطح مرشوش بالدقيق واقسمها قطعتين متساويتين
- غطيها تاني بالإستريش لمدة 15 دقيقة
- افرد كل جزء لحد ما تبقى بسمك سم
