المحتويات
طريقة عمل البفتيك من أسهل الأكلات اللي ممكن تعملها في عزومة سواء على العشاء أو الغذاء، تحضيره سهل وطعمه شهي ولذيذ، ممكن يبقى مقلي أو في الفرن أو مشوي، وممكن تقدمه مع صوصات مختلفة، وهنقولك أكتر من طريقة لإعداده.
طريقة عمل البفتيك التقليدية
المكونات
- كيلو لحم بقري (وش الفخدة)
- نص كوباية خل
- 3 معالق كبار توم مفورم
- بصلة مفرومة
- معلقتين كبار زيت زيتون
- ملح وفلفل أسود
- بيضة
- معلقتين كبار عصير ليمون
- كوبايتين بقسماط خشن
- زيت للقلي
الطريقة
- في بولة عميقة.. اخلط الخل والتوم والبصل وزيت الزيتون والفلفل الأسود والملح والليمون، واخلط المكونات كلها مع بعض
- حط شرايح بين ورقتين زبدة ودقها بمطرقة اللحم عشان تكون رقيقة وتمتص التتبيلة
- انقع اللحمة في التتبيلة لمدة ليلة كاملة في التلاجة
- اخفق البيضة مع رشة ملح وفلفل أسود
- في طبق مسطح.. حط البقسماط
- اغمس شرايح البفتيك في البيض وبعد كده في البقسماط واضغط عليه كويس
- حمر شرايح البفتيك في الزيت السخن حوالي 7 دقائق أو لحد ما يبقى لونه دهبي
- قدمه مع المكرونة أو سلطة وبطاطس محمرة
طريقة عمل البفتيك في الفرن
المكونات
- نص كيلو لحمة بفتيك
- رأس توم مفروم
- ربع كوباية عصير ليمون
- معلقتين كبار ملح مدوب في 4 معالق كبار مياه
- نص كوباية زيت زيتون
- 2 عود روزماري
- معلقة صغيرة كمون
- معلقتين صغيرين عسل
- معلقة صغيرة كمون
الطريقة
- اخلط زيت الزيتون والملح والروز ماري وعصير الليمون والكمون والعسل
- في كيس للطعام.. ضيف خليط التتبيلة مع شرايح اللحمة واقفل الكيس كويس ورجه عشان المكونات تتجانس
- دخل الكيس للتلاجة لمدة ساعة
- سخن الفرن على درجة حرارة 200، ورص اللحمة على الشواية لحد ما يبقى لونها بني من الجهتين
- حط البفتيك في صينية مع الصلصة في الفرن مرة تانية لمدة نصف ساعة
طريقة عمل البفتيك مع الخضار
- نص كيلو لحمة بفتيك شرايح
- 3 ثمرات فلفل ألوان مقطع حلقات
- كوبايتين زهور بروكلي
- 3 ثمرات طماطم
- جزرتين مقطع حلقات
- 3 ثمرات كوسة مقطعة حلقات
- بصلة مفرومة
- 5 فصوص توم
- نص كوباية دقيق
- مكعب مرقة
- 3 معالق كبار زيت
- معلقة كبيرة صلصة
- نص معلقة صغيرة بابريكا
- ملح وفلفل أسود
- نص معلقة صغيرة قرفة
الطريقة
- على نار متوسطة.. اسلق الفلفل الألوان والجزر والكوسة والبروكلي المقطع في مياه لحد ما يستوي
- افرد شرايح اللحم وتبلها بالدقيق
- سخن الزيت واقلي شرايح اللحمة لحد ما تستوي
- في نفس الطاسة.. شوح البصل والثوم لحد مايدبلوا وضيف مكعب المرقة
- ضيف الملح والفلفل الأسود والبابريكا والقرفة والصلصة
- رجع اللحمة في الطاسة وسيبها لحد ما تغلي
- في صينية.. حط خليط اللحمة وعليه الخضار ودخله الفرن لمدة 10 دقايق
