القهوة التركي لها مذاج خاص عند تناولها، أشخاص كتير بيعتبروا الفنجان الصباحي الخطوة الأولى لبداية اليوم ونقطة أساسية في الروتين اليومي، بين المظبوط والزيادة والمانو (على الريحة)، بوش أو مغلية، اختلفت أذواق تناولها لكن نكهتها القوية هي أكتر شيء مميز، بجانب إن لها فوائد صحية زي خفض نسبة الكوليسترول في الدم، والوقاية من النوبات القلبية أو السكتات الدماغية، بتقلل فرص الإصابة بالسكري وأمراض السرطان، هنقولك طريقة عمل القهوة عشان تطلع مظبوطة وبوش.
المكونات
- معلقتين صغيرين بن (بالنوع المفضل)
- فنجان مياه باردة
- سكر (حسب الرغبة)
طريقة عمل القهوة
- في كنكة القهوة.. حط السكر والبن
- ضيف المياه وقلب كويس واتأكد إن المكونات تجانست كلها مع بعض
-
المياه مهم تكون باردة عشان تدي فرصة للبن يستوي على النار
-
بعد التقليب لمدة دقيقة.. حط الكنكة على نار هادية (أقل درجة ممكنة)
- هتبدأ تظهر رغوة على الوجه وهترتفع مع الغليان
- ممكن تقلب القهوة مرة أو مرتين وهي على النار لحد ما يظهر الوش
- ارفع القهوة من على النار قبل الفوران وصبها في الفنجان
