المحتويات
الميزان ضروري في حياتنا سواء كان ميزان حمام اللي بنوزّن عليه نفسنا لمعرفة وزننا أو ميزان المطبخ اللي وظيفته أساسية وزن الأكل زي الخضروات والفواكه واللحوم لسهولة تقسيمها سواء للتخزين أو للطهي، ممكن تختبر دقّته بخطوات بسيطة وسهلة.
اختبار دقة ميزان الحمام
- رجّعه للصفر عشان تقدر توزن عليه بدقة
- لو تناظري (مش رقمي) اضغط عليه بإيدك لمدة قصيرة وسيبه عشان يرجع للصفر
- أو حرك المؤشر الموجود أسفله لظبطه على الصفر
- لو رقمي هتلاقي زرار موجود في نفس المكان لرجوعه للصفر
- حط حاجة متأكد من وزنها على الميزان في أماكن مختلفة منّه وشيلها وحطها أكتر من مرة
- ضيف حاجة تانية متأكد من وزنها وشوف الفرق عشان تقدر تحدد لو دقيق ولا لأ
دقة ميزان المطبخ
- اضغط عليه بإيدك وسيب عشان تشوف إذا رجع للصفر تاني ولا لأ
- حط حاجة واحدة زي ثمرة فاكهة واوزنها أكتر من مرة واتأكد إن الوزن ثابت مش بيتغير
- أو عملات معدنية عشان تتأكد من دقته في وزن أقل الجرامات
- بلاش تتوقع دقة فائقة إلا بعد معرفة لقدرات ميزانك خصوصًا لو تناظري
الأسعار
- بتختلف أسعار الموازين حسب العلامة التجارية والمواد المستخدمة في تصنيعه ونوعه سواء ديجيتال أو تناظري
- بتترواح قيمة ميزان الحمام بين 120 جنيه لحد 680 جنيه
- أما ميزان المطبخ فبتتراوح قيمته بين 90 جنيه لحد 850 جنيه
طريقة قياس وزن الشخص بدون ميزان
- المازورة من أدق الطرق عن طريق قياس محيط البطن (الجناب) ومنطقة الفخاد كل 6 أسابيع
- اكتب القياسات في ورقة عشان ماتنساش وعلم المكان اللي بتقيس منه كل مرة
- ثبت وقت القياس ولازم يبقى بعد دخول الحمام وتجنب ضغط بطنك عشان الرقم يبقى صح
- استخدم بنطلون مظبوط أو ضيق عليك عشان تقدر تحكم لأن شكل جسمك بيتغيربعد خسارة من 2-6 كيلو
- اهتم بقياس نسبة الدهون في جسمك كل شهر خاصة لو بتلعب رياضة حتى لو وزنك مظبوط
- ولو النسبة قلت ده معناه نزول دهون جسمك بالرغم من ثبات وزنك أو مقاسك
- اختار طقم معين تتصور بيه كل أسبوعين عشان تقدر تقارن وتحدد نزول وزنك
- الشعور بزيادة طاقتك والانتظام على نظام غذائي صح- النوم جيدا-
استبدال ميزان المطبخ بتطبيقات على الموبايل
- تطبيقات كتير بتساعدك توزن الأكل بس بأوزان خفيفة على الموبايل
- ضروري تراعي قواعد الأمن والسلامة عشان تقلل تعرض موبايلك لأي ضرر
- مهم تثبّت الموبايل على سطح مستوي وتلتزم بتعليمات التطبيق بتوقيتات وضع أو إزالة الشيء اللي بتوزنه
- ومنها تطبيق Weight Scale Estimator على أندرويد وتطبيق Kitchen Scale على آيفون
