بعض الأجهزة الكهربائية القديمة اللي عندك بتقدم ومش بتعرف تتخلص منها بسرعة لو استبدلتها بجهاز جديد، وأحيانًا بتخزنها على جنب عشان تصلحها في أقرب فرصة، لكن في الوقت ده ممكن طريقة التخزين الخاطئة تضر جهازك وتتلفه، وعشان كده هنقولك أحسن طريقة تخزن بيها الأجهزة الكهربائية القديمة:
- افصل البطاريات عن الجهاز لأنها ممكن تسرب مواد كيميائية تتلفها
- ابعدها عن حرارة الشمس أو أي مواد قابلة للاشتعال
- حاول تفصل المكثفات الكهربائية منها.. مع الوقت ممكن تتسبب في تلف الدائرة الكهربائية
- حافظ عليها في مكان جاف لأن الرطوبة بتسبب عفن
- غطيها بورق جرايد أو قطع قماش قوية وامسح التراب من عليها باستمرار
- بلاش تنضفها بالمياه والصابون حتى لو مش متوصلة بالكهرباء
- حطها في علب كارتون وبلاش تغطيها بالبلاستيك لأنه بيتحلل وبيخرج منه مواد كيميائية ممكن تتفاعل معاها وتضر تخزين الأجهزة
- غطي أي فتحات في الجهاز بشريط لاصق لمنع دخول الحشرات
- افصل أي شريط مطاطي في الجهاز لأنه بيتحلل واستبدله بشريط جديد وقت استخدامك للجهاز مرة تانية
- منظمات كتير بتستقبل التبرعات في صورة أجهزة إلكترونية طالما حالتها سليمة أو ممكن تبيعها لشركات بتقدم خدمات إعادة التدوير لبعض الأجهزة
