طريقة عمل بسكويت بنكهات مختلفة وخطوات سهلة

طريقة عمل البسكويت سهلة لكنها بتحتاج دقة في تحضير المكونات نفسها، لكنه من المخبوزات اللذيذة والخفيفة، وأساسي للضيوف مع القهوة أو الشاي، وكمان مفيد للأطفال بسبب مكوناته زي اللبن والبيض لأنهم مصادر للكالسيوم المفيد للعظام، ومع إضافات تانية زي عصير البرتقال الغني بفيتامين سي وبيعزز من مناعة الجسم.

طريقة عمل بسكويت البرتقال 

المكونات

• كيلو دقيق
• كوباية ونص سمنة
• كوبايتين سكر بودرة
• ربع كوباية عصير برتقال
• 4 بيضات
• معلقة كبيرة بيكنج باودر
• معلقة صغيرة قشر البرتقال

الطريقة

• اخلط الدقيق مع البيكنج بودر
• اخفق السمنة مع السكر بمضرب الكهربا لحد ما يبقى قوام كريمي
•  ضيف البيض وعصير وقشر البرتقال، وبعد كدة ضيف الخليط على الدقيق وقلب كويس لحد ما يبقى عجينة
• شكل العجينة بكيس الحلواني بقطاعات البسكويت 
• رص البسكويت في صينية مدهونة سمنة ودخلها الفرن على درجة حرارة 160

طريقة عمل بسكويت بالبندق

المكونات

• كوباية بندق مطحون
• تلت أربع كوباية سكر
• كوباية دقيق
• معلقة صغيرة زيت
• كوباية زبدة
• معلقة صغيرة بيكنج بودر
• رشة ملح
• معلقة صغيرة قرفة
• شوكولاتة سايحة (للتزيين)

الطريقة

• اخلط الدقيق والبيكنج بودر والملح والقرفة وضيف البندق المفروم
• اخفق الزبدة مع السكر بمضرب كهربائي لحد ما يبقى قوامه كريمي 
• ضيف خليط الدقيق بالتدريج وكمل الخفق لحد ما يتجانس كله مع بعضه ويبقى عجينة متماسكة وطرية 
• قسم العجين لقطع صغيرة وشكلها بالأشكال 
• رص في صينية مدهونة بكمية قليلة زيت ودخلها الفرن على درجة حرارة 180 لمدة 20 دقيقة
• بعد ما البسكويت يبرد.. اغمس قطع البسكويت في الشوكولاتة السايحة 

طريقة عمل بسكويت بالقهوة

المكونات

• كوباية ونص دقيق
• معلقة صغيرة فانيليا
• تلت كوباية سكر بني
• معلقة كبيرة قهوة سريعة التحضير
• تلت كوباية كاكاو
• رشة ملح
• تلت أربع كوباية زبدة

الصوص

• معلقتين كبار لبن حليب
• كوبايتين وربع سكر بودرة
• معلقة صغيرة فانيليا
• 3 معالق كبيرة زبدة

الطريقة

• اخفق الزبدة لمدة نص دقيقة وضيف الكاكاو والقهوة سريعة التحضير والفانيليا والسكر البني والملح لمدة 3 دقايق
• ضيف الدقيق وكمل خفق لحد ما يبقى عجينة متماسكة 
• شكل العجينة في اسطوانة وغطيها بالأستريتش وحطها في التلاجة لمدة ساعتين 
• قطع العجينة باستخدام السكين على شكل أقراص سمكها 1 سم 
• رص البسكويت في صينية مدهونة لمدة 10 دقايق وسيبه يبرد
• حضر الصوص.. سيح الزبدة لحد ما يبقى لونها بني وضيف الفانيليا ومعلقة كبيرة لبن وسكر، وقلب كويس لحد ما يبقى قوامها كريمي 
• ضيف كمية اللبن الباقية وممكن تضيف ربع معلقة صغيرة من القهوة السريعة، ووزع الصوص على البسكويت  

طريقة عمل بسكويت العسل

المكونات

• كوباية وتلت دقيق القمح الكامل
  
• نص كوباية جنين القمح
  
• معلقتين كبار سكر بني
  
• ربع كوباية عسل
• 6 معالق كبيرة زبدة
  
• معلقة صغيرة بيكنج بودر
  
• نص معلقة صغيرة بيكربونات الصوديوم
• معلقة صغيرة قرفة
  
• رشة ملح
  
• 4 معالق كبيرة مياه مثلجة 

الطريقة

• اخفق الزبدة مع السكر البني وضيف عليهم الدقيق وجنين القمح وبيكنج بودر والقرفة والملح وبيكربونات الصوديوم
• اخلط المياه والعسل وقلب كويس.. وضيفهم للخليط السابق وقلب لحد ما تبقى عجينة متماسكة 
• قسم العجينة نصين وغطيها وحطها في التلاجة لمدة 30 دقيقة 
• رش الرخامة كمية دقيق صغيرة افرد كل جزء من العجينة 
• قطعها بسكينة حادة مربعات أو مستطيل حسب الرغبة 
• خرم كل قطعة بالشوكة ورصها في صينية عليها ورق زبدة، ودخل الصينية الفرن لمدة 10-12 دقيقة

طريقة عمل بسكويت اللانكشير

المكونات

• كوبايتين دقيق
• نص كوباية نشا
• كوباية وربع زبدة سايحة
• نص كوباية سكر بودرة
• بيضة
• ربع معلقة فانيليا
• ربع معلقة بيكنج بودر
• معلقتين كبار مربى مشمش
• جوز هند/ مكسرات مجروشة

الطريقة

• اخفق السكر والزبدة لحد ما يبقى خليط ناعم الملمس ولونه فاتح، ضيف البيضة والفانيليا وكمل خفق
• بعد ما تتجانس المكونات.. ضيف الدقيق والنشا والبيكنج بودر بالتدريج، واخلط كويس لحد ما تبقى عجينة متماسكة
• دخل العجينة التلاجة لمدة نص ساعة، وشكلها لكرات صغيرة الحجم (حجم حبة البندق)
• رص البسكويت في صينية مدهونة بالزيت، وسيب مسافة بين كل واحدة
• دخل الصينية الفرن السخن على درجة 170 لحد ما يبقى لون البسكويت دهبي
• سيب البسكويت يبرد.. وادهن قاعدة قطعة بسكويت بمربى المشمش والزق القطعة التانية
• رش جوز الهند أو مكسرات مجروشة على الأطراف

طريقة عمل بسكويت بالروز ماري وعين الجمل

المكونات

• كوباية ونص دقيق
• نص كوباية سكر
• كوباية زبدة
• 2 صفار بيض
• معلقة صغيرة روزماري مطحونة
• ربع كوباية عين جمل مطحون

الطريقة

• اخلط الدقيق والزبدة لحد ما يبقى مفرول 
• ضيف السكر وصفار البيض والروزماري وعين الجمل 
• اعجن العجينة لمدة دقيقة ولف الاستريتش وسيبها لمدة ساعة
• شكل البسكويت ورصها في صينية مدهون زبدة أو زيت 
• دخل البسكويت الفرن على درجة حرارة 160 لمدة 20 دقيقة