اختراق الموبايل بيحصل لأسباب كتير ممكن تبقى مش واخد بالك منها لكنه ممكن يكشف بياناتك الخاصة لأطراف خارجية، وحساباتك على مواقع التواصل الاجتماعي، وبيعرضك لحوادث السرقة، وممكن يأثر سلبيًا على حياتك ويعرضك للابتزاز من مجهولين، ولكن خطوات بسيطة تقدر تحمي موبايلك من الاختراق وتحافظ علي خصوصية بياناتك
- تجنب تدوس على أي لينك مش عارف مصدره
- حمل أي تطبيق محتاجه بس من المتجر الرسمي سواء App Store أو Google Play
- حمل أجدد التحديثات اللي نزلت لنظام تشغيلك لأن نسبة الأمان فيها دايمًا أعلى
- لأن الشركات بتقدم مميزات في الأنظمة الجديدة وبتسد الثغرات الأمنية اللي بتهدد خصوصية المستخدمين
- اختار كلمة سر صعبة لتليفونك وغيرها باستمرار وخليها مختلفة عن كلمات السر لباقي حساباتك
- تجنب شبكات الواي فاي المفتوحة لأنها ممكن تُستخدم للتجسس عليك
- اقفل البلوتوث والواي فاي والـMobile Data لو مش بتستخدمهم
- راجع من خلال الإعدادات أي إتاحة للصور أو لاستخدام الميكروفون
- تطبيقات كتير للـAnti viruse على Google play بتحمي تليفونك
- تجنب تشحن تليفونك من خلال توصيل الـUSB في جهاز غريب وخلي معاك الشاحن والـ Adapter أو باور بانك طول الوقت
- الغي تسجيل الدخول التلقائي خصوصًا في تطبيقات البنوك والشراء عشان تقلل فرص اختراق الموبايل
- ماتنشرش معلومات خاصة زي رقم تليفونك على مواقع التواصل عشان بتسهل الاختراق
- يستحسن تعمل Backup لبياناتك وتحفظها على هارد أو على اللاب توب وتمسح البيانات الشخصية باستمرار
