السجق البلدي.. بيتكون من اللحمة المفرومة والبهارات وبيتحشي بها ممبار الخروف أو البقر، وبيدخل في وصفات لذيذة زي المشوي أو بالطماطم والبصل أو مع حشوة الفطائر والكريب والبيتزا.. بنقدم لك طريقة عمل السجق البلدي في البيت بآمان باستخدام الممبار الضاني:
المكونات
- كيلو ممبار ضاني
- نص كيلو لحمة مفرومة ناعمة
- فصين توم
- بصلة كبيرة
- نص معلقة صغيرة قرفة
- معلقة صغيرة ملح
- نص معلقة صغيرة فلفل أسود
- بشرة جوزة الطيب
- نص معلقة صغيرة جنزبيل
- رشة شطة
- نص معلقة صغيرة بابريكا
طريقة عمل السجق البلدي
- افرم البصلة مع التوم وضيفهم على اللحمة والتوابل وقلب كويس
- بعد تنضيف الممبار كويس.. احشيه بخلطة اللحمة
- لف الممبار كل 12 سم عشان يكون فاصل ويبقى نفس شكل السجق الجاهز
- بعد الحشو.. اسلق السجق في مياه مغلية مع ورق لورا وحبهان
