المحتويات
طريقة عمل الكيكة الاسفنجية في البيت هيسهل عليك تحضير الجاتوه والتورتة لأعياد الميلاد والمناسبات المختلفة، وممكن كمان تقدمها مع الشاي أو القهوة للضيوف لأن طعمها لذيذ وهشة وخفيفة.
طريقة عمل الكيكة الاسفنجية
المكونات
- 5 بيضات
- ربع كوباية مياه
- نص معلقة كبيرة خل
- معلقة صغيرة فانيليا
- رشة ملح
- كوباية سكر
- 4 معالق كبار زيت
- كوباية دقيق
- ربع كوباية نشا
- معلقة صغيرة بيكنج بودر
الطريقة
- افصل صفار البيض عن البياض
- اخلط الدقيق مع النشا والبيكنج بودر
- اخفق البياض مع المياه والملح والخل بالمضرب الكهربائي
- ضيف السكر بالتدريج وكمل خفق لحد ما يتضاعف حجم البياض ويكون في شكل الرغوة
- مع استمرار الخفق.. ضيف الفانيليا وصفار البيض والزيت
- خفف سرعة المضرب وضيف خليط الدقيق بالتدريج واستمر في الخفق لحد ما تتجانس كل المكونات
- بطن قالب الكيك بالزيت وورق الزبدة ورشة دقيق
- وزع خليط الكيك في القالب
- حط القالب على الرف الأوسط في الفرن على درجة حرارة 180 درجة لمدة 45 دقيقة
طريقة عمل الكيكة الاسفنجية الإيطالية
المكونات
- نص كوباية + معلقة كبيرة سكر
- 4 بيضات
- رشة ملح
- معلقة صغيرة فانيليا
- كوباية دقيق
الطريقة
- سخن الفرن على درجة حرارة 170
- الأفضل استخدام البيض بدرجة حرارة الغرفة
- اخفق البيض مع والسكر والملح والفانيليا بالمضرب الكهربائي
- ممكن تستبدل الفانيليا بقشر ليمون
- انخل الدقيق وضيفه بالتدريج لخليط البيض
- بطن الصينية بالزيت والدقيق ووزع عليها خليط الكيك
- دخل الصينية الفرن لمدة 40 دقيقة واطفي الفرن وسيب الصينية لمدة 5 دقايق جوه الفرن
حشوات لتزين الكيكة الاسفنجية
- سيب الكيك في التلاجة ليلة كاملة قبل التقسيم والتزيين عشان يسهل عليك من غير ما تتفتت
- ممكن تضيف نقطة أو اتنين من لون الطعام المفضل أثناء خفق المكونات
حشوة الفانيليا
المكونات
- علبة خليط كاسترد/ بودينج بنكهة الفانيليا
- كوباية ونص لبن حليب
- كوبايتين كريمة مخفوقة
الطريقة
- اخفق خليط الكاستر/ بودينج مع اللبن وحطه في التلاجة لمدة 10 دقايق
- ضيف الكريمة على خليط البودينج
حشوة الشوكولاتة
المكونات
- نص كوباية سكر بودرة
- 3 معالق كبيرة كاكاو
- كوبايتين كريمة تقيلة
- علبة جبنة كريمي
- كوباية بودينج شوكولاتة
الطريقة
- اخفق الجبنة الكريمي لحد ما تبقى ناعمة وضيف عليها السكر البودرة والكاكاو
- انقل الخليط على نار هادية واستمر في التقليب وضيف الكريمة
- ضيف البودينج وقلب لمدة 3 دقايق لحد ما يبقى خليط سميك
حشوة الفاكهة
المكونات
- 4 كوبايات أي فاكهة مفضلة
- كوباية مياه
- نص كوباية سكر
- 4 معالق نشا درة
- معلقتين كبار عصير ليمون
الطريقة
- قطع الفاكهة لقطع صغيرة
- اخلط النشا مع المياه وارفعها على النار
- ضيف السكر والليمون والفاكهة
- استمر في التقليب لحد ما الخليط يبقى سميك
حشوة الليمون
المكونات
- نص كوباية سكر
- ربع معلقة صغيرة ملح
- نص كوباية نشا درة
- 2 صفار بيض
- تلت أربع كوباية مياه
- معلقتين كبار زبدة
- نص كوباية عصير ليمون
- معلقة كبيرة قشر ليمون
الطريقة
- اخلط السكر والنشا والملح وضيف صفار البيض لحد ما يبقى لونها فاتح
- ضيف مياه وقلب كويس وانقلها على نار هادية لحد ما يغلي
- ارفع الخليط من على النار وضيف الزبدة وقشر الليمون
- ضيف عصير الليمون بالتدريج
- غطي الحشوة بالإستريتش وحطها في التلاجة لمدة ساعة لحد ما تتماسك
