المحتويات
طريقة عمل شوربة السي فود ممكن تكون بنكهات مختلفة وطرق جديدة لتقديم أشهى وجبات المأكولات البحرية، وتستفيد من فوايدها الصحية لأنها بتحتوي عناصر غذائية مهمة بتعزز مناعة الجسم وقدرته على مقاومة الأمراض زي التهابات المفاصل، وغنية بأوميجا 3 اللي بيعزز الذاكرة والقدرة العقلية ويمنع الزهايمر
طريقة عمل شوربة السي فود الحمراء
المكونات
- ربع كيلو فيليه سلمون أو قشر بياض مقطع مكعبات
- نص كيلو جمبري متوسط متقشر
- معلقتين كبار زيت زيتون
- بصلة صغيرة مفرومة
- ثمرة فلفل أخضر مفرومة
- جزرتين متوسطين مفرومين
- فصين توم مفروم
- كوباية صلصة طماطم
- تلت كوباية شوربة فراخ (مكعب مرقة سمك + تلت كوباية مياه)
- كوباية طماطم مقطعة مكعبات
- ورق لورا
- نص معلقة صغيرة زعتر مجفف
- ربع معلقة صغيرة ريحان مجفف
- ملح وفلفل أسود
- 3 معالق كبيرة بقدونس مفروم
الطريقة
- سخن معلقة كبيرة زيت زيتون على نار متوسطة وشوح البصل والتوم
- ضيف الفلفل الأخضر والجزر والطماطم
- ضيف المرق وشوربة الطماطم والتوابل وسيبها تغلي لمدة 30 دقيقة
- شوح الفيليه أو السلمون والجمبري في باقي زيت الزيتون لمدة 7-10 دقائق مع ملح وفلفل أسود وورق اللورا
- ضيف السمك والجمبري لخليط الشوربة ورش البقدونس المفروم
طريقة عمل شوربة السي فود بالكريمة
المكونات
- ربع كيلو سلمون أو قشر بياض فيليه مقطع مكعبات صغيرة
- نص كيلو جمبري
- ربع كيلو بلح البحر
- 4 قطع كابوريا مقطعة قطع صغيرة
- ربع كيلو كاليماري مقطع شرائح
- بصلة صغيرة مفرومة
- فصين توم مفروم
- كوبايتين كريمة طبخ
- معلقتين كبار زبدة
- كوبايتين مياه
- نص معلقة صغيرة كمون
- ملح وفلفل أسود
الطريقة
- شوح البصل في الزبدة لحد ما يدبل وضيف التوم
- ضيف السلمون أو الفيليه والجمبري والكاليماري وبلح البحر والكابوريا وقلب لمدة 5 دقايق
- تبل السي فود بالملح والفلفل الأسود والكمون وضيف المياه وسيب الخليط يغلي على نار هادية لمدة 10 دقايق
- ضيف الكريمة وقلب الشوربة لحد ما يتجانس وسيبها تغلي 5 دقايق
طريقة عمل شوربة السي فود المكسيكية
المكونات
- كيلو سي فود (سلمون أو قشر بياض فيليه مقطع مكعبات صغيرة/ بلح البحر/ جمبري مقشر/كاليماري مقطع شرايح)
- ربع كوباية زيت زيتون
- معلقة صغيرة بابريكا
- فصين توم مفروم
- بصلة صغيرة مفرومة
- ثمرة فلفل أحمر مفرومة
- 2 فلفل هالبينو أو حار مفروم
- نص معلقة صغيرة زعتر
- معلقة صغيرة كزبرة مجففة
- كوبايتين عصير طماطم
- معلقة صغيرة كمون
- كوباية مرق فراخ
- نص كوباية درة
- بشر حبة ليمون
- معلقة كبيرة عصير ليمون
الطريقة
- سخن الزيت وشوح السي فود مع البابريكا
- ضيف البصل والتوم الفلفل الأحمر و الهالبينو
- تبل بالملح والفلفل الأسود والكزبرة والكمون والزعتر
- ضيف المرق وعصير الطماطم وسيب الشوربة لمدة 15 دقيقة على نار هادية
- ضيف قشر وعصير الليمون والدرة وسيبها 5 دقايق وارفعها من على النار
شوربة السي فود الكورية مع النودلز
المكونات
- ربع كيلو بلح البحر
- نص كيلو جمبري
- ربع كيلو كاليماري مقطع شرايح رفيعة
- ثمرتين كوسة مقطعة لشرايح رفيعة
- نص رأس كرنب مقطع شرايح رفيعة
- كوباية مشروم مقطع شرايح رفعية
- بصلة حمراء مقطعة شرايح رفيعة
- 450 جرام نولدز كوري أو أي نوع بتفضله
- 3 معالق زيت
- معلقة صغيرة رقايق فلفل حار
- معلقة صغيرة جنزبيل مفروم
- معلقتين كبار صويا صوص
- 4 كوبايات مياه
- فصين توم مفرومين
- ملح وفلفل أسود
- عود بصل أخضر مقطع شرايح رفيعة
- معلقة كبيرة خل أزر
الطريقة
- سخن الزيت وضيف رقائق الفلفل الحار والتوم والجنزبيل والبصل الأخضر وقلب لمدة دقيقة أو دقيقتين على نار هادية عشان تتجنب حرق الفلفل الحار
- علي النار لدرجة متوسطة وضيف الكوسة والمشروم والبصل والكرنب وقلب لحد ما الخضار يطرى
- ضيف بلح البحر والجمبري والكاليماري وقلب كويس، وبعد كده ضيف خل الأرز والصويا صوص وضيف المياه وسيب الخليط يغلي
- بعد 8 دقايق..ضيف الملح وفلفل الأسود
- أول ما السي فود يبدأ يستوي ضيف النودلز وقلب لمدة 5 دقايق وارفع الشوربة من على النار
- ممكن تسلق النودلز الأول وتضيفها بعد ما ترفع الشوربة من على النار
