المحتويات
القهوة سريعة التحضير أو إسبريسو بمجرد إضافة معلقة صغيرة منها على مكونات الحلويات، بتضيف نكهة مميزة، وخاصة لعشاق القهوة، ممكن تستمتع بها مع أصدقائك أو عيلتك في ليلة صيفية، وكوباية ميكس فرابتشينو أو فنجانك المفضل.
دونتس القهوة والشوكولاتة
المكونات
- كوباية دقيق
- نص كوباية قهوة سريعة التحضير
- نص كوباية كاكاو
- معلقة صغيرة زبدة
- نص معلقة صغيرة فانيليا
- بيضة
- نص كوباية سكر بني
- معلقة صغيرة بيكينج بودر
- نص كوباية + معلقتين كبار لبن حليب
- ربع كوباية رقائق شوكولاتة
الطريقة:
- اخلط الدقيق والكاكاو والبيكنج بودر
- اخفق السكر البني مع اللبن والقهوة والبيض والزبدة والفانيليا
- ضيف الدقيق بالتدريج للخليط
- ضيف رقائق الشوكولاتة وقلب لحد ما تتجانس المكونات
- ادهن صينية بالزبدة وحط الخليط في كيس الحلواني
- وزع الخليط في شكل الدونات على الصينية
- دخل الصينية الفرن لمدة 15 دقيقة لحد ما تستوي
رول القهوة والمكسرات
المكونات
- 4 بيضات
- تلت أربع كوباية سكر
- نص كوباية دقيق
- معلقة صغيرة بيكنج بودر
- نص معلقة صغيرة فانيليا
- ربع كوباية عين جمل مفروم ناعم
- رشة ملح
الحشو
- نص كوباية سكر
- 3 معالق كبيرة دقيق
- معلقتين صغيرين قهوة سريعة التحضير
- رشة ملح
- كوباية وربع لبن حليب
- 400 جرام شوكولاتة خام
- بيضة
- معلقة كبيرة زبدة
- معلقة صغيرة فانيليا
الطريقة
- اخفق صفار البيض على سرعة عالية لمدة 5 دقائق بالمضرب الكهربائي لحد ما يبقى قوامه سميك
- ضيف تلت كوباية سكر وفانيليا بالتدريج
- اخلط الدقيق مع البيكنيج بودر والملح وضيفهم بالتدريج لخليط صفار البيض
- ضيف عين الجمل على خليط الدقيق والبيض وقلب كويس بالمعلقة السيليكون
- اخفق بياض البيض على سرعة متوسطة لحد ما يعلى
- ضيف السكر الباقي معلقة معلقة مع استمرار الخفق بالتدريج
- حط خليط الدقيق على البيض والسكر وقلب كويس بالمعلقة السيليكون
- افرد الخليط في صينية مفرود عليها ورق زبدة ودخلها الفرن لمدة 15 دقيقة
- بعد ما تبرد الكيك.. شيل ورق الزبدة وحطها على فوطة نضيفة ولفها براحة وسيبها لمدة 5 دقايق
- اخلط السكر والدقيق والقهوة والملح وضيف اللبن على نار متوسطة
- ضيف الشوكولاتة وقلب لحد ما تسيح
- سيب الخليط على نار هادية وقلب كل دقيقتين لحد ما يغلي
- ارفع الخليط من على النار
- اخفق البيض في مقدار كبشة من الخليط وضيفها عليه وقلب كويس
- ضيف الزبدة والفانيليا
- افتح الكيك ووزع حشوة الشوكولاتة والقهوة بالتساوي ولفها تاني في الإستريتش ودخلها التلاجة لمدة نص ساعة
- ممكن تغطيها بصوص الشوكولاتة أو السكر البودرة
براونيز القهوة
المكونات
- كوباية دقيق
- معلقة صغيرة ملح
- معلقة صغيرة بيكينج بودر
- 400 جرام شوكولاتة خام
- نص كوباية زبدة
- بيضتين
- نص كوباية سكر
- كوباية قهوة سريعة التحضير
- نص كوباية سكر بني
- معلقة صغيرة فانيليا
- ربع كوباية عين جمل/ بقان مفروم
الطريقة
- اخلط الدقيق والملح وبيكينج بودر
- سيح الشوكولاتة في الميكروويف أو حمام مائي
- اخلط الزبدة مع السكر والبيض وضيف القهوة والشوكولاتة والفانيليا
- ضيف الدقيق للخليط وقلب كويس وضيف عين الجمل أو البقان
- في صينية صغيرة.. وزع خليط البراونيز على ورق زبدة
- دخل الصينية الفرن لمدة 25 دقيقة وقطعها مربعات
كريم كرامل بالقهوة
المكونات
- 5 بيضات
- نص لتر لبن حليب
- معلقة صغيرة فانيليا
- نص معلقة كبيرة قهوة سريعة
- معلقتين كبار سكر
الكراميل
- 5 معالق سكر
- 3 معالق مياه
- نص معلقة صغيرة قهوة سريعة الذوبان
الطريقة
- حط السكر مع المياه على النار لحد ما يبقى لونه بني وضيف القهوة وقلب كويس لحد ما يتجانس
- وزعه في قالب كبير أو في قوالب صغيرة وسيبه يبرد
- اخفق البيض مع اللبن والفانيليا والسكر والقهوة سريعة الذوبان لحد ما يتجانسوا
- وزع خليط البيض على الكراميل في القوالب
- حط في القوالب أو القالب في صينية أكبر مليان مياه
- دخل الصينية في الفرن لحد ما يتماسك حوالي ساعة
- سيبه يبرد ودخله التلاجة
- اقلبه في طبق التقديم
موكا أيس كريم
المكونات
- كوباية لبن ساقع
- تلت أربع كوباية سكر
- معلقتين كبار إسبريسو أو قهوة سريعة التحضير
- معلقتين كبار كاكاو خام
- كوبايتين كريمة خفق
- معلقة صغيرة فانيليا
- كوباية بسكويت شوكولاتة مقطع صغير
الطريقة
- اخفق بمضرب كهربائي اللبن مع السكر واسبريسو والكاكاو لحد ما السكر يدوب
- ضيف الكريمة والفانيليا واخفق كويس لمدة 5 دقايق وضيف قطع
- البسكو
- يت وقلب بالمعلقة
- دخل الأيس كريم الفريزر لمدة 4 ساعات
