طريقة تخزين الملوخية سهلة وسريعة وبتوفّر وقت كبير عليك لو عايز تطبخ ملوخية في يوم شاق ومش فاضي لتخريط الملوخية وفي نفس الوقت مش عايز تشتري ملوخية جاهزة من السوبر ماركت.
كيفية تخزين الملوخية بورقها
- بتنزع أوراق الملوخية عن سيقانها وبعدها بتغسل الأوراق كويس وبتنتظر حتى تجفيفها وبعدها بتتخزن في أكياس بلاستيك في الفريزر
- اعرف إن الطريقة دي أحيانًا بتقلل تركيز اللون الأخطر وقت إعادة طبخ الملوخية ولكن من مميزات تخزين الملوخية بأوراقها في الفريزر هي تسهيل عملية فرم (تخريط) الملوخية بواسطة المخرطة
- بعض الخبراء بينصحوا بضرورة تقطيف الملوخية (نزع الأوراق من السيقان) وبعدين تخزينها مباشرة
طريقة تخزين الملوخية بعد تخريطها
- انزع أوراق الملوخية من سيقانها وبعد غسلها وتجفيفها خرطّها كأنك هتطبخها وبعد الانتهاء من التخريط انتقل الملوخية لوعاء عميق
- ضيف كوباية شوربة باردة على الملوخية (أو مياه) وضيف نصف معلقة بيكربونات الصوديوم وقلّب مدة دقيقة
- املا الخليط بأكياس بلاستيك منفصلة واتأكد إنها مفرغة من الهواء عشان تخزنها في أحسن شكل
- خبراء الطبخ بيأكدوا إنها الطريقة المثالية للحفاظ على اللون الأخضر المثالي للملوخية
- وفي النفس الوقت بتحافظ على طعمها الطازة أكتر من تخزينها في شكل أوراق
- خبراء تانيين بيقولوا إنك ضروري تغسل الملوخية بالخل والمياه بعد تقطيفها وبعدها تجففها كويس قبل تخريطها
- بعد تخريطها بتضيف عليها كوباية مياه عليها نصف كوباية عصير ليمون ونص معلقة سكر / أو فلفل حار وتوم (بكمية بسيطة) وبعدها وبتقلّب الخليط كويس عشان يتماسك
- بتضيف الخليط في برطمان بلاستيك وبتغطيه بكيس غامق وبتخزّنه في الفريزر
فوائد الملوخية
- بتساعد على السيطرة على ضغط الدم لأنها غنية بالبوتاسيوم اللي بيساعد في ارتخاء الأوعية الدموية واتساعها
- بتقلل الإصابة بالجلطات القلبية والسكتات الدماغية وتصلب الشرايين
- بتحتوي على ألياف بتساعد في تنظيم عمليات الهضم وبتحمي من الإمساك وبتخفف أعراض القولون العصبي
- بتعالج الأنيميا لأنها غنية بالحديد
- غنية بالمغنيسيوم وبتحافظ على صحة الأعصاب
- بتحتوي على مضادات أكسدة زي كاروتينات وسيلينيو وفيتامينات E و C المقوية لصحة المناعة
- بتحسن الذاكرة والقدرة على الانتباه والتركيز
- غنية بفيتامين E اللي بيحسن صحة البشرة وبيحمي من التهابات المفاصل والروماتيزم
