المحتويات
عربية اطفال مناسبة وسعرها متوسط وفي نفس الوقت خفيفة وسهلة التخزين، بتعتبر أمنية لأغلب الآباء والأمهات اللي عندهم أطفال وبيحتاروا بين أكتر من نوع لعربية الأطفال اللي هتسهل عليهم الحركة وتوفّر الراحة لأطفالهم وبالتالي ضروري تعرف أنواعها المختلفة وأسعارها بجانب نصائح لشرائها.
نصائح اختيار عربية اطفال مناسبة
- راعي وجود درجات انحناء مختلفة عشان تتناسب مع أوضاع جلوس الطفل في كل المراحل العمرية
- وجود الأحزمة أساسي عشان الطفل ممكن يتحرك ويقع أو الشنط تخل بتوازن العربية
- لازم يكون ليها غطاء كبير عشان تحميه من الشمس أو الهواء أو المطر وينام براحته في خصوصية
- جرّب الفرامل وسلاستها قبل الشراء لأن في أنواع بتحتاج مجهود أو بتهز العربية واتأكد من سهولة استخدام الأقفال وإنها قوية
- ابعد عن العربيات المليئة بالإكسسورات والإضافات الكتير زي الأقفال والزراير لأنها ممكن تخبط الطفل
- مهم تبقى مبطنة بخامة تقيلة وناعمة عشان تحمي الطفل من الحركة وتدعم جسمه
- وازن بين المقاس المناسب للطفل وبين الأماكن اللي بتروحها بشكل مستمر زي المول والأسانسير
- اتأكد إن طولها مناسب ليك أو إنها قابلة للتعديل
- اهتم بإن الأقفال والإيد المستخدمة تكون مريحة وفي ارتفاع مناسب ليك
- لازم يكون فيها أماكن لكل الشنط وأدوات الطفل وتكون سهلة الطي والحمل بإيد واحدة واتأكد إنها مناسبة لحجم عربيتك
أنواع عربيات الأطفال
العربية متعددة الاستخدامات
- مناسبة لكل أنواع الأراضي
- فيها مكان للتخزين وللأكواب بجانب خاصية انحناء الكرسي
- وزنها تقيل وحجمها أكبر وبتحتاج وقت عشان تفردها وتلمها
- حجمها مناسب للأطفال في جميع الأعمار
- في أنواع فيها خاصية إضافة كرسي أو استخدامها ككرسي للعربية
- عجلها بيمتص الصدمات وإيدها قابلة للتغيير من حيث الارتفاع واتجاه الكرسي متحرك في الاتجاهين
- غير مناسبة للاستخدام في المواصلات أو للتخزين في أماكن ضيقة
العربيات الخفيفة (Umbrella)
- وزنها في الأغلب أقل من 6 كيلو
- مخصصة لسهولة الحمل وبعض الأنواع فيها حمالة لحملها على الكتف
- معظم الأنواع مخصصة للأطفال سن 6 شهور أو أقل
- خاصية الأمان فيها قليلة وعمرها أقصر من الأنواع التانية
- أغلب الأنواع خالية من الإكسسورات الإضافية زي الأماكن المخصصة للأكواب وشنط الطفل
عربيات الجري
- بتسمح إنك تجري أو تمشي والطفل بأمان
- تقدر تتحكم في العجلة الأمامية عشان تحدد سهولة وسرعة الجري
- معظم الأنواع فيها خواص زي انحناء الكرسي وأماكن للتخزين وفرامل يد وأقفال لـ5 نقاط في الجسم وإيد متغيرة الارتفاع
- وزنها تقيل وحجمها كبير حتى بعد ما تلمها وعريضة وبالتالي صعبة التخزين
العربية المزدوجة
- وزنها تقيل وحجمها عريض لأنها مخصصة لشخصين
- أصعب الأنواع في التعامل معاها
- في منها أنواع، نوع لجلوس الطفلين خلف بعض ونوع لجلوس الطفلين جنب بعض
- بتسهل الحركة مع أكتر من طفل وحجم التخزين فيها أكبر
- اتأكد إن عجلها بيمتص الصدمات واعرف إنه لازم يكون فيها فاصل بين الطفلين لمنع خبطهم ببعض
عربية (Travel System)
- مكونة من عربية أطفال مع كرسي العربية
- العربية موجودة بكل الأنواع السابقة فممكن تختار النوع الأنسب ليك
- سهل تنقل الطفل من عربيته لعربيتك بدون ما تصحيه أو تحركه
اسعار عربية الأطفال
- بتتراوح الأسعار بين 660 جنيه و6700 جنيه
- بتختلف الأسعار حسب الخامات المستخدمة وسعة التخزين والأبعاد الداخلية ومدى تحمّلها للكيلوجرامات وسواء بتحمل طفل واحد أو اتنين
- شراء عربيات اطفال مناسبة للطفل بيعتمد على وزنه بشكل أساسي
