المحتويات
شكاوى الكهرباء من الخدمات الضرورية اللي بتقدمها وزارة الكهرباء والطاقة المتجددة لحل الأزمات المرتبطة بالكهرباء عند المواطنين، الشكوى مش مرتبطة بس بانقطاع التيار الكهربائي واللي بيزيد خلال فصل الصيف نتيجة زيادة الأحمال، ولكن طلبات وخدمات كتير بتقدمها الشركة وبالتالي أنواع كتير للشكاوى ممكن تقدمها لما تحس بخلل ممكن يأثر عليك شخصيًا أو على الآخرين أو على المنظومة ككل.
أنواع شكاوى الكهرباء
- تكرار انقطاع التيار الكهربائي
- ضعف التيار والجهد الكهربائي
- شكوى من محصل أو كشاف
- الإبلاغ عن سرقة تيار
- التضرر من فصل التيار
- الإبلاغ عن فساد
- الرغبة في إجراء محضر سرقة تيار
- الإبلاغ عن مشكلة في الإنارة العامة بسبب أعمدة مضيئة في النهار أو مظلمة في المساء
- التضرر من الرشاوي
- طلب تعويض مالي بسبب زرع الأبراج
- الرغبة في رفع ارتفاع أعمدة كهربائية
- طلب تغيير عداد
- الرغبة في تركيب محوّل
- طلب تقوية التيار
شكاوى فواتير الكهرباء
- ادخل على موقع وزارة الكهرباء والطاقة المتجددة واملا البيانات المطلوبة منّك
- خليك جاهز بصورة الفاتورة واختار مكان كويس وإضاءة مناسبة لتصوير الفاتورة قبل رفعها على الموقع
- خليك دقيق في معلوماتك وافتكر إن صحة البيانات من قواعد قبول الشكوى
- لو عايز تقدم شكوى أونلاين بخصوص حاجة تانية غير الفواتير املا بياناتك وقدم شكوتك على الرابط ده
الاتصال للشكوى عبر التليفون
- الشركة القابضة لكهرباء مصر خصصت خدمة لتلقي شكاوى المواطنين لفواتير الكهرباء عن طريق الواتس آب:
- شمال القاهرة 01283388888
- شبرا والساحل وروض الفرج والزيتون والشرابية وحدائق القبة والزاوية الحمراء ومصر الجديدة والنزهة وشرق وغرب مدينة نصر
- عين شمس والسلام والوايلي وباب الشعرية والعبور ومدينة القاهرة الجديدة وشرق وغرب شبرا الخيمة والخانكة والقناطر الخيرية
- جنوب القاهرة 01278117626
- عابدين وغرب ووسط القاهرة ومنشية ناصر والموسكي والتبين وحلوان ومدينة 15 مايو والمعادي والبساتين ودار السلام والسيدة زينب ومصر القديمة والخليفة والمقطم
- وبتضم كمان أغلب مناطق الجيزة زي العجوزة والدقى والهرم وبولاق والعمرانية وشمال وجنوب الجيزة ومدينة 6 أكتوبر ومدينة الشيخ زايد ومراكز ريف الجيزة
- شمال الدلتا 01097217682
- دمياط والدقهلية وكفر الشيخ
- جنوب الدلتا 01207774849
- القليوبية عدا امتداد القاهرة الكبرى والمنوفية عدا مدينة السادات والقرى التابعة لها ومركز الخطاطبة في الغربية
- البحيرة: 01000549020
- الإسكندرية: 01289533661
- مصر العليا: 0100282251 (أسوان وقنا والأقصر وسوهاج)
- القناة: 01270003430
- العاشر من رمضان والشروق ومدينة بدر والشرقية وبورسعيد والسويس والإسماعيلية والبحر الأحمر وشمال وجنوب سيناء
طرق التوفير في استهلاك الكهرباء
- اقفل اللمبات اللي مش بتستخدمها
- اعتمد على ضوء الشمس في الإضاءة بالنهار
- حط فيش الأجهزة أو المشتركات وقت الحاجة ليها بس
- بلاش تسيب شاحن الموبايل طول اليوم لإنه بيسحب كهرباء حتى لو مش بيشحن
- استخدم اللمبات الـLED لأنها بتوفر في الاستهلاك
- احرص في استخدامك للتكييف إنك ماتسيبش الباب مفتوح مدة طويلة لأنه بيبذل جهد أكبر لتبريد المكان وبالتالي بيحتاج كهرباء أكتر واعرف إن درجة الحرارة المثالية للتكييف هي 25
- افتح باب التلاجة لما تحتاج حاجة عشان متبذلش مجهود أزيد في التبريد بكهربا أكتر
- حدد استخدامك للغلاية والميكروويف وقت الضرورة لإنهم بيستهلكوا كهرباء كتير
