مشروب مثالي لفصل الصيف لأنه منعش وغني بالكافيين وبيساعد على التركيز وتحسين المزاج، كمان غني بالعناصر الغذائية المفيدة زي مضادات الأكسدة اللي بتحمي القلب والأوعية الدموية وتقي من السرطان، بنقدم لك طريقة عمل الشاي المثلج بخطوات سهلة
المكونات
- كوبايتين وربع مياه
- 6 أكياس شاي
- 6 كوبايات مياه ساقعة
طريقة عمل الشاي المثلج
- حط كوبايتين المياه على النار لحد ما تغلي
- ضيف أكياس الشاي واطفي النار وغطيه لمدة 15 دقيقة
- شيل أكياس الشاي من غير ما تعصرها عشان هتضيف مرارة على الطعم
- ضيف المياه الساقعة وحطه في التلاجة
- قدمه مع تلج وضيف سكر (حسب الرغبة)
- تقدر تغير النكهات وتضيف شرايح ليمون/ ورق نعناع/ توت بري/ عيدان قرفة/ شرايح جنزبيل
